- vyapar men yadi nirantar ghata ho raha ho, to budhvar ke din yah prayog karen. is din ek pili bari kauri bajar se kharid kar laen. 2 laung, 2 choti ilaychi tatha 1 chutki dukan, karkhana adi ki mitti ke sath us kauri ko jala kar uski rakh bana len.
yah rakh budhvar ko hi ek pan ke patte par rakh kar usmen ek ched vala tanbe ka paisa dal den aur is pan ke patte ko sari samagri sahit kahin bahte pani men chor den. jis budhvar ko yah prayog karen, us din prayog samapt hone tak nirahar rahen. kisi bhukhe ko bhojan tatha dakshina dene ke bad hi bhojan karen. isko niyamit rup se 5 budhvar tak karen. antim arthat panchven budhvar ko apne isht devta ko jal, pushp, mithai adi se prasann karen. unka prasad pahle svayan len, fir bahar ke anya logon ko svayan banten.
- aksar vyaparik yatra par jane vale vyapariyon ko chahie ki jane se pahle sava rupya kisi bhi gupt sthan par rakh kar jaen. yatra se vapis ane ke pashchat us paise ko kisi bhikhari ko den. yatra safal hogi aur vyapar men ichchit unnati prapt hogi.
- thora sa kachcha sut lane. use shuddh kesar se rang len. rangte hue is mantra ka jap karen: mahalakshmyai namah aur range hue kachche sut ko apne vyaparik sthal par bandh den. vyapar age barhne lagega. naukri se sanbandhit vyakti ise apni daraj men dal den. tarakki ka yog banne ki asha avashya balvti hogi.
- kai bar aisa hota hai ki udyogpti purane udyog se ashatit saflta pakar naya udyog lagane ke lie utsahit hota hai. parantu jab purana udyog yathavat chalta rahta hai, naya udyog ji ka janjal siddh ho jata hai, aisi sthiti men yah prayog karen: shanivar ke din purane karyalay se koi bhi lohe ki vastu naye sansthan men la kar rakh dane. rakhne se purva us sthan par thore se sabut kale urad dal den. yah dhyan rahe ki vah vastu bar-bar hatayi n jae. is prakar purane udyog ke sath-sath naya udyog bhi chal niklta hai.
- sajhedari men prayah jatil samasyaen utpann ho jati hain, jiske karan prayah sajhedari asafal ho jati hai. aisi kisi bhi jatil sthiti ko talne ke lie nimn prayog karen: kisi bhi divali ki rat kachcha sut le aen. use man lakshmi ke age baithakar shraddhapurvak banten aur usapar roli ke chinte lagaen. iske pashchat vyapar sthal par kahin upar tang den. prayatn karane ki har dipavli par yah kriya dohrayi jati rahe. aisa karne se sajhedari bani rahegi.
- kisi shanivar ko apne vyapar ki or se ate hue marg men pari koi bhi kil utha len. us kil ko pratham bhains ke mutra men aur bad men ganga jal men dho kar us jagah thok den, jahan karmachari kam karte hane. usi kil ke prabhav se karmachari bhagne band ho jaenge.
- agar yah anubhav kar rahe hain ki lakh prayatn karne par bhi vyapar unnati nahin kar pa raha hai, to shyama tulsi ke charon or ug ayi kharptvar ko, kisi pile vastra men bandh kar, vyapar sthal par rakh den. is kriya ko guruvar ko hi karen.
- manglvar ke din 7 sabut sidhi danthal vali hari mirch aur ek ninbu laen. iske pashchat unhen kale dore men piro len. inko karyalay sthal ke bahar tang den. aisa har manglvar ko karen. aisa karne se vyapar barhta hai aur najar ya tok bhi nahin lagti. yah prayog shanivar ke din bhi kiya ja sakta hai.
- manglvar ke din lal chandan, lal gulab ke ful aur roli, in sab vastuon ko lal kapre men bandh kar, tijori ya dravya rakhne ke sthan par rakh den. dhan labh praranbh ho jaega. is totke ko 6 mah ke bad dubara karen.
- sarvapratham 5 lal gulab ke purn khile hue ful len. iske pashchat derh mitar safed kapra lekar apne samne bicha len. in panchon gulab ke fulon ko usmen, gayatri mantra 21 bar parhte hue, bandh den. ab svayan ja kar inhen jal pravah kar den. bhagvan ne chaha to jaldi hi karj se mukti prapt hogi.