natavar sinh ki janmakundli men guru ki mahadsha men rahu ki antardasha rahi hai, jo 5.7.2008 tak rahegi. rahu janm rashi se ashtam bhav men hone ke karan 9.11.2006 tak unhen pareshani men rakhega jiske karan ve har kam virodh karenge aur apmanit honge. unki janmakundli men kendradhipti dosh se dushit hokar guru bhagya sthan men balvan hai. atah guru ki mahadsha men kafi utar-charhav raha hoga. shani ki mahadsha 5.7.2008 ke bad aegi, atah usse pahle ve loksbha men kisi bhi uchch pad par asin nahin ho paenge.
kangres parti aur anya kisi bhi dal men unhen koi pad nahin milega, halanki vartaman samay men virodhi dal ke neta unki sahayta kar rahe hain. lekin jab tak rahu min rashi men hai tab tak ve kahin ke nahin rahenge. unki janmakundli se pradhanmantri manmohan sinh ki kundli adhik shaktishali hai. atah ve shri sinh ko jitna badnam karna chahenge utna hi 9.11.2006 tak unhen iska viprit fal milega. sarhesati shani ka prabhav pradhanmantri manmohan sinh ke upar aur ap par bhi chal raha hai.
atah donon ke sangharsh ka labh kisi tisre paksh ko mil sakta hai. pradhanmantri manmohan sinh ka bhavishya bharat ke pradhanmantri sardar manmohan sinh ki rahu ki mahadsha men budh ki antardasha 19.7.2004 se chal rahi hai jo 25.2.2008 tak rahegi. atah unke pad par bane rahne ki puri sanbhavna hai. lekin farvri 2007 se farvri 2008 tak ka samay kafi utar-charhav ke sath bitega. san 2006 men bahut kuch ghatit hongi, fir bhi ve apne pad par bane rahenge. lekin janm rashi ke upar shani ke chalan aur 1 navanbar 2006 tak shani ke kark rashi men rahne ke karan ve mansik star par udvign rah sakte hain.
unki kursi bar-bar hilti rahegi. mano ab gai tab gai. kya bharat - pakistan yuddh sanbhav hai? bharat ki janmakundli men 6.12.2006 s e 10.1.2007 ke bich kuch parivartan ho sakte aur kuch anhoni ghatnaen desh men ya lok sabha men dekhne ko mil sakti hain. bharat ki vrishabh lagn ki kundli men vartaman samay men shukra ki mahadsha men budh ki antardasha julai 2008 tak chalegi parantu gochar men yog karak grah shani apne janm rashi ke upar chal rahe hain. aur 1 navanbar 2006 se shani agni tatva rashi sinh rashi men pravesh karenge. aur ketu 9 navanbar 2006 ko sinh rashi men pravesh karen.
shani aur ketu ka sanbandh 10 janvri 2007 tak rahega. aur mangal tula rashi men 14 aktubar 2006 ke pashchat 27 navanbar 2006 tak tula rashi men shani ki drishti men rahenge. mangal ki drishti janm lagn aur shani ki drishti bhi lagn par paregi. isilie 1 navanbar se 10 janvri tak bharat men kafi uthl-puthal rahegi. visheshakar 1 navanbar se 27 navanbar tak desh men arajkta aur ashanti bani rahegi. desh ko ek prabal sarkar ki kami mahsus hogi. desh yuddh karne ko vivash ho sakta hai. kyonki desh ke andar ek dal ka dusre dal se, ek jati ka dusri jati se, ek dharm ka dusre dharm se apsi matbhed ka labh parosi desh pakistan uthaega.
aur hamare bharat ko adhik nuksan uthana parega jaise ki durghatana, agni bhay se parantu vijay pataka bharat ki hi lahraegi. jab-jab shani-mangal ki sthiti agni tatva rashi men ek dusre ko dekhte hain ya ek sath rahte hain to aisi sthiti paida hoti hai. navanbar mahina men shani magha nakshatra ke andar chalan karenge. magha nakshatra ka svami ketu sinh rashi men uttara falguni nakshatra men honge aur mangal tula rashi men chitra nakshatra men honge aur chitra nakshatra ka svami mangal apne hi nakshatra men shani ki drishti men rahenge. aisi sthiti bhayanak ho sakti hai.
yadi aisa nahin hua to kisi karanavash sarkar chali jaegi. loksbha bhang ho sakti hai aur chunav ho sakta hai. jab-jab shani jalachar rashi se agni tatva rashi men pravesh karta hai. aur agni tatva se fir jalachar rashi men vapas jata hai tab-tab aisi ghatnaen ghati hain. 1975 men shani kark rashi men the tab indira gandhi ne imrjensi lagai thi. aur shani jab sinh rashi men pravesh kiya 1979 tak indira gandhi chunav ke dvara satta men fir se ai. isilie mere vichar men 9 navanbar 2006 se 10 janvri 2007 tak manmohan sinh jaenge aur koi aur neta pradhanmantri ki kursi ki taraf agrasar honge.