uttara: chikitsa pranali men ayurved ka bahut hi mahatvapurn sthan hai. ayurved men, grahon ki prakriti ‘vat’, pitt, kaf’ v tattva ‘agni, bhumi, vayu v jal’ ko hi adhar manakar ilaj kiya jata hai. kisi bhi jatak ke janm lagn, janm rashi, lagn men sthit grah v janm nakshatra ke gun v tatva ke adhar par hi jatak ke sharir ki prakriti ka nirdharan kiya jata hai. iske atirikt ayurved men jari-butiyon ko per se torne, davai banane se lekar rogi ke dava grahan karne adi ke lie bhi jyotish ke anusar kal ka vichar kiya jata hai.
rashi se sanbandhit angon dvara rog vichar rashiyon se sanbandhit ang mesh rashi - mastishk, matha, sir. vrish rashi
- ankh, nak, kan, mukh, thoj, jibh, gala. mithun rashi
- hath, kandhe, bhujaen kark rashi
- vaksh sthal, fefre. sinh
- hriday, pith, hadyian, pet. kanya rashi
- kamar, pet, anten. tula rashi
- nabhi vrishchik rashi
- guptang dhanu rashi
- janghen, makar rashi
- ghutan kunbh rashi
- panv ke jor, takhne min rashi
- pair, ungli, talve. rog ke lie sanbhavit grah sthiti - janmakundli men lagn ya lagnesh ki sthiti, kisi bhi jatak ko milne vale fal vichar men vishesh rup se sahayak hota hai islie lagn ya lagnesh ka 6, 8, 12 bhavon se sanbandh jatak ko rog pradan kar jivan ko kashtadayak tatha ayu men kami karta hai
. - kundli men arisht yog v ayu vichar ka adhyayan bhi avashyak hai ayu lanbi hone par jivan mane rogane ki sanbhavna bhi kuch barh jati hai.
- janmakundli men asthai ya kam avdhi ke lie hone vale rogon ka vichar lagn, lagnesh, shashtham bhav, shashthesh, gochar sthiti, karak v dasha-antardasha adi se vichar kiya jata hai.
- lanbi avdhi v asadhya rogon ka vichar lagn, lagnesh, ashtam bhav, ashtamesh, gochar sthiti, karak v dasha-antardasha adi se vichar kiya jata hai.
- janmajat rogon ke vichar men lagn, lagnesh, ashtam bhav, ashtamesh, gochar sthiti, karak v dasha-antardasha ke sath-sath pancham bhav v panchmesh adi ka vichar bhi purvajanm men sanchit punya vichar ke lie kiya jata hai.
- 6, 8, 12 bhavon men shubh grahon ki sthiti ya prabhav rogon men vriddhikarak hote hain tatha pap grahon ki sthiti rogon men kam kar ayukarak hoti hai isi drishti se ashtam bhav men shani ki sthiti ayukarak mani jati hai.
- 6, 8, 12 bhav men sthit grah tatha, in bhav svamiyon se sanbandhit grah, sanbandhit sharir ke angon adi ka vichar rog nirnay ke samay avashyak hai - marak bhavon se sanbandhit dashakal ke dauran bhi bimari ya kasht prapt hote hain. faldipika ke anusar 6 v 8 bhav men vibhinn grah sthiti se kuch rog is prakar hain-
ka) 6, 8 bhav men surya ho to bar-bar bukhar hone ka bhay hota hai.
kha) 6, 8 bhav men kamjor chandra, pap yukt hokar jal rashi men hone par kshayarog, ti. bi. ka rog hota hai.
ga) 6, 8 bhav men mangal v ketu ho to ghav hota hai.
gha) 6, 8 bhav men budh ki sthiti charm rog v napunskta pradan karti hai.
(ra) 6, 8 bhav men guru ho to ti. bi. (kshayarog) v pet sanbandhi rog hota hai.
(cha) 6, 8 bhav men shukra ho to guptangon se sanbandhit rog hote hain.
(cha) 6, 8 bhav men shani vat (vayu) rog pradan karta hai chandra ke sath shani ki sthiti tyumar ka karan banti hai.
(ja) 6, 8 bhav men rahu yadi mangal se drisht ho to fora, tyumar adi pradan karta hai.
jyotish men kisi bhi rog ko dirgh avdhi v kashtakari banane men shani, rahu v ketu aham bhumika nibhate hain. shani rog ki lanbi avdhi ke lie rahu rog ko bhayankar v ketu rog ko gupt banane ka karak hai islie jab bhi yah kisi bhi pirit/rog karak grah, rashi, bhav ya nakshatra se ye sanbandh bante hain to apni prakriti ke anusar rog sanbandhi fal karte hain v rog ko jatil v asadhya bana sakte hain.
jyotish men guru ko shubh grah mana jata hai lekin rog dene men guru ki bhumika bhi bahut dekhi jati hai tatha guru ke karan hone vala rog bhi jatil v kashtakari hota hai. kisi bhi rog ke lie janm kundli, shodash vargon, grah adi ki avasthaon v dasha-antardasha ka adhyayan savdhani purvak karna chahie aur upay karte samay yah avashya dhyan rakhna chahie ki upay se hamesha lagn ko bhi bal milna jaruri hai kyonki lagn ya sharir ke bal se hi sthiti men sudhar hokar rog samapt ho sakta hai. kuch pramukh rogon ke lie udaharan svarup grah sthiti v upay
1. hriday rog is rog ke lie mukhya rup se chaturth bhav, chaturthesh, kark rashi v rashi svami chandra tatha atmakarak surya par ashubh prabhav dekhne men ata hai. jaise yadi kisi kundli men chandrama par rahu-ketu ka prabhav ho aur sath hi dasha bhi rahu ki ya rog bhav ki ho to nishchit hi aise jatak ko hriday rog ho sakta hai upay svarup pratidin surya ka darshan v gayatri path karen, chaturthesh ka ratn dharan karen, somvar ko pratah moti dharan karne se bhi svasthya labh hoga, panchmukhi rudraksh dharan karen v mahamrityunjay ka path karen. ashubh grahon ka dan v grah shanti ke lie mantra-jap adi bhi jaruri hai.
3. charm ya tvacha rog is rog men dag dhabbe, fulbhri, tatha kushth adi pramukh hain. jyotish men tvacha ka karak grah budh hai islie kundli men budh yadi pap yukt, pap drisht ya trik bhavon men hokar pirit hota hai to dasha kal men tvacha rog deta hai. is rog men rahu tatha shani bhi aham bhumika nibhate hain. yah rog rakt se sanbandhit hone ke karan mangal tatha chandra se bhi sanbandh rakhta hai. budh pirit hokar jis bhav men sthit hoga us bhav sanbandhit ang ko yah rog deta hai. upay svarup is rog men panna dharan karna chahie, mangal v chandra ke lie jal adhik grahan karna v shiv aradhna vishesh labhkari hai. ashubh grahon ka dan v grah shanti ke lie mantra-jap adi bhi jaruri hai.
4. gurde ki pathri ya gurde ke rog - vartaman men pathri ka rog bahut teji se fail raha hai. yah rog hamare khanpan ki adton se sidha sanbadh rakhta hai. jyotishiya drishti se jis kundli men lagn v saptam bhav men nich, papi-ashubh grah sthit hota hai to gurde ke rog ya pathri ki samasya ka samna karna parta hai. kundli men surya ki nich rashi men sthiti pathri ki ashanka ko barhata hai. gurde ke anya rogon men mutra vikar bhi shamil hai. is rog men upay svarup moti ya pukhraj dharan karne se labh milta hai ya chandi ki anguthi men kidni ston bhi avashyakta anusar dharan kiya ja sakta hai. ashubh grahon ka dan v grah shanti ke lie mantra-jap adi bhi jaruri hai.
6. bavasir bavasir bhi vartaman men bahut teji se barh raha hai. chikitsakon ke anusar iska mukhya karan jyadatar samay kursi, palang adi ek hi sthan par baithakar karya karna hai. jyotish men yah rog saptam bhav par pap prabhav visheshakar mangal jaise krur grahon se hota hai. yadi ashtam bhav par bhi pap prabhav ho to yah rog aur adhik bhayanak sthiti le sakta hai. surya-chandra ki yuti bhi is rog ka karan ho sakti hai. upay svarup aise jatak ko chandi ki anguthi men moti ya rakt varn munga dharan karna chahie. ashubh grahon ka dan v grah shanti ke lie mantra- jap adi bhi jaruri hai.
7. kamar dard aj kamar ke dard se jyadatar vyakti pareshan hain. mukhya rup se yah samasya hamari adhunik jivan shaili ke karan hai. motapa bhi iska ek bahut bara karan hai. jyotishiya drishti se kamar ka dard kanya rashi aur nason se sanbandhit hone ke karan shani v budh se sanbandh rakhta hai. islie jis kundli men kanya rashi, shani ya donane par pap prabhav ho to aise jatak ko pratikul grahon ki dasha men kamar dard ki samasya a sakti hai aur kamar ke sath hi ghutnon, pindliyon, takhnon, pairon v panjon ke rog bhi ho sakte hain. shani ke pap prabhav men hone par kamar dard se rahat ke lie lohe ka kara ya ghore ki nal ka bana kara shanivar ko dharan kiya ja sakta hai, kanya rashi pirit hone par rashi svami budh ka ratn panna dharan kiya ja sakta hai. ashubh grahon ka dan v grah shanti ke lie mantra-jap adi bhi jaruri hai.
8. munhase jyotish men mangal ka sanbandh fore-funsiyon se hai aur munhase iska hi svarup mane jate hanai. is karan mangal adhishthit mesh aur vrishchik rashiyon vale jatkon ke lie vishesh rup se pareshani ka karan bante hain visheshakar jab mesh, tula makar rashi men shukra v ketu ki yuti ho to shukra ki dasha-antardasha men chehre par is rog ki sanbhavna adhik hoti hai. aise jatak ko chandi ki anguthi men munga ya moti, madhyama anguli men dharan karna chahie. ashubh grahon ka dan v grah shanti ke lie mantra-jap adi bhi jaruri hai. vibhinn prakar ke rog vastavik taur par rog do prakar ke hote hain
sharirik v mansik. kuch rog vyakti ko janm se hi ho jate hain parantu kuch rog ek nishchit avdhi ke dauran hote hain. fir vo jivan ke ant tak chalte hain ya avdhi ke khatm hote hi dur ho jate hain. vibhinn kundli ke vivechan dvara ham yah bat pata kar sakte hain. vani ke rog jatak ki kundli mangal lagn men balishth avastha men sthit hai. vani ka karak grah budh dhan sthan men sthit hai. vani ka karak grah budh dhan sthan men surya v chandra ke sath sthit hai tatha guru se drisht hai.
jatak ki kundli men saptam bhav v vrish rashi vani, mukh, gale ki karak hai jiska svami shukra lagnesh mangal ke sath ast hai. saptam sthan men mangal, rahu ki drishti hone ki vajah se jatak spasht rup se bolne men saksham nahin hai. parantu vani karak budh ki dvitiya sthan men sthiti v guru ki drishti ke karan jatak ek mridubhashi vyakti hai. atah jatak ruk-rukakar bolta hain. nasika ke rog jatak ki kundli men lagnesh, dhanesh shani, chaturthesh v ekadshesh mangal ke sath saptam men sthit hain. donane grahon ka sanbandh lagn v dhan sthan se puri tarah ban raha hai jiske karan vyakti ke sharir men chote-mote rog lage rahte hain. iske atirikt vrish rashi jo nasika, kanth ki karak hai, men ashtamesh surya, shashthesh budh, markesh chandrama, panchmesh shukra ke sath sthit hai jiske karan vyakti ki nak men asthi se sanbandhit rog lage rahte hain. karnon ke rog jatak ki kundli men tritiyesh mangal tritiya sthan men hai jo karnon ka karak hai.
mangal ki purn drishti vrish rashi men sthit shani par hai. vyakti ki kundli men shani tritiya sthan jo dayen karn ka pratik hai v ekadash sthan jo bayen karn ka pratik hai ko prabhavit kar raha hai. ekadshesh chandrama nirbal avastha men dvadash sthan men sthit hai. atah vrish rashi, tritiya v ekadash sthan pap grahon dvara prabhavit hone ki vajah se jatak sunne men asamarth hai. pet ke rog jatak ki kundli men kanya rashi tatha budh grah pap grahon se prabhavit hai. tritiya v dvadash sthan ka svami budh panchmesh v dashmesh mangal ke sath ashtam men sthit hai jo jatak ko pet se sanbandhit pareshaniyan deta hai. kanya rashi vyakti ke sharir men anto ki karak bhi mani jati hai atah kanya rashi men surya, mangal v rahu ke prabhav ke karan vyakti pet ke rog se grasit hai.
pairo men dard jatak ki kundli men lagnesh shani dhan sthan men kunbh rashi men sthit hai jo pairon se sanbandhit rashi hai. shani ki purn drishti ashtamasth surya v ekadash men sthit chandrama par hai. surya ki shani par drishti haddi sanbandhi vyadhi ki karak hoti hai v shani ki ekadash bhav par drishti v labhesh mangal ki shashth bhav men sthiti jatak ko pairane se sanbandhit rog pradan karti hain. atah jatak ko joron men dard se sanbandhit rog hai.
mastishk rog jatak ki kundli men lagnesh mangal jalatatva rashi men vyay sthan men sthit hai. lagn v mesh rashi pap grahon (shani, rahu, ketu) dvara prabhavit hai tatha shashthesh budh ekadshesh shani ke sath chandrama puri tarah ast hai. atah jatak ko janm se hi mastishk sanbandhi rog hai. fore, funsi se sanbandhit rog jatak ki kundli men lagnesh budh dvadash sthan men pap grahon se prabhavit hai tatha shashthesh v labhesh mangal, bhagyesh v ashtamesh shani tatha markesh chandrama ke sath lagn men baitha hai. shashth sthan se tvacha sanbandhi rogon ka vichar kiya jata hai.
lagnesh budh ki shashth sthan par drishti v shashthesh mangal ki markesh grahon se yuti v kanya rashi par purn drishti ke karan jatak ko chamri men fore, funsi se sanbandhit kasht hai. mangal v shani jatak ko dad, khaj,khujli jaise rog bhi pradan karte hain. atah jatak ko tvacha men khujli v fore funsi se sanbandhit rog hai. hriday rog jatak ki kundli men panchmesh surya pancham sthan men shashthesh budh tatha rahu ke sath sthit hai. jaisa ki vidit hai
sinh rashi hriday ko prabhavit karti hai. atah hriday ke karak grah surya ka rog karak grah budh tatha rahu-ketu papagrahon se sanbandh hriday rog ki sanbhavnaen utpann karta hai. atah jatak hriday rog se pirit hai. blad preshar jatak ki kundli men lagnesh chandrama, rakt ke karak grah mangal v markesh shani ke sath saptam sthan men sthit hai. mangal ka ashtamesh v markesh shani se sanbandh jatak ko rakt sanbandhi vikar utpann karta hai tatha lagnesh, lagn v mesh rashi men pap grahon ka prabhav jatak ko mansik rup se sanvednshil banata hai. atah jatak blad preshar vyadhi se pirit hai.