nav varsh ko lekar logon ki utsukta aur chinta svabhavik hai. har vyakti janna chahta hai ki nae varsh men uska bhavishya kaisa hoga. yahan isi bat ko dhyan men rakhte hue vibhinn rashiyon ke varsh 2010 ke bhavishya tatha vibhinn grahon ke fal ka jyotishiya vishleshan prastut hai. yah varsh chandra grahan ke sutak se praranbh ho raha hai. 01 janvri 2010 ke suryoday se purva parne vala yah chandra grahan mithun rashi ke jatk/jatkaon ke lie ashubh hai.
dusri taraf, 15 janvri ko parne vala khandagras suryagrahan makar rashi ke logon ke svasthya ke pratikul hoga aur unhen vivad men fansaega. grahan ka kuprabhav shaskon aur adhikariyon par adhik dekha gaya hai, islie mithun, kark, vrishchik, min, tula, makar aur kunbh rashi ke rajnitigyaon aur adhikarigan ka janvri mah men vishesh savdhani bartna shreyaskar hoga. manthar gati ka grah shani, rahu ya guru nav varsh men vrish, sinh, kanya, dhanu tatha min rashi ke logon ke lie shubh nahin hai.
in panch rashiyon ke jatkon ko koi bhi kadam soch samajhakar aur savdhanipurvak uthana chahie. mesh rashi ke lie chatha shani shatruon par vijay dilane vala aur guru ka gyarhven sthan men gochar labhdayak siddh hoga. mithun rashi ke lie navamasth guru bhagyoday karak hai. kark rashi ke lie shashth bhav men rahu ka bhraman sabhi vighn badhaon ko dur karega. tula rashi valon ko tritiya sthan ka rahu parakram aur panchven men sthit guru vidya (shiksha), prem aur santan ka sukh pradan karega.
nav varsh men vrishchik rashi ke jatkon ko ek matra shani labh sthan men baithakar saflta pradan karega. makar rashi men dvitiya bhav men guru ka bhraman dhanlabh karaega. kunbh rashi ke jatkon ko labh sthan ka rahu san 2010 men sukh aur chahunmukhi saflta pradan karega. mesh, kark, tula aur vrishchik rashi ke logon ke lie yah varsh khushiyon ka paigam lekar aega, saflta unke kadam chumegi. grahon ke ashubh prabhav se mukti hetu kya karen? san 2010 men janmasth rashi se ashubh faldayak sthanon men vibhinn grahon ki shanti hetu unke mantron ka jap, unke devtaon ki puja aur anisht gochriya grahon se sanbandhit vastuon ka dan karna chahie.
shani pure varsh kanya rashi men aur rahu dhanu men gochar karega. guru 2 mai 2010 tak kunbh rashi men gochar karega. shani, rahu tatha guru ki is naisargik gochriya gati ke adhar par vibhinn rashiyon ke jatkon ke lie pujniya grahon ka vivaran niche ki talika men prastut hai. guru 2 mai, 2010 se 23 julai 2010 tak min rashi men rahega. is kalavdhi men vah mesh, sinh tatha tula rashi ke logon ke lie anishtaprad rahega.
atah is dauran mesh, sinh aur tula rashi valon ko guru ki shanti ke upay karne chahie. kintu min rashi ka guru mai, jun aur julai men kark, vrishchik tatha kunbh rashi ke jatkon ke lie shubh faldayak hoga. ve is svarnim avasar ka bharpur labh utha sakte hain. san 2010 mesh, kark aur tula rashi ke logon ke lie shubh hai. is varsh mesh ko vijay aur dhan, kark ko samman aur aishvarya tatha tula ko dhan aur sukh ki prapti hogi.
vrishchik ko labh aur hani saman rup se prapt hogi. yah varsh achchi varsha, achchi fasal aur sukh ka sandesh lekar aya hai. nav sanvatsar vikram sanvat 2067 ka praranbh chaitra shukla pratipda tadnusar dinank 15 march 2010 ki uttar ratri ko 26ah33 baje se ho raha hai. is samay somvar hone ke karan varsh ka raja chandra hai. kintu guri parva aur nav ratri ghat sthapna hetu 16 march, manglvar ki chaitra shukla pratipda suryoday kalin hone ke karan grahya hai.
chaitra shukla pratipda ko jis grah ka var ho, vahi grah varsh ka raja hota hai. vah grah akashiya mantriprishad men adhinayak ki haisiyat rakhta hai tatha varsh men sabhi prakar ke shubhashubh mediniya bhavishya ko prabhavit karta hai. yadi krur grah raja ho to thagi, beimani, kar vriddhi, durghatanaen adi adhik hoti hain. iske viprit shubh grah ke raja hone par shubh falon ki adhikta hoti hai.
varsh ke raja chandra ka fal soe nripe shobhan manglani prabhutvari prachuranch dhanyam. prashamyati vyadhi taronranan sukhan prajana mudyo nripanam.. arthat chandra ke raja hone ke karan yah varsh ati shubh hai. gehun, chaval adi ki paryapt upaj hogi. janta aur shasak prasann rahenge. mahilaon ke vikas sanbandhi kalyankari yojnaon ka kriyanvayan hoga. shri shobhan namak sanvatsar ka fal brihaspati ke gochriya rashiman se yah sanvat shobhan namak sanvatsar hai.
mediniya grantho men likha hai- shobhne vatsare dhatri prajanan rog shekha. tathapi sukhino loka bahusasyardhavrishtayah .n arthat is shobhan sanvatsar men janta men rog-shok ki vriddhi hogi, fir bhi achchi varsha hone ke karan janta sukhi rahegi tatha sanpurn desh men sarkar dvara janta ki bhalai ke sarthak prayas kie jaenge. adhinayak mangal ka fal agni, chorane v rogon se janta bhaybhit aur pirit hogi. satta men virodh ke svar mukhar honge.
mantri budh ka fal: faslon ki paidavar achchi hogi. jau, dhan, masur aur chane ke unche dam milne se kisanon aur vyapariyon ko labh hoga. purva annadhipti shukra ka fal: faslen rogmukt hongi. gehun, chaval, ganna, dhan ki paidavar achchi hogi aur pushp jamakar khilenge. is varsh ann stanbh 54 pratishat hai. atah ann ka utpadan samanya se kuch adhik hoga.
dhanyesh guru ka fal: varsha achchi hogi jisse janjivan sukhamay hoga. brahmaman samaj ki dharma-karm men ruchi barhegi. meghesh mangal ka fal: desh men varsha kahin adhik aur kahin kam hogi. kahin anavrishti ke karan sukhe ki sthiti utpanan hogi. rasesh surya ka fal: til aur arand ki paidavar achchi hogi, kintu dudh, ghi adi ke utpadan men kami aegi.
nirsesh surya ka fal: kapur, agar, moti aur kapre mahange nahien honge. logon ka bhog vilas ke prati akarshan barhega. falesh chandra ka fal: fal-ful ki paidavar achchi hogi. brahmanon ko uttam bhojan ki prapti hogi. netagan ke lie yatra ka yog banega. dhanesh guru ka fal: is varsh ka dhanyesh guru hai. faltah vyapari varg ko atyadhik labh hoga. durgesh chandra ka fal: desh ke pradhanmantri sukh shanti se rahenge, unka shasan sucharu rup se chalega.
kintu kisi rajya men jati, varg, dharm, kshetra ko lekar ya dalagat virodh ke karan vidroh ka vatavaran banega. varsh lagn pravesh fal: varsh pravesh ke samay dhanu lagn hone ke karan uttara-purva ke rajyon ka janjivan sukhamay rahega. kintu lagnesh ki tritiya bhav men tatha rahu ki lagn men sthiti varsh kundli ko ashubhta pradan kar rahi hai. madhya pradesh men prabal varsha se rog utpann honge. pashchim men ghrit v dhanyadi saste honge. dakshin bharat men logon ka jivan sukhamay rahega, kintu pashu rogagrast honge. uttarakhand, asam, himachal pradesh, karnatak, andhrapdesh, keral tatha tamilnadu men lok kalyan ke karya honge.
rajasthan panjab men bhi janta sukhi rahegi. kintu madhyapradesh, jharkhand, bihar, u. pra. andhrapradesh v urisa men andhi-tufan v mahamari prakritik apdaon se janta pirit hogi. gujrat, maharashtra v kashmir men antrik kalah ke karan ashanti ka vatavaran utpann hoga.