aj vishva ki kafi bari jansankhya vivahetar sanbandhon ke karan eds jaisi bhayankar bimari se prabhavit ho chuki hai. aise men is jvalant vishay par jyotish ke aine men bahu sanbandh aur dvivivah par paricharcha tatha ek sahi margadarshan evan sarahniya karya hai. bhartiya rishiyon ka darshan anadikal se isilie vishva men adarsh evan pujniya raha hai ki unhonne jo bhi chintan kiya vah hamesha hi samaj ke lie labhaprad raha. unhonne apne chintan evan divya drishti ke dvara bhavishya men hone vale labh evan hani ko samjha tatha unse samaj ko pahle se hi avagat karaya.
unke batae hue niyam evan adarshaen par chalakar bhartiya samaj ne hamesha hi tarakki ki tatha vishva men bhartiya darshan ko ek pramukh sthan dilaya. vishva ke kai desh, jinka drishtikon bhogvadi raha hai, aj bhartiya darshan ki ganbhirta ko samjhte hue is or akrisht ho rahe hain tatha hamare mahapurushon ke adarshon evan chintan ko apne jivan men utar rahe hain. atyadhik bhogvadi pravriÿia ka hi fal hai ki aj vishva ki kafi bari jansankhya eds jaisi bhayanak bimari se grast hai.
bhartiya darshan ne hamesha hi unmukt yaunachar ki alochna ki hai. usne manav ko unmuktata se bachane ke lie stri-purush ko vivah sutra men bandh kar samaj men man samman se rahne ki ek achchi pratha ki ninv dali tatha unhen kuch niyamon ke antargat jivan jine ka siddhant diya. hamare bhartiya darshan men svachchand kam ka koi sthan nahin raha hai. vivah keval vansh paranpra ko jivit rakhne ke lie hi kie jate the. parantu dhire-dhire ham apni sanskriti ko bhulte gae tatha vivah ko bhi kam ki purti ka sadhan matra samajh liya. hamare prachin ganrathon men ek se adhik vivah ki pratha ka milta hai. parantu aj svatantra bharat ka kanun ek hi vivah ki anumti deta hai.
fir bhi kabhi-kabhi aisi paristhitiyan utpann ho jati hain ki manushya ko dusra vivah karna par jata hai. agar ham dusre vivah ya dusri stri se vaivahik sanbandh ko dekhen, to paenge ki donon hi vishay alag alag hain. akasar log nimnalikhit paristhitiyon ke vashibhut hokar hi dusra vivah karte hain.
û kutunb ki vriddhi men ek sathi ka asamarth rahna.
û vaicharik matbhed ke karan ek dusre se asantusht hokar talak le lena.
û durghatana men donon men se kisi ek ki mrityu hona. hamare rishi muniyon ne apne chintan evan sadhna ke dvara bahut pahle hi jan liya tha ki brahmand men ghumte hue grahon ka jivon ke upar hamesha hi prabhav bana rahta hai. grahon ke falafal ka gyan ganit evan falit siddhanton ke adhar par kiya jata hai. dvivivah ke kuch pramukh yog is prakar hain:
û saptam bhav men sthit mangal par shani ki drishti ho, to jatak ka dusra vivah hota hai.
û saptam bhav men shani aur chandra ki sthit hon, to jatak ka dusra vivah vivahit parityakta se hota hai.
û saptamesh uchch rashisth ho kar kendra ya trikon men ho aur dashmesh se drisht ho, to jatak kai striyon se vivah karta hai.
û saptamesh v dvitiyesh shukra ke sath trik bhav men hane aur lagn jitne papi grahon se yut ya drisht ho, uski utni hi striyon ki mrityu hoti hai.
û lagnesh v dhanesh shashth bhav men hon tatha saptam bhav men pap grah ho, to jatak ka dusra vivah hota hai.
û lagn, dvitiya v saptam bhav men papi grah hon tatha saptamesh nirbal ho, to jatak punarvivah karta hai.
û saptam bhav pap grah se yukt ho tatha saptamesh aur saptam bhav ka karak grah trik sthan men ho, to jatak ka dampatya jivan kashtamay evan niras hota hai. saptam sthan men mangal par shani ki drishti ho, to jatak ka dusra vivah hoga, yah ek jyotishiya avdharna hai
ham ganit ke dvara yah pata kar sakte hain ki saptamesh ki jab dasha ya antardasha hogi, us samay is yog ke ghatne ki sanbhavna adhik hogi. agar yah dasha ya antardasha jatak ki yuva avastha men ati hai, to use apni bhavnaon par niyantran rakhna chahie.
parantu agar yahi dasha janm se purva ya vriddhavastha men ae, to uska prabhav jatak ke upar naganya hi hoga, vah pratikul grahon ki sukshm dashaon par jatak ko prabhavit karegi. atah agar ye grah janm ke samay shaktishali sthiti men jatak ko kasht pradan kar rahe hon, to use chahie ki vah hamesha hi us grah se sanbandhit shanti (dan evan sadhna) karta rahe. manushya anaitik sanbandh kai karnon se bana leta hai jinmen pramukh is prakar hain.
û svabhav men chanchlta evan uchchrinkhlta.
û svabhav se atyadhik kamuk hona. niche likhe jyotishiya niyam ek se adhik striyon athva purushon se sanbandhon ke suchak hain.
û saptam bhav men lagnesh, dhanesh, shashthesh tatha papi grah ke sthit hone par purush parastri se sanbandh banata hai.
û guru v budh saptam sthan men hon, to jatak ka ek se adhik striyon se sanbandh hota hai.
û saptam bhav men papi grah jatak ki patni ko duracharini banate hain.
û saptamesh aur mangal dvadash bhav men sthit hon, to jatak atyant kamuk hota hai.
û saptam men shani aur mangal hon tatha shukra lagn se unhen dekhta ho, to pati aur patni donon hi charitrahin hote hain.
û saptamesh dvadash men tatha dvadshesh saptam bhav men ho, to jatak kamuk hota hai.
û dvadash bhav men mangal uchch ka ho tatha shani se drisht ho, to jatak ka jivan kashtamay hota hai, vah parastri gami hota hai. uparyukt janmakalin grahiya sthiti men jatak ka naitik patan ho sakta hai.
parantu grahon ki nakshatriya sthiti tatha us dasha men kie hue prayas unke prabhavon ko kam kar sakte hain. isilie jaruri hai ki jyotishiya ganna kushal aur vidvan jyotish se hi karai jae.