motapa ajakal sankramak rup men fail raha hai. isse bachche v bare sabhi prabhavit hain. iska mukhya karan hai fast fud aur chaeklet ka adhik sevan tatha kam se kam sharirik shram karna jisse atirikt kailauri dhire-dhire jama hokar sharir ko mota karti hai. avagaman ki suvidhaon ki sulbhta se hamara paidal chalna bhi lagabhag band ho gaya hai. motapa vaise to adhik kashtakari nahin hota, parantu vajan barhne se vyakti alsi ho jata hai aur uski karyakshamata ghatti hai.
sath hi vah anya ghatak rogon jaise - bi. pi., shugar, hriday rog aur ghutne v tang men dard ka karan banta hai. motapa adhik barhne par vyakti nishkriya ho jata hai. udaharan svarup u. pra. ke hed kanstebal, aur mishra se strechar par munbai ilaj ke lie lai gai ek mahila ki khabar v unke chitra farvri, 2017 men samachar patron ki surkhiyan bane. motapa kam karne ke lie aspatal men rakhakar vyakti ko dava ke sath lanbe samay tak taral padarthon ka sevan karvate hain.
kuch motapa kam hone par thora-thora kar pratidin ek ghanta chalvate hain. atah apni dinacharya aur khan-pan ko niyantrit karke motape se bacha ja sakta hai. jyotish shastra hamare sharir men hone vale sanbhavit rogon ka satik purvanuman janmakundli men grah sthiti se bhali prakar deta hai. janm kundli men lagn rashi aur unse shashth (rog) bhav ki sthiti aur un par ashubh grahon ke prabhav (sthiti v drishti) vyakti ko bimar banate hain. mangal, shani, rahu v ketu piradayak rog dete hain, jabki shubh grah kam kashtakari rog dete hain. pirit kark rashi v chandrama ka, lagn v shashth bhav se sanbandh hone se sharir men jal tatva ka anupat adhik barhne se motapa barhta hai.
iski sanbhavna adher umra men adhik hoti hai. brihaspati kaf pradhan aur charbi ka karak grah hai. uske pirit ya nirbal hone par jatak adhik bhojan karta hai jisse livar v painakriyaj par bhar parne se sharir men shugar aur motapa hota hai. brihaspati ki lagn v rashi (dhanu, min) svatah hi pusht aur mansal sharir deti hai. shukra grah granthiyon aur harmaen banne ka karak hota hai. uske pirit hone par thaeyrayad granthi sahi anupat men harmaen nahin banati jisse motapa barhta hai, jo yuvtiyon ke lie vishesh chinta ka karan ban jata hai. kabhi-kabhi dava ke riekshan se bhi motapa barh jata hai, jiska karan rahu grah ki kundli men ashubh sthiti aur dushprabhav hota hai.
chandrama, brihaspati aur shukra tinon grahon ka kundli men nirbal, pirit aur unka lagn tatha shashth bhav se sanbandh hone par motape ke bhishan rup dharan kar lene par sharir bedaul ho jata hai, jiske falasvarup kuch yuvak v yuvtiyon ka vivah bhi nahin ho pata aur ve duahkhi rahte hain. pirit ya nirbal chandrama aur brihaspati ki yuti ya paraspar kendra sthiti, se bana dushit ‘gajkesri yog’ sukh samriddhi ki bajay motapa aur vajan barhata hai. lekhak ke sangyan men ain kuch janmakundliyan pathkon ke avloknarth prastut hain jo uprokt sutron ko satyapit karti hain: vakri shashthesh brihaspati lagn men rahu se pirit hai. chandrama dasham bhav men shukra ke sath hai tatha un par mangal v ketu ki ashubh drishti hai. mangal v ketu par shani ki drishti hai.
jatak pet v siradard se pirit hai. uska vajan 75 kilo hai. lagnesh budh ashtam bhav men hai. nichasth chandrama, vakri brihaspati ke sath, tritiya bhav (ashtam se ashtama) men hai. tritiya bhav pap madhya hai. jatak ka vajan 100 kilo hai aur vah daybetik hai. 15-11-2011 se sarhesati chal rahi hai. vakri brihaspati aur chandrama saptam bhav men hai. inapar vakri shani v uske sath shashthesh mangal ki drishti hai. gajkesri yog dushit hai. jatak pet, dant aur snayu rog se pirit hai. uska vajan 74 kilo hai.
lagnesh budh dvadash men rahu aur surya ke sath hai, tatha un par shashthesh mangal ki drishti hai. jatika ke lagn men nichasth dvitiyesh shukra, vakri shani ki drishti se pirit hai jiske karan use thayraeyad granthi ka rog hai. lagnesh dvadash bhav men surya v rahu ke sath hai jisse uske pita ka jaldi nidhan ho gaya. bahut ilaj ke bad bhi svayan ka vajan 80 kilo se niche nahin ata. usko bi.pi., shugar aur kandhon ka dard bhi kafi samay se hai.
saptam bhav ‘pap-madhya’ hai aur saptamesh brihaspati vakri shani ke sath chaturth bhav men hai. us par mangal v rahu ki drishti hai. shani ki shashth bhav sthit ketu par drishti hai jo chandrama se dvadash hai. lagn men nichasth shukra aur rahu, surya aur budh (lagnesh) ki dvadash bhav men sthiti ne vaivahik sukh nahin diya. chandrama, shukra aur brihaspati ki pirit sthiti ne uska vajan bhi barha diya.