sitambar ke shuru men pandit ji ko kochin ke ek nami shrimp machli ke niryat karkhane men svachalit mashinen lagane ke avasar par vastu paramarsh ke liye amantrit kiya gaya tha. vahan ke mukhya prabandhak (isai dharm ke anuyayi) ke anurodh par unke ghar ko dekhakar di gai vastu riport ap sab ke labharth yahan di ja rahi hai.
apke ghar ka dakshin-pashchim v dakshin kata hua hai jiske karan ghar ke mukhiya ko anchahi samasyaon ka samna karna parta hai jaise ki lambi avdhi ki bimari, dhan hani, shatru bhay adi. islie dakshin, dakshin-pashchim men pargola dalne se uprokt sabhi ashubh prabhav kam ho jayenge tatha sukh ki prapti hogi. pargola dalne ke bad bhi pashchimi disha ke shauchalay ke sthan par kuch barhne se ghar ke akar men aniyamitta bani rahegi.
iske prabhav dvara ghar men susti v alas ka vatavaran ban sakta hai jise achche sahitya ka pathan, subah ki sair, pranayam, khan-pan men sanyam dvara asani se dur kiya ja sakta hai. sink ke dakshin-pashchim men hone ke karan ghar ke mukhiya ka svasthya kharab rahta hai tatha ghar ke sadasyon men apsi manmutav rah sakta hai. isilie sink ko uttar men yani stov ki jagah rakhna bahut achcha rahega.
uttar pani ka sthan hai islie apsi mel-jol v dhan ke anavarat agaman ko banaye rakhne ke liye pani se juri pratyek chij uttar men rakhna sarvashreshth hai. agni yani stov adi ko uttar men rakhne se dhan hani v mansik ashanti bani rahti hai. islie stov ko uttar se hatakar pashchim men rakhna uchit rahega, chunki khana banate samay grihini ka mukh purva ya pashchim ki taraf hona sarvashreshth mana gaya hai.
uttara-purva v dakshin-pashchim ka samanjasya agast mah men pandit ji ko jamanagar (gujrat) ke ek bare audyogik samuh ne apni shiping kampani ke prastavit mukhyalay ki bilding ke nirman ke sanbandh men bulaya tha. usi dauran unke ek adhikari kaiptan sudhir pande ji ke anurodh par pandit ji ne unke apartament ka avlokan kiya jo kanpni ne unhen kiraye par lekar diya hua hai.
uski sankshipt riport fyuchar samachar ke prabuddh pathkon ke liye yahan di ja rahi hai. pandit ji ne bataya ki apke ghar ka dakshin-pashchim men mukhya dvar thik nahin hai, jiske karan ghar men dhan ki hani, choron se bhay aur anchahe kharche hote rahne ki sanbhavna barh jati hai. ise thik karne ke liye is dvar ki dahlij men chandi ki strip dabaen tatha pila pent karen.
dvar ki chaikhat men upar tin plastik piramid lagayen, avashya labh hoga. ghar men ghuste hi pandit ji ne kaha ki is ghar ke ishan men bhi koi ganbhir dosh hone ki prabal sanbhavna hai. rasoighar dakshin evan dakshin-purva men hai jo ki sehat v dhan ke lie bahut hi achcha hai.
parantu gais stov par kam karte samay munh dakshin men hone ke karan grihini ko kandhe men dard tatha sarvaikal jaisi ganbhir bimariyan utpann hone ki sanbhavna hoti hai. islie stov par kam karte samay munh ko purva ya pashchim men hi rakhna chahie. dakshin men ovan, maikrovev rakhna uchit rahega.
brekfast tebal uttara-pashchim men hai jo thik hai. frij dakshin-pashchim men hai jo rah sakta hain parantu is sthan par iske bar-bar kharab hone ki sanbhavna bani rahti hai. adhyayan kaksh men mej ki banavat ko samchairas karvayen. mej ko thora sa purva ki or se hata kar puja ghar ko vahan sthapit karne se ghar v daftar men jyada samanjasya rahega.
abhi dakshin-purva ke puja ghar men keval durga puja hi jyada achcha mana jata hai kyonki dakshin-purva ag arthat shakti ka sthan hai. adhyayan kaksh ka shauchalay uttara-purva men hai jo dhan, svasthya, bachchon ka vikas v mansik shanti ko ganbhir rup se prabhavit karta hai.
uttara-purva men shauchalay hone se lailaj bimari evan kanuni samasyaon ka bhi samna karna par sakta hai. iska prabhav kam karne ke lie shauchalay ki dahlij banvakar us par pila pent lagaen aur ek safed chini mitti ke bartan men samudri namak dal kar uttar disha men rakhen aur use har saptah badlte rahen. uttara-purva kata hua hai.
isse bhari kharch v mansik ashanti bani rahti hai. draing rum uttar men hai jo ki vyavsay men vriddhi ke lie achcha hai. pashchim men paudar rum thik hai. pandit ji ne samjhaya ki uprokt sujhavon ko karyanvit karne se avashya labh hoga. parantu ise badlna sarvashreshth hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!