rahasyamay hai jvala ji ki akhand jvala chitra fuloriya papiyon ke lie dhadhkti jvala aur bhakton ke lie sanmarg dikhane vali snehmyi jyoti ki pratik man shakti ! prakriti ki naynabhiram chataon ke bich sthit man jagdanba ki nirantar jalti rahne vali jvala ka rahasya aj bhi kisi anbujh paheli ki tarah bana hua hai. kahte hain, sachche man se jo koi man ki sharan men gaya, khali hath nahin lauta. prastut hai usi shaktisvarupa man ke shaktipith ka sajiv chitran...
hamesha bhavna ki bhukhi hoti hai. apne bachchon evan bhakton par sneh lutana hi uska param dharm hota hai. aisi mamtamyi man jagat janni kan-kan men vidyaman hai. man ke nau rup to jag prasiddh hain hi, 51 shaktipithon ke rup men bhi man jagdanba pure bharatavarsh men puji jati hai. himachal pradesh ke kangra jile men sthit jvalamukhi mandir bhi 51 shaktipithon men se ek hai.
daksh yagya men parvati ke kudne ke bad jab sati parvati ka shav lekar shiv nikle to mata sati ki jihva yahan giri tab is shaktipith ka nirman hua. yahan nirantar jalti rahne vali jvala ke rup men man jvala ki puja-archana ki jati hai. is shakti mandir ki sthapna ke vishay men ek anya akhyan bhi prachlit hai.
bahut dinon se ek gvala is bat par gaur kar raha tha ki uski gay ke thanon se dudh pahle hi koi duh leta hai. jab vah bahut dinon tak is rahasya ko nahin jan paya to usne ek bar gay ka picha kiya aur paya ki jangal men ek kanya ati hai aur gay ka dudh pikar prakash men vilin ho jati hai.
apni ankhon se yah drishya dekhakar vah bhauchakka rah gaya. us rat vah so nahin paya, subah uthakar usne us chamatkari balika ke vishay men raja ko batane ka nishchay kiya. raja ne gvale se yah ghatna suni to use us kshetra men sati ki jihva girne vali katha smaran ho ai. raja ne kshetra ka bariki se nirikshan kiya magar vah us pavan sthal ko talashne men safal nahin ho paya.
kuch sal bad vah gvala dobara us kshetra men gaya to use vahan ek jvala jalti dikhi. gvala fir raja ke pas gaya aur bataya ki usne parvat shikhron ke bich se jalti hui jvala niklti dekhi hai. raja ne us sthan par ek mandir ka nirman kiya. tab se yahan nitya puja-archana ki jane lagi.
kaha jata hai ki bad men pandav yahan ae aur unhonne is mandir ka punruddhar kiya. kuch samay bad katoch vansh, kangra ke tatkalin raja bhumi chand ne pahli bar yahan ek bhavya mandir banaya. tab se ab tak yahan nirantar tirthayatriyon ka tanta laga rahta hai.
jvala ji men bhumi se anavarat niklne vali jvala sabke lie akarshan ka kendra hai. jin logon ki adya shakti mata ke chamatkarik vyaktitva men astha nahin hai un logon ne yahan jakar is jvala ko bujhane ke pratyaksh evan paroksh prayas kie lekin unhen munh ki khani pari. kaha jata hai ki mugal badshah akabar ne is jvala ko bujhane ke lie lohe ki ek chakti rakh di, jab usse bhi lau nahin bujhi to uske upar nahar ka pani chor diya.
parantu is sabke bavjud lau jalti hi rahi, to akabar ne mata ki shakti se prabhavit hokar mandir men sone ka chatra charhaya, halanki man ke prati uske avishvas ke chalte vah chatra anya dhatu men parivartit ho gaya. lekin is ghatna ke bad shaktisvarup man ke prati akabar ki astha aur bhi drirh ho gai. man shakti ke viruddh akabar dvara kie gae shakti prayog ne jan-jan ke man se sari shankaen mita din aur man ke darshan ko ane vale shraddhaluon ki sankhya barhti hi chali gai.
devi man yahan nau jvalaon ke rup men ek dusre se bhinn dikhai deti hain, jinke nam mahakali, annapunr aa, chandi, hinglaj, vindhyavasini, mahalakshmi, mahasarasvati, anbika aur anjna hain. rangarang mela: jvala ji men marcha-aprail evan sitanbr-aktubar men ane vali navratriyon men sal men do bar bahut bara mela lagta hai.
is mele men lok git, lok nritya, natak adi ki rangarang jhalak to milti hi hai, sath hi kushti, daur adi ki pratispardhaen bhi ayojit ki jati hain. himachli sanskriti mano jivant ho uthti hai. yahan milne vali hast shilp ki lubhavni vastuen paryatkon ka man barabas moh leti hain. navratriyon ke dauran yahan bahut bhir rahti hai. shraddhalu log lal dhvaj hath men lekar man ka jaykar karte hue mandir men ate hain.
mata ko charhae jane vale bhog men rabri ya garhe dudh ki malai, mishri aur mausmi fal hote hain. pure din vibhinn charnon men puja-archana chalti rahti hai. din men panch bar arti aur ek bar havan hota hai, mandir parisar men durga saptashati ke shlokon ke bhakti evan bhavpurn svar gunjayman hote rahte hain. bhakton ka vishvas hai ki navratriyon ke dauran yah jvala sakshat man ke munh se niklti hai.
aspas ke darshaniya sthala:
nagini mata: jvala ji mandir ki upri pahari par yah mandir sthit hai. iske aspas hi mela lagta hai.
shri raghunath ji mandir: yahan par ram, lakshman evan sita ki murtiyan hain. is mandir ke sanket bhukanp ke bad mile. kaha jata hai ki ise pandvon ne banaya.
ashtabhuja mandir: is prachin mandir men prastar se asht bhujaon vali mata ki murti bani hui hai.
nadaun: yah jvala ji se lagabhag 12 kimi duri par sthit hai. kangra ke rajaon ki is bhavya nagri men kai prachin mandir evan mahal bane hue hain.
chaimukha mandir: nadaun se hote hue 22 kimi ki duri par sthit is mandir men shiv ki char munh vali pratima sthapit hai.
chintpurni: jvala ji se lagabhag 940 mitar dur panjab ke hoshiyarpur jile men bhakton ki samast chintaen harne vali mata chitan panaru ai ka mani dar hai. yaha n varsh bhar shraddhaluon ka tanta laga rahta hai. aisi manyata hai ki jo bhi log sachche man evan vishvas se apni chintaon ko lekar yahan ate hain, mata unki chintaen apne pas rakh, khushiyon se jholi bhar deti hai. solah sirhiyan charhakar mata ke darshan hote hain. yahan devi murti rup men nahin pindi ke rup men avasthit hai. yahan devi ka mastak nahin hai islie ise chinnamastika bhi kaha jata hai.
kab jaen: yahan har mausam men ja sakte hain. sardiyon men thand parne ke karan uni kapre sath rakhen. navratriyon ke dinon men yahan utsavi vatavaran to hota hai lekin bahut bhir hone ke karan tasalli se darshan karne vale anya dinon men ana pasand karte hain.
ab kahin bhi kabhi bhi bat karen fyuchar point jyotishacharyon se. abhi paramarsh karne ke liye yahan klik karen.