tairo dek men mainar arkana prithvi tatva ka pratinidhitva karte hain. atah ye dhairya v sahnshilta ki bhavna se ota/prot rahti hain. arthat jab koi vyakti apni kisi samasya se grasit hota hai aur samadhan ke liye kisi tairo ridar ke pas jata hai aur tairo riding karvata hai v riding ke dauran agar kard niklta hai tu aef pentakals to iska arth hai
ki ukt kard jis vyakti ko riprejent kar raha hai vah vyakti bahut sahnshil v dhairyavan hai vah dharatal se jura hua hai. jaldabaji men, utavla hokar koi nirnay nahin leta. udaharan ke liye agar koi apna naya vyapar kholna chahta hai aur yah janne ke lie ki yah vyapar main thik tarah se chala paunga ya nahin aur riding men agar ukt kard niklta hai, to arth hai ap is vyapar ko achcha chalane ke liye bahut soch samajhakar dhairyapurvak hi koi nirnay lenge aur samay ane par sahnshilta ka parichay denge. atah apka vyapar unnati ki or agrasar hota rahega.
isi se sanbandhit dusra prashn yah ho sakta hai ki vah vyakti vyapar ko kisi anya vyakti ke sath sajhedari men chalata rahta hai to uska vyapar kaisa hoga aur riding men ukt kard par bhi uttar vahi hoga ki apke partanar men sahnshilta v dhairyavan hone ki visheshtaen hain. atah apka vyapar unnati ki or agrasar hota rahega, apke partanar ke karan apke vyapar men hani hone ki sanbhavnaen kam hain.
atah tairo riding karvane se kam ke prati apki saflta ya asflta ka ashvasan mil sakta hai jisse ashvast hokar ap apne karya men age agrasar ho sakte hain. yah jaruri nahin hai ki hamesha apko riding men fevrebal kard hi nikle aur ap nishchintta ke sath apne karya men age barhane aur sochen ki tairo riding ho gai, ab to asafal hone ka koi chans hi nahi hai. yah bhi ho sakta hai ki tairo riding ke dauran aisa kard nikal aye jo apke vyapar ki unnati n darshata ho, to apko yah salah di jati hai
ki vah karya n karen, yah apko avnti ki taraf lekar jaega. ham ek anya udaharan dvara isko samajh sakte hain. man lijiye kisi ko apni shadi ke bare men tairo riding karvani hai ki jisse meri shadi hone vali hai vah larki kaisi hai, to agar kard nikla hai tu aef paintakals to fir ap us larki se shadi ke liye han kar sakte hain kyonki usmen ve sab visheshtaen ho sakti hain jo ek jivnsangini ke lie avashyak hai. lekin agar yahi kard tairo riding ke dauran rivars yani ulta nikal aya to rijalt bhi ulta ho sakta hai
yani ki us larki men jisse apki shadi hone vali hai usmen sahnshilta ki kami ho sakti hai. vah dhairyashil nahin hogi choti-choti baton par kalah ho sakti hai. vah samanvay nahin rakh payegi. ghar ka mahaul bigar sakta hai. atah apko salah di jayegi ki ap soch vichar kar bhavishya men parinam par gaur karke hi shadi ke liye han karen, anyatha tal den v kahin anyatra rishte ki bat hone par fir se tairo riding karva kar, uchit kard niklne par hi rishte ke liye han karen, kyonki yah apke bhavishya ka prashn hai. agar riding ke dauran fevrebal kard niklta hai to use han kar deni chahiye. agar us var ke liye kard nigetiv niklta hai
athva paejitiv kard bhi rivars niklta hai to use han nahin kahna chahie kyonki aise men uski bahan ya beti ke achche bhavishya men kami a sakti hai.