bhavishya kathan ki paddhatiyan prashna: kisi bhi vyakti ke bare men bhavishya falakathan karne ki kaun-kaun si paddhatiyan hain, unki vistrit jankari den, jahan avashyak ho chitra bhi sanlagn karen. bhavishya kathan ki anek paddhatiyan hain. jinmen se mukhya rup se nimn hai. 1. jyotish vigyan (shastra) arthat janmakundli ya patri dvara bhavishya kathn: is jagat ki utpatti ka adhar ‘‘ved’ hain. vastutah jyotish sabse alag evan advitiya gyan paddh ti hai. jismen sanbandhit jatk/ jatika ke janm dinank, janm samay evan janm sthan ke anurup tatkalik grah sthiti tatha grahon ki dasha antardasha v gochar ke adhar par fal kathan kiya jata hai. jyotish shastra ke mukhyatah 2 ang hain. (1) ganit, (2) falit/hora 2. samudrik shastra arthat hast rekha shastra dvara bhavishya kathan ah hast rekha dvara vyakti ke bhavishya kathan ki yah paddhati atyant pramanik evan vaigyanik hai. manushya (balk) jab janm leta hai to uske hath men keval kuch hi rekha arthat tin rekhayen, mukhyatah jivan (ayu) rekha, mastishk rekha tatha hriday rekha hoti hai. kisi-kisi ke hath men chaithi rekha bhagya rekha ke rup men hoti hai. ye tinon ya charon rekhayen halki, barik ev mahin hoti hain tatha purn ya apurn donon hi tarah ki hoti hai. vyakti (balk) jaise-jaise karm karta hai, umra ke hisab se ye rekhayen gahri v moti hoti jati hain. kuch rekhayen samay bitne par arthat bachche ke bare hone par karyon ke anusar parivartit hoti hai arthat banti bhi hai aur bigrti bhi hain. manushya ke janm ke samay uski janmakundli (patri) men jaise grah (shubh ya ashubh) sthit hote hain, vyakti ke vichar v mansikta bhi thik vaisi hi hoti hain tatha vyakti ke vichar jaise honge, thik vaise hi karm bhi honge tatha karmon ke anusar hi hast rekhaon men parivartan arthat rekhaon ka banna evan bigrna chalta rahta hai. jyotish (kundli) evan samudrik (hastarekha) shastra ek dusre ke purak hain. parantu hast rekha shastra, jyotish par adharit vigyan hai. 3. ank jyotish dvara bhavishya kathn: ank jyotish men ankon ka vishesh mahatva hota hai. ye ank mul rup men 1 se 9 tak hote hain jo saurmandal ke 9 grahon ka pratinidhitva karte hain. jaise-1-surya, 2-chandra, 3-guru, 4- rahu, 5 budh, 6-shukra, 7, ketu, 8 shani, 9 - mangal. pratyek ank, grah se sanbandhit hone se apna vishesh prabhav deta hain. is tarah se yah vigyan bhi jyotish adharit hi hai. ank jyotish dvara bhavishya-kathan men 3 tarah ke ank ka vishesh mahatva hai- (1) mulank (2) namank (3) bhagyank. (1) jatak ki janmatarikh hi uska mulank hoti hai. mulank sadaiv ek ank men hi hota hai. yadi kisi ki janmatarikh 30 hai to ise mulank men badlne ke liye ek ank = 3$0 =3 men badlte hain. tab is janmatarikh ka mulank 3 hota hai. atah sansar ke sabhi jatkon ka mulank inhin 9 ankon men se koi ek hota hai. (2) bhagyank: kisi bhi jatak ka bhagyank gyat karne ke liye jatak ki janmatarikh ke sabhi ankon ka yog kar, yogafal (ek ank) men gyat karte hain. vahi bhagyank kahlata hai. mulank evan bhagyank sadaiv janmatithi ke adhar par nikale jate hain. (3) namank: jatak ka namank gyat karne ke liye nam ke angeraji aksharon ko adhar mana jata hai. pratyek angreji akshar ke lie ek ank nishchit hota hai aur nam ke inhin ankon ka yogakar jatak ke namank ka nirdharan kiya jata hai. chunki ankon men bhi shatruta evan mitrata hoti hai atah kisi jatak ka mulank, bhagyank evan namank, uske nam se mel n khata ho to vah nam us jatak ke liye bhagyashali nahin hota hai. atah bhagyoday ya bhagyavriddhi ke liye vyakti ko apna nam, namank, mulank v bhagyank ke adhar par hi rakhna chahiye. nam pahle se hi rakha ho to usmane kuch parivartan kar arthat aksharo ko jorakar ya torakar nam ko bhagyashali bana sakte hain. is paddhati ki sahayta se vyaktigat nam ke alava jatak vyavsayik kshetron men bhi manpsand nam rakhakar jivan men tarakki kar sakta hai. bhavishya-kathan ki is paddhati dvara ham kam shram, kam samay evan kam kharch men hi adhik upyogi evan satik jankari prapt kar sakte hain. 4. hindu vastushastra evan chini jyotish (vastu shastra) arthat fengshui dvara bhavishya kathn: kahte hain ki chini jyotish feng shui bhi hindu vastu shastra ki den hai. jo prakriti ke panchon tatva arthat agni, prithvi, jal, vayu, akash ke santulan par adharit hai. ye hi panchon tatva chini jyotish ka bhi adhar hai. iske alava chini jyotish men 12 varshon ka ek chakra hota hai. is matanusar jatak ka ek sanketik chinh hota hai. isi chinh ko adhar manakar ghar ke un hisson ka pata lagaya jata hai jinka prabhav jatak sahit parivar ke kisi bhi sadasya par rahta hai. unke santulan ka upay karke ham labh prapt kar sakte hain. 5. tairo kard paddhati dvara bhavishya kathn: tairo paddhati men 78 kardon ka dek hota hai. ye kard vyakti ke bhavishya kathan ke rahasya ko ujagar kar sakte hain. yah paddhati bhi jyotish (grahon, rashiyan adi) par adharit hai. kardon ko kholne par yadi mejr/ pradhan kard adhik ate hain to yah sthiti bahut hi shubh, achchi mani jati hai. is paddhati dvara ek samay men keval ek hi prashn ka uttar sahi mil sakta hai. atah ek samay men ek hi prashn karna jyada shubh rahta hai. 6. tash ke patton dvara bhavishya kathn: yah ek rahasyamyi paddh ti hai. ismen tash ke 52 patton ki ek gaddi hoti hai tatha inmen charon rang- 1. hukum (kala), 2. pan lal, 3. int (lal), 4. chiri ke patte (kale hote hain. ismen pratyek varg men 13-13 patte hote hain. in charo rangon ke arth alg-alag hote hain. 13 patton ke pratyek samuh men ikka, badshah, begam, gulam tatha 2 se 10 tak 9 patte arthat 13 patte hote hain. ye sabhi patte kuch rahasyatmak sandesh dete hain. is gaddi ko tin bar fentakar unhen tin barabar samuhon men bantakar tin patton ke samuh dva ara bhavishya-kathan kiya jata hai jo kisi bhi prashn se sanbandhit ho sakta hai. 7. lal kitab dvara bhavishya kathan ah yah mana jata hai ki yah paddhati islam ki den hai. is paddhati ka mahatva ya upyogita, iske upayon ke saral hone ke karan hai. iske upay bare karagar evan prabhavshali bhi hain. is paddhati men bhavon ko ‘khanon’ ka nam diya jata hai tatha 1 se 12 tak ke khana nanbar likhe jate hain. inme rashiyon ka koi mahatva nahin hota hai. lagn chakra banakar rashi ke ankon ko mitakar unki jagah lagn se praranbh karte huye ek se barah tak ke khana nanbar likhe jate hain. jisse yah pata chalta hai ki kaun sa-grah kaun se khane men hain. fir khanon ke hisab se grahon ki sthiti ke anusar faladesh kiya jata hai. is paddhati men ashubh grahon ki bhanti evan shubh grahon ke shubhatva men vriddhi ke liye jo bhi ‘‘upay’’ karte hain unhen ‘‘totke’’ kaha jata hai. ye upay lagatar 43 dinon tak karne hote hain. saral evan saste hone ke karan in totko (upayo) ka mahatva din-pratidin barhta ja raha hai. lal kitab ki is paddhati men ‘‘varshakundli’’ banane ka vishesh mahatva hota hai. parantu iski banane ki prakriya alag hai. ismen pichle varsh ke anusar grahon ko ek khane se dusre khane men darshaya jata hai. varsh kundli ke shubhashubh grah, varsh vishesh men asar dalte hain. is paddhati men totkon ke sath uttam charitra, satyata, satvik ahar tatha shuddhata par adhik bal diya jata hai. 8. prashn shastra dvara bhavishya kathan ah iska mahatva un logon ke lie adhik hota hai jinke pas ya to janmapatri nahin hai athva janmatarikh evan samay ka pata nahin hota hai. aise logon ke prashnon ka uttar ‘prashn shastra’ paddhati dvara satikta se diya ja sakta hai. ismen prashn puchne ke liye ‘‘samy’’ ka vishesh mahatva hai. iske adhar par ‘prashn lagna’ banaya jata hai tatha vibhinn vishyon se sanbandhit prashnon ke uttar ke rup men bhavishya kathan kiya ja sakta hai. iske lie matra thore samay ki hi avashyakta hoti hain. is paddhati ke antargat ‘‘kerliya vidhi’’ ki prashnottari shamil hai. kepi. prashnottari paddhati dvara bhi bhavishya kathan kiya ja sakta hai. iske alava shrisani, shrihnuman adi prashnottari dvara bhi bhavishya-kathan kiya ja sakta hai. 9. ramal shastra dvara bhavishya kathn: yah vidya mulrup se bharat ki hi den hai kyonki ‘‘ramal rahasya’’ pustak, jiske rachnakar- shri bhavya bhanjan sharma ke anusar, mata parvati ke dvara prashn shastra ke gyan ke bare men prashn puche jane par bhagvan shiv ke mastak par sthit chandra se amrit ki char bunde giri, jo kramshah prakriti ke charo tatvon- agni, vayu, jal evan prithvi ka pratinidhitva karti hain. inhin binduon ke adhar par ras ‘‘ramal shastra’’ men 16 ‘‘shaklon’’ ke rupak bane. prachin jyotish shastra ki bhanti hi ismen bhi 16 shaklon men pratham 12 shaklen 12 jyotishiya bhavon ka pratinidhitva karti hai. iske alava 13 se 16 tak shaklen ‘‘sakshi’’ bhavon ko darshati hain. is prakar ‘‘16 shaklen’’ ramal shastra ka adhar hain. is paddhati dvara bhi jivan se sanbandhit sabhi prashnon ka uttar diya ja sakta hai. 10. loshu chakra dvara bhavishya kathan ah is vidya ka sanbandh chin desh tatha kachue se hain. is vidya ka sanbandh bhi kahin n kahi bharat desh se hi hai. arthat loshu chakra ki vidya ka mul tatva ya janak bhagvan shri hari ka kurm rup hai. hinduon ki hi bhanti chin mane bhi kachuen evan usse juri chijon ko shubh mana jata hai. ve log bhi yah mante hain ki kachue ke kavach men parmatma ka vas hota hai. atah iska milna shubh shakun samjha jata hai. lagabhag 4000 varsh purva isivar vu namak chini raja evan uske mantriyon ne kachue ke kavach ke upar ankit binduon ka dhyanpurvak vishleshan kiya tatha 33 ank ka ek purn varg banakar use ‘‘loshu chakra’’ nam diya. yah loshu chakra is visheshta par tika tha ki iski koi bhi rekha chahe vah kshaitij ho ya udhrvakar ho, athva vikarniya ho, uske tinon ankon ka yog 15 hi hota tha tatha madhya men ank 5 tha, jise chini log bahut hi shubh mante the. is loshu chakra men 1 se 9 tak ke pratyek ank ke liye ek sthan nishchit hota hai. loshu chakra dvara bhavishya kathan karne ke liye prashnakarta ki janmatithi mahatvapurn hoti hai. prashnakarta ki janmatithi ke ankon ko loshu chakrra men usi sthan par rakhna hota hai. chahe kisi ank ki punravritti kyon n ho. 1 se 9 ank, jyotish ke grahon se jure hain. daujing se bhavishya kathn: is paddhati dvara bhavishya ka nahin balki nikat bhavishya ka fal kathan kiya ja sakta hai. iske liye vishesh prakar se rachit prashnon aur kardon ka upyog kiya jata hain . 12. nandi nari jyotish dvara bhavishya kathn: is shastra ki utpatti ke sanbandh men yah kaha ja sakta hai ki jab mata parvati ji manushya ke bhavishya kathan ko janne ke hath men a gayi to bhagvan shiv ratrikalin sunsan vela men iska vritant suna rahe the tab inke prahri nandi ne ise sunakar maharshiyon ko bata diya tatha inhonne ise tarapatra par lipibaddh kar liya. isliye ise nandi nari jyotish kahte hain. 13. shri ram shalaka evan anya prashnottari paddhatiyon dvara bhavishya kathn: bharat ke rishiyon, muniyon dvara apni divya shaktiyon ke bal par vibhinn prashnottari paddhatiyon jaise - shri ramshlaka, shri battisa yantra, nakshatra prashnavli, shri bhairav, shri garbhini prashnavliyon, shri sai, shri hanuman evan kerliya muk prashnottariyon ki khoj ki gayi jinke adhar par kisi bhi vyakti ka bhavishya-kathan kiya ja sakta hai. ye sari prashnottari paddhatiyan prashn shastra vidya ke antargat hi ati hain. 14. gupt vidya paddhati (bhavi gyan) dvara bhavishya kathn: is paddhati dvara bhavishya kathan karne ke liye niche bataya gaya ‘‘tisa yantra’’ hota hai. iske dvara kul 38 prashnon ka bhavishya kathan kiya jata hai. iske dvara prashn karne ki vidhi yah hai ki prashn karne vala ekagrachit man se apne isht ka smaran kar uchcharan kar sakta hai. fir un koshthak ko chorakar apni anguli chitranusar kisi bhi koshthak men rakh sakta hai. yahi koshthak vali anguli ke ankon men apna bhagyank jorakar prapt sankhya us jure prashn ka uttar hogi. 15. svapn jyotish paddhati dvara bhavishya kathn: hamare prachin granthon men is paddhati ka kafi mahatva hai kyonki svapn, parmatma dva ara bhavishya men hone vali ghatnaon ke purva sanket hain. svapn ka sanbandh bhi hamari janmapatri men maujud shubh ya ashubh grahon se hota hai. manushya ka vartaman men jaisa samay chal raha hai, svapn bhi thik vaise hi ate hain. kharab samay arthat nich, shatru rashi ke grahon ki dashadi men svapn bhi daravne, bure, svasthya kharab karne vale tatha ati ashubh ate hain tatha achche samay men yani uchch, svagrihi ya mitra grahon ki dasha men svapn shubh aur achche ate hain . 16. kristal bal dvara bhavishya kathn: hindi bhasha men ise ‘‘sfatik kahte hain. yah vidhi prachin kal ki den hai. kristal ek prakritik thos dhatu hai jiske charo or ek gol samatal satah hoti hai. ismen lauh tatva paye jate hain jismen chunbkiya shakti hoti hai. kristal bal par ekagrachit hokar dhyan ‘‘kendrit’’ karne se mastishk men sabhi prakar ki ghatnaon ke chitra spasht hone lagte hain. is adhar par bhut, vartaman v bhavishya ke fal-kathan kiye ja sakte hain. 17. shubhashubh paddhati dvara bhavishya kathn: lok jivan men shubh evan ashubh anek manyataye jaise- shakun, apshkun, ang-sfuran, svapn, shanka, andhvishvas v vaham adi hote hain. iske alava sharir ke vibhinn sthanon par sthit til, masse ya anya sanket chinh hote hain. sharir ke vibhinn angon par chipkli adi ke girne ke alava yatra, pariksha ya anya mahatvapurn karya karte samay bhi shubh-ashubh shakun adi ka vichar kiya jata hai. ye sari sthitiyan bhavishya men hone vali sahi ghatnaon ki suchna deti hai. 18. svar-jyotish dvara bhavishya kathn: yah bhavishya kathan ki ati mahatvapurn prakritik vidya hai jo prashn ke samay prashnakarta tatha prashn ke uttaradata vyakti ke daven, bayen tatha mishrit svar par adharit hai. ismen kisi bhi bahya srot evan madad ki avashyakta nahin hoti. ismen bas svaron ke adhar par masik bhavishya-kathan kiya jata hain. ismen janmakundli ya janm ke data jaise-tarikh, samay, sthan n bhi ho to bhi bhavishya kathan kar sakte hain. is paddhati dvara bhavishya kathan se prayah sabhi prashnon ke uttar nasika men jo bhi svar chal raha hai, uske adhar par kiya jata hai. sahsik karya sadaiv daye svar men tatha vinamrata ke karya sadaiv bayen svar men karne par labh prapt hota hai. is bhavishya kathan men kai prashn jaise putra santan, chori vastu milegi ya nahi, vivah hoga ya nahin, pariksha parinam kaisa hoga, adi manushya-jivan ke sare prashnon ke bare men bhavishyakathan satikta se kiya ja sakta hai. 19. jaimini paddhati dvara bhavishya kathn: jaimini paddhati ke janak maharshi jaimini the, jinke nam par yah paddhati pari. maharshi jaimini, maharshi parashar ke samay ke hi rishi hain kyonki parashar ne apne granth men jaimini vidya ka bhi vivchen kiya hai. donon paddhatiyon men antar hai. dakshini bharat men is paddhati dvara bhavishya kathan kiya jata hai. inke niyamon ka upyog falit jyotish men bhi kiya ja sakta hai. 20 bhrigu sanhita dvara bhavishya kathn: is sanhita ki utpatti shrivishnu ke karan hui. yah ek ‘‘ arsh granth’’ hai tatha ismen sansar ke sabhi vyaktiyon ki janmapatri maujud hai. atah iske adhar par bhavishya kathan karna bahut hi asan hai. 21. mediniya vidya dvara bhavishya kathn: vartaman men iska upyog sarkar ki ayu ki ganna adi karyon men kiya jata hai. yah nakshatra adharit jyotish vidya hai jisse bhavishya-kathan kiya jata hain. ismen sabhi 27 nakshatron ko tin chakron se nimn prakar se vibhajit kiya gaya hai. 1. ashvapti chakra 2. narptichakra, 3. gajpti chakra. is vidya dvara prachin kal men vartaman samay ki bhanti rajaon ke rajya, shasan ki ayu adi ki ganna adi ki jati thi. 22. mrit atma ke ahvan dvara bhavishya kathn: yah vidya prachin kal men raja-maharajaon ko yuddh men vijyi karne ke liye gayi thi, jo ajakal janakalyan ke uddeshya se pratyek manushya ke dainik jivan ke karyon hetu bhi upyog men layi jati hai. isse prashn jyotish tatha muhurt jyotish ka karya bhi kiya ja sakta hai. 23. hast lipi, bhasha evan lekhan shaili dvara bhavishya kathn: iska vivechan karne ke liye tritiya, ekadash bhav tatha inke svamiyon par vichar kiya jata hai. iske sath hi pancham bhav bhi mahatvapurn hai tatha panchmesh par bhi vichar karna avashyak hai kyonki tritiya bhav, dayan hath tatha ekadash bhav, bayan hath ka pratinidhitva karta hai jisse hastalipi evan lekhan shaili ka pata chalta hai. pancham bhav vidya ka bhav hone se bhasha ka vichar kiya jata hai. inke svamiyon ke balvan hone par hastalipi, lekhan evan bhasha shaili sundar v akarshak hoti hai tatha bhavishya kathan achcha shubh hota hai. iske viprit, nirbal hone par parinam, nakaratmak ate hain. atah vibhinn lagnon, rashiyon ke grahon ke karan uprokt men alg-alag achche bure parinam ate haine jiske adhar par bhavishya kathan kiya jata hai. iske alava jatak jis syahi ka prayog karta hai, bhavishya kathan men uska bhi prabhav rahta hai. iske antargat vyakti ke hastakshar bhi a jate hain jiske adhar par bhi bhavishya kathan kiye ja sakte hain. 25. kundli ke ‘sarvashtak varga’ dvara bhavishya kathn: yah paddhati bhi janmapatri par adharit hai. ismen rahu, ketu do chayagrahon ko chorakar baki sabhi 7 grahon ka ashtak varg banakar, inhin sabhi ka yogakar iska parinam ‘sarvashtak varga’ kahlata hai jo 12 bhavon se sanbandhit hain jiske adhar par vyakti ka bhavishya-kathan kiya jata hai. ismen 12 bhavon ka thik vaisa hi faladesh hota hai, jaisa janmapatri man falit jyotish ka hai. ismen pratyek bhav men kuch 50 ya adhikatam shubh/ashubh bindu hote hain jismen se kuch shubh bindu (ya rekhayen) tatha kuch ashubh bindu (ya rekhayen) hoti hain. sarvashtak varg men jo bhi bindu prapt hote hain ve shubh bindu kahlate hain. 25 bindu hone par faladesh 50 pratishat uttam achcha kaha jata hai. 50 pratishat arthat 25 bindu se jitne kam bindu sarvashtak varg ke sanbandhit bhav men hote hain, vah bhav utna hi bura parinam deta hai tatha unka bhavishya kathan jatak ke liye ashubh rahta hai.