santan pane ke lie pratham, pancham, saptam, navam, ekadash bhavon ke pariprekshya men adhyavsay karna samichin hai. is vishay par vaidik jyotish ke pancham evan saptam bhav ke nirupan men bahut kuch kaha gaya hai. jo avshisht ya use prachya vigyan ke kambodhanam bhag men likha ja chuka hai. purva vyakt vicharon ka pishtapeshan karna uchit nahin hai, islie vah sab n dekar anubhav pusht ayogik gyan ka varnan yahan samastah kar raha hun. vyakti jis gyan ko acharan men nahin utarta aur dusron ko uska updesh karta hai, vah aprabhavshil kinva sandigdh hota hai.
santan prapti ke lie srishtiyatt (garbhadhan/nishechn) kiya jata hai. bina is yagya ke santan prapti asanbhav hai. dusri or yadi bhagya men santan nahin hai (shukra v shonit ke dushit athva abhishapt hone ke karn) to garbhadhan vyarth jata hai. islie in donon ki anukulta anivarya hai. santan ka yog hai, kintu shap hai to santan nahin hogi. santan ka yog nahin hai, parantu ashirvad hai to santan avashya hogi.
santan pane ke lie pratham, pancham, saptam, navam, ekadash bhavon ke pariprekshya men adhyavsay karna samichin hai. sarvapratham brahma ne srishtiyagya kiya - prakriti ke gunon se purush ke oj ka sannikarsh hua. tadutpann srishti ki paranpra tab se ab tak yathavat chal rahi hai. prakriti and (nividtm) hai, purush shukra (prakash) hai. donon anadi hain. nari evan nar in donon ke murtimatt pratibinb hain.
arshagyan se pallavit hamari sanskriti men in donon (stri evan purush) ki sam mahatta hai. brihdaranyak, chandogya, garbhopnishad evan atharvaved men is vishay par prachur prakash dala gaya hai, jiska ullekh mainne yatha sthan apne pavitra granthon men kiya hai. stri ka kshetra yagyavedi hai. purush yagyakarta (hota) hai. stri ka garbhashay havnkund hai, purush ka shep stuva (ajya dalne ka sadhn) hai. is yagya ki nishpannata ka fal hai-santan. yah fal paripakva hokar navmas pashchat dasven mas ke praranbh men chyut hota (bahar ata) hai.
srishti yagya ke do avayav hai- stri evan purush. ek tisra mahatvapurn avayav hai- kal. rajovti nari, viryavan nar evan samuchit kal ka yog hone par abhisht santti ki upalabdhi hoti hai. garhit yog men garbhadhan karne par sharirik athva mansik rup se aksham santan ki utpati hoti hai. amuk rup rang gun dharm vali santan ke lie jatak arisht kal ka chayan karta hai. prakriti ki upeksha karna ghatak hai.
prakriti ki anukulta men hi bhalai hai. kshetra ki urvarta, kshetri ki prablta evan kal ki samnukulta se satsantati milti hai. yah dhruv satya hai. mere dvara yah yagya samyag rupen sanpann hua hai. islie main dave ke sath yah tathya rakh raha hun. is shastriya satya ko parkhne ke lie ki garbhadhan kal men jo lagn hoti hai, janmang men vahi rashi hoti hai tatha janmang men jo lagn hoti hai, garbhadhan kal men vah rashi hoti hai. mainne yah yagya kiya aur ise purnatah satya paya. mainne do bar yah yagya vidhivat kiya.
iska varnan vaidik jyotish bhag 2 men prakrishtata ke sath hua hai. garbhadhan ke pashchat garbh men satat sanskar dala jata hai. yah bhi mainne kiya. garbh ko sparsh karte hue main vishnusahasranam ka path kiya karta tha. fal samne hai. donon santanon men nam ka prabhav spasht drishtigochar hota hai. donon men param vaishnavatva hai. garbhadhan yagya parmpunit karm hai. iska karta brahma hota hai. iska rakshak va palak vishnu hota hai.
marpit kar anushasan men rakhakar isko shiksha dene vala shiv kahlata hai. spasht hai- mata pita hi tridev (brahma, vishnu, shiv) hain. tridev rup mata pita satat adrniya hain. tabhyan namah. lokokti hai - ‘jaisa bap vaisa beta’ tatha ‘jaise bhai vaise dhiya’. bap= pita janan karne vala.
beta = putra. mai= mata jo garbh dharan karti hai.
dhiya = putri. yah bhi ek bara tathya hai. bel ke per men am ka fal nahin lagta, am ke per se bel ka fal nahin milta. islie aprapti ki prapti ke lie cheshta karna, akash men bij vapan karne ke saman hai. prakritik maryada evan svasamathrya ko dhyan men rakhte hue hamen is santti ko pane ka yatn karna chahie. on tat sat.