mangl  

acharya avinash sinh, dilli sarya ke irda-gird ghumne vale grahon men chaitha grah mangal hai arthat mangal ki kaksha chaithi hai. hamari prithvi mangal aur shukra grahon ke bich men hai. prithvi ke nikat bahya kaksha grah hai. iski surya se duri 1270 lakh se 1530 lakh mil ke bich rahti hai. mangal kabhi prithvi ke bahut nikat 487 lakh mil ki duri par a jata hai aur kabhi 2333 lakh mil dur chala jata hai. islie kabhi chota aur kabhi bara dikhai deta hai. iska varn lal hai par kabhi-kabhi bahut lal dikhai deta hai isilie ise agni, angarak aur lohitang bhi kaha jata hai. mangal ka vyas 4200 mil hai- lagabhag prithvi se adha . iski nakshatra-parikrama avdhi 687 din tatha sanyuti kal 780 din hai. iska ahoratra 24 ghante ka hota hai. mangal par jal aur vayu hai atah prani bhi ho sakte hain. sanbhav hai, mangal ka vatavaran sukhad. kadachit isi karan ise mangal kaha jata hai. mangal aur prithvi men bahut samanta hai, isilie ise prithvi ka putra kaha jata hai. vaigyanikon ne mangal ke vishay men bahut khoj aur jankari hasil ki hai. surya se dur hone ke karan ise akash men asani se dekha ja sakta hai. mangal ek bar udit hone par 21-22 mason tak dikhai deta rahta hai 780 dinon men yah ek bar udit aur ast hota hai. udit hone ke 10 mas bad yah vakri hota hai. fir do mas ke bad margi hota hai aur uske 10 mas bad arthat uday ke 22 mas bad ast ho jata ho jata hai aur char mas tak ast rahta hai. mangal ke do upagrah hain jinke nam dimans tatha fobos hanai. pauranik drishtikon puranon ke anusar mangal devta ki char bhujaen hain. inke sharir ke royen lal hain. inke hathon men abhay mudra trishul, gada aur var mudra hai. inhonne lal mala aur lal vastra dharan kar rakhe hain. inke sir par svarn mukut hai tatha ye mesh (merha) ke vahan par savar hain. brahmavaivart puran (brahm khand 9) ke anusar prithvi ek bar vishnu bhagvan ka sundar rup dekh kar kamatur ho gai. vah akshat yauvna sundri nari ban kar hansti hui malyagiri ke nirjan van men virajman tatha ratnon se bhushit vishnu ke palang par so gai. vishnu ne uski manobhavna ko janakar uske sath sanbhog kiya. tab vah sanbhog sukh se muchrchit ho gai. hari ne mrit tulya kamini ko vaksh sthal se lagaya aur usmen viryadhan kiya. svarg lok ki apsara urvashi usi marg se kisi ke pas ja rahi thi. usne prithvi ko jagaya aur uske mukh se sara vriÿaant suna. prithvi ne kaha ki vah vishnu ke virya ko dharan karne men asamarth hai. urvashi ne use munge ki ek khadan men gira diya to usse surya sa tejasvi evan munge ke saman lal sharir vale mangal paida hue. bad men mangal ka vivah medha se hua. mangal tejasvi dev hain, narayan ke patru h nai arai pap gahra bhi han.ai paù puran (srishti khand adhyay 83) ke anusar ek bar andhak nam ka daitya parvati ko dekh kar kamatur ho gaya. uska shiv se yuddh hone laga aur shukracharya mare daityon ko sanjivni vidya dvara jivit karne lage. nandi ne shukrachar ko pakarakar shiv ko de diya, shiv shukracharya ko nigal gaye kintu bad men unhonne shukra ko bhumi par ugal diya. chunki shukra bhumi par gire, islie bhaum (mangl) kahlae. shivpuran (parvati khand 10) ke anusar ek bar shankar ka shramajanya pasina mathe se bhumi par gir para aur rakt varn, chaturbhaj evan sundar shishu hokar rone laga. prithvi devi shankar se darti hui kuch sochne ke bad sundri nari ka rup dharan kar vahan ai aur shishu ko god men lekar stanapan karane tatha uska mukh chumne lagi, shankar ki kripa se balak mangal grah ho gaya aur kashi men kuch dinon tak shiv ki aradhna karne ke bad akash men shukra ke upar chala gaya. is prakar vibhinn kalpon men mangal ki utpaÿia ki vibhinn kathaen hanai. puja ke prayog men inhen bharadvaj gotra kahakar sanbodhit kiya jata hai. puranon men mangal grah ki puja ki bari mahima batai gai hai. yah prasann hokar manushya ki har prakar ki ichcha purn karte hain. bhavishya puran ke anusar mangal vrat tamrapatra par bhaumyantra likhakar tatha mangal ki suvarnamayi pratima ki pratishtha kar puja karne ka vidhan hai. jyotishiya drishtikon- jyotish ke anusar mangal ek krur grah hai jiska varn agni ke saman lal hai. islie ise angar bhi kahte hain. yah svatantra prakriti ka aur anushasanapriya hai. is grah se prabhavit jatak senadhyaksh, rajdut adi hote hain ya uchch padon par karya karte hain. unmen netritva shakti vishesh hoti hai. ve nidar hote hain kisi bhi prakar ka jokhim le lete hain. khilari aithlits, vayusena, thal sena, nau sena ke adhyaksh adi mangal se hi prabhavit hote hain. ve har prakar ke chunauti purn karya men ruchi rakhte hain. mangal ko bhaum, kuja adi namon se bhi jana jata hai. nav grahon men mangal ko senapti ki sangya di gayi hai. sharirik taur par mangal se prabhavit jatak svasth, aur madhya lanbe kad ke hote hain. kamar patli chati chairi, bal ghunghrale, ankhe lal hoti hain. unke chehre par tej hota hai. mangal mesh evan vrishchik rashi ka svami hai. mrigshira, chitra aur dhanishtha nakshatron ka svamitva bhi mangal ko hi prapt hai. mangal tritiya evan shashth bhav ka karak hai. mithun lagn aur kanya lagn ki kundli men yah vishesh akarak grah ban jata hai. mangal makar rashi men uchch aur kark rashi men nich ka hota hai. lagn kundli men mangal jis bhav men sthiti hota hai us bhav se sanbandhit karyon ko apni prakriti ke anusar sudrirh karta hai. shubh mangal manglkari aur ashubh mangal amanglkari karya karta hai. mangal shakti, sahas, senadhyaksh, yuddh, durghatana, krodh, shadyantra, bimariyon, shatru, vipaksh, vivad, sanpÿia, chote bhai neta, pulis, daktar, vaigyanik, mekainikal injiniyaring, ilektrikal, ilektraenik karyon ka karak grah hai. mangal tanbe, khanij padarthon, kachchi dhatu, sone, munge, hathiyar, bhumi adi ka pratinidhitva karta hai. mangal shiraon, dhamniyon tut-fut, asthi-majja ke rog, rakt srav, garbhapat, masik dharm mane aniyamitta, sujak, gathiya, aur jalna adi rogon ka pratik hai. ashubh mangal amanglkari ho jata hai jiske prabhav se prabhavit jatak krodhi, atankvadi, durachari, shadyantrakari aur vidrohi hota hai. mangal ki krurta ke karan hi var-vadhu ki kundli men mangli milan avashyak hota hai. dampatya jivan sukhamay ho iske lie var-vadhu donon ki kanudli men mangal ki sthiti ko dekh kar milan kiya jata hai. mangal grah ki shanti ke lie shiv upasna tatha munga ratn dharan karne ka vidhan hai. mangal ki anukulta ke lie tanbe, sone, lal vastra, gur, lal chandan, lal pushp, kesar kasturi, masur ki dal, bhumi adi ka dan, manglvar ka vrat tatha hanuman chalisa ka path karna chahie. sath hi iske bij mantra un kran krin kraun sah bhaumay namah aur un an angarkay namah ka jap karna chahie.