sukhi vaivahik jivan dharti par svarg ke sukh ke saman hai. yah jivan samanyatah manushya jivan ka sabse atanrang aur jivant bhag hai. jivan ki akanksha ki purti bina jivan sathi ke sanbhav nahin hai. islie jivan ki chaturashram vyavastha men grihasthashram sarvadhik mahatvapurn hai. angreji men ek kahavat hai ki har safal vyakti ke piche ek nari hoti hai. vastav men ek kushal nari apne pati ka jivan sanvarne vali hoti hai.
ek pop ne yahan tak kah dala ki ishvar se jo sarvashreshth niyamat manushya ko mili vah uski patni hai. jyotish shastra ke anusar purushon men shukra aur mahilaon men mangal, guru tatha dvitiya evan saptam bhav adhipti unke vaivahik jivan ke har pahlu par prabhav dalte hain. ye hi unka vivah karate hain aur ye hi unhen avivahit rakhte hain. vaivahik jivan ki gunavatta, uske ant aur usse milne vale sukh-dukh ka dayitva bhi inhin par hai. vaivahik jivan sukhamay hoga ya kashtakar yah janne ke lie nimnalikhit jyotishiya binduon par dhyan dena avashyak hai.
- gun milan men bhakut ka mahatva
- shukra ki nirbalata aur sablta ka vichar.
- guru bal ka mahatva.
- kundli men dvitiya, chaturth evan saptam bhav par vichar.
- sanbandh vichchedak grah rahu aur ketu
- kalpana ka bhandar chandra evan kark rashi.
- kumar grah mangal ki shubhta evan krurta.
- napunsak grah budh ka vichar.
- vairagya karak grah shani ka vichar
- siradard karak surya ka vichar.
1. bhakut: vaivahik jivan men bhakut ka vishesh mahatva hai. ang, varn, vashya, tara, yoni, grah, gan, rashi, kut evan nari uske hain. inke ank nirdharit hain jo is prakar hain:
paddh varna1 ;papaddh vashya 2 ;papapaddh tara 3 ;paaddh yoni 4 ;addh grah 5 ;apaddh gan 6 ;apapaddh rashikut 7 ;apapapaddh nari 8 yog 36 kam se kam 18 gun ane par vivah sanbandh grahya hai. usse kam ki sthiti nesht hoti hai. nesht ki sthiti men vivah karne par dampatya sukh ka abhav hota hai. bhakut ka nimnalikhit rup se vishleshan kiya ja sakta hai.
varna: varn char hain - brahman, kshatriya, vaishya, evan shudra.
vashya: manav, chatushpad, jalachar, vanachar evan kit ye panch yoniyan hai. inmen sam yoni yatha balk-balika vaivahik sanbandh shubh hai tatha anya nesht hanai.
yoni: pashu yoniyan chaidah hain: ashva, gan, mesh, sarp shvan, marjar, gau, mahish, sinh, vanar, nakul, mrig, mushak aur vyaghra. inmen se sat ka ek dusre se bair sanbandh hai. yatha ashva-mahish, gan-sinh, mesh-vanar, sarpa-nakul, shvan-mrig, marjar-mushak, aur go-vyaghra ka sanbandh. anya samanya hanai. nari: kul sattais hain.
inhen tin bhagon men vibhakt kiya gaya hai- adi, madhya aur ant. kram is prakar hai:
ashvin se adi, madhya aur ant evan ant, madhya aur adi. balk-balika ki ek hi nari hona nesht hai. nari ka asar balk-balika ke svasthya par parta hai.
rashi kut: rashi kut se jatak ki manovritti evan anurag ka anuman hota hai. chandrama jahan rahta hai use rashi kahte hain. balak ki rashi se balika ki rashi tak ganna ki jati hai. usmen dvidvadash, shadashtak, nau-panchak sanbandh nesht hain. shesh anukul hain.
dvidvadsh: yadi larke ki rashi se larki ki rashi dusri ho evan larki ki rashi se larke ki rashi barhvin ho to ukt dosh lagta hai. is dosh ke karan kabhi tal-mel nahin baithta hai. faltah jivan kalahamay rahta hai. kuch vidvanon ka mat hai ki var ki rashi visham ho evan kanya ki sam to yah dosh dur ho jata hai. yatha larka mesh aur larki ki rashi min ho to dvidvadash dosh nahin hota hai.
shadashtak yog: var ki rashi se kanya ki rashi shashth ho aur kanya ki rashi se var ki rashi ashtam ho ya var ki rashi se kanya ki rashi asht evan kanya ki rashi se var ki rashi shashth ho to ise shadashtak yog kahte hain. ismen santan bhay hota hai. kintu ismen yadi kanya ki rashi visham ho evan var ki sam to yah dosh nahin lagta hai.
navpanchak yog: var ki rashi se kanya ki rashi pancham ho athva kanya ki rashi se var ki rashi navam ho to dosh lagta hai. is dosh ke karan kanya ko vaidhavya yog lagta hai. atah is yog ke var-kanya ka vivah nahien hona chahie.
shukra: purush ki kundli men shukra svagrihi, ya uchchasth ho ya mul trikon, lagn, chaturth, pancham, saptam, navam, ekadash ya dvadash bhav men ho to achchi patni milti hai. shukra sansarik sukh ke sadhan upalabdh karata hai. vah yadi vyay bhav men ho to sara sukh ichcha matra se mil jata hai. rahu shukra ke sath ho ya drishti sanbandh ho to avaidh sanbandh sthapit karata hai. yadi saptam shukra svagrihi ya balvan ho to shachi tulya patni deta hai. mangal se yukt hone par balatkar jaisa kukarm karne ko prerit karta hai. chandrama-shukra yuti hone par kamatur hokar purush kutsit aurton ke sath sanbandh sthapit karta hai. shukra ke sath mangal, rahu aur chandra avaidh vyavhar karak hote hain.
guru: shubh grahon men pahla sthan brihaspati ka hai. ise jiv bhi kahte hain. jahan surya atmabal pradan karta hai, chandra rog se larne ki kshamata deta hai vahin guru jivan ka sanchar karta hai. nari ki kundli men yah pati karak grah hai. dhanu evan min rashi ka guru svagrihi hota hai. kark iski uchch rashi hai. guru dvitiya, pancham, saptam, navam ya ekadash men ho to stri ko achcha evan bhadra pati milta hai. pancham evan navam vishesh yog karak mane jate hain. guru chathe, athven, dasven ya barhven bhav men nirbal mana jata hai. makar iski nich rashi hai. rahu ke sath hone par achcha fal pradan nahin karta hai. nirbal evan ashubh guru pati ke sukh se vanchit kar deta hai.
vakri guru bhi achcha fal nahin pradan karta hai. dvitiya bhav ka guru dampatya jivan ke lie ayu evan eshvarya deta hai. tritiya bhav ka svagrihi guru bhai tatha patni donon ka sukh deta hai. pancham bhav ka guru vidya evan yash, saptam bhav ka bhadra pati evan pativrata patni deta hai, navam bhav guru bhagyashali banata evan ekadash bhav ka guru punarvivah karata hai. ashtam bhav men sthit guru yadi sabal tatha pap grah ki drishti se rahit ho to lok-parlok donon ko sudrirh banata hai. guru lagn men achcha fal nahin deta hai, aisa kuch jyotirvidon ka mat hai.
makar evan tula lagn valon ko guru achcha fal pradan nahin karta hai, jabki uchchasth ho to bhi kabhi kabhi dekha gaya hai ki kamjor guru vali nari kasht bhogti-bhogti, daridrata se jivn-yapan karti-karti apne supath se vichlit ho jati hai.
budh: yah ek napunsak evan bal grah hai. yah vidyarthiyon ke lie shubh hai to dampatya sukh men badhak hai. pancham, saptam, evan navam men sthit budh jatak ki kamechcha ko nyun kar deta hai. chandra lagn se iska yahi prabhav hota hai. saptam men nichasth, budh, guru, shukra dampatya sukh se banchit kar dete hain.
chaturth evan ashtam sthit budh achcha fal pradan karta hai. ashtam budh rajyog karak hota hai, yah anubhut hai. kumar grah mangl: mangal ek avivahit grah hai. yah sansar ke sabhi purushon ko avivahit rakhna chahta hai. jo iske viruddh jate hain
unhen kasht deta hai. mansagri ke anusar lagn se, chandra se ya shukra se mangal, lagn, chaturth, saptam, ashtam ya dvadash men ho to dampatya sukh nashak hota hai parantu kuch vidvan dvitiyasth mangal ko bhi kasht karak mante hain kyonki dvitiya bhav saptam bhav se ashtam hota hai. mangal guru ke sath ya drisht ya svagrihi ho to uska dosh nahin hota hai. sanbandh vichchedak grah rahu-ketu: rahu evan ketu pap grah hain. ye jahan bhi rahte hain
us sthan ko hani pahunchate hain. rahu to sanbandh ko vichched kar deta hai. lekin anya dampatya karak hone par avaidh sanbandh sthapit karta hai. ketu akela ho aur shubh grah se drisht n ho to us sthan ko purnatah jalakar bhasm kar deta hain yah shashth bhav men param shubh fal pradan karta hai. uttar kalamrit ke anusar tritiya ketu param rajyog karak hota hai. saptam aur uchchasth rahu-ketu bhi achcha fal pradan karne men saksham nahin hote hain. ”kumarya saptame pape.“ vairagya karak grah shani: shani budh ki bhanti napunsak grah hai. iske atirikt vairagya karak bhi hai. shani sanasarik evan dampatya sukh men badha bhi utpann karta hai.
shani, lagn, pancham, saptam ya dasham bhav men hone par saptam bhav par prabhav dalta hai. isse dampatya jivan men vaimanasya utpann hota hai. nichasth saptam bhav men akela shani vidhur/ vidhva bana deta hai. uchchasth shani uttam fal pradan karta hai. lekin dampatya jivan men madhur sanbandh nahin rahta hai. kalpana ka bhandar chandra grah evan kark rashi: chandrama man hai. ved men kaha gaya hai ”chandrama manso jata“. man ichcha hai. jiska chandra balvan hota hai uski manahsthiti majbut hoti hai. vah viprit sthitiyon men nahin ghabrata hai. soch-samajhakar kam karta hai.
kark evan vrish rashi par chandrama vishesh prabhav dalta hai. ukt rashi vale soch samajhakar nirnay lete hain. mahatvakankshi hote hain aur kalpana lok men vicharan karte hain. yatharth se dur rahte hain. yah rashi men dampatya sukh ke badhak hoti hai. saptam bhav evan ashtam bhav ka svami shani hota hai. shani jis rashi ka svami hota hai us bhav ka use sukh kam hota hai. uska vikas achcha nahin hota hai. iske udaharan bhagvan ram, pan. javahar lal nehru, shrimti indira gandhi (kark lagna), shrimti menka gandhi (kark rashi) hain. inhen dampatya sukh ka abhav raha. iske viprit makar rashi valon evan makar lagn valon ka dampatya sukh bahut hota hai. iske saptam bhav ka svami chandrama hota hai.
kark rashi evan lagn valon ka makar rashi evan lagn valon se sanbandh ho to unka dampatya sukh sudirgh hota hai.
sar dard karak grah surya: surya ek krur grah hai. manv-man tanavagrast karta hai. shastra ke anusar ”surya sauri vuja papa“ yah bhi pap grah hai. surya uchchasth ho aur shubh grah se yut evan drisht ho to shubh prabhav dalta hai. saptam bhav men surya tabhi shubh fal deta hai jab saptam bhav par guru ki drishti hoti hai. saptam men surya samanyatah kalah deta hai.
bhav prakaran dvitiya bhav: yah dhan bhav hai.yah saptam bhav ka ashtam, ashtam bhav ka saptam, dvadash bhav ka tritiya tatha dasham bhav ka pancham bhav hai. dvitiya bhav ke balvan hone se parivarik jivan sukhi hota hai aur dampati dhani tatha dirghayu hote hain. is bhav men guru, shukra, budh evan mangal achcha fal pradan karte hain jabki kshin chandrama, surya, shani, rahu evan ketu kutsit fal pradan karte hain. dvitiya bhav nichasth grah patni ki ayu kam karta hai lekin pati dirghayu hota hai. saptamesh ki dvitiya sthan men sthiti se dampati udvign rahte hain. ashtam bhav: yah saptam ka dvitiya bhav hai. saptamesh athven sthan men ho dampatya sukh kam ho jata hai.
jatak putra, patni se rahit hokar vairagya pathgami hota hai. usmen kamechcha ki kami rahti hai. ashtam balvan ho to jatak daridra evan charitrahin hota hai.
dvadash bhav: saptamesh dvadash men chala jata hai to saptam bhavadhipti udasin ho jata hai. dvadash ka svami yadi saptam bhav men jata hai to saptam bhav ki hani hoti hai.
nichasth grah: mesh ka shani , mithun ka ketu, dhanu ka rahu, kark ka mangal, min ka budh, tula ka surya, kanya ka shukra, vrishchik ka chandrama saptam bhav men hon to vidhur evan vidhva yog banate hanai. tulnatmak janmank chakra ka adhyayan bhakut ke adhar par: yah ek aise dampati ka janmank chakra hai jinka bhakut 14 aya hai, jiske karan jivan men tal-mel nahin raha. lekin donon dirdhayu rahe tatha panach santanon ka sukh mila. bhakut ganna navam chitra pra.ch. ashvin pra.ch. sankhya rashi kanya mesh 0 varn vaishya kshatriya 1 vashya manav chatushpad 1 yoni vyaghra ashva 1 rashish budh bhaum ) gan rakshas dev 1 nari madhya adi 8 tara 5 6 1) yog 14 donon mangli hain. lekin purush ki kundli ke saptam bhav men guru evan mangal yog karak hokar shubh rashi men hain.
punah patni ki kundli men mangal svagrihi hokar guru ke sath men akarak hai. atah donon dirghayu hain. shadashtak yog bhi hai
jo ajivan kalah ka karan hai. lekin purush rashi sam aur kanya ki visham hai. isliye dosh kam hua. mangal svagrihi hone ke karan patni sada suhagin rahegi.
mahatma gandhi: is kundli ke jatak ka dampatya jivan purn safal tha. donon ek dusre ke prati puri tarah samarpit the. iske karan nimnalikhit hainah
1. saptamesh mangal lagn men baithakar saptam bhav ko dekh raha hai.
2. bhog karak grah shukra ki saptam bhav par drishti hai.
3. bhagyesh ki purn drishti saptam bhav par hai.
4. kark rashi se guru bhagyesh hai jo saptam bhav men hai.
5. shani ke dvitiya bhav men hone se donon dirghayu rahe. lekin garhasthya jivan sannyasi jaisa raha.
pan. javahar lal nehru: yah kundli ek aise mahapurush ki hai jinhane adarsh patni mili parantu patni ka sukh alp raha. iske karan nimnalikhit hain:
1. saptamesh shani dvitiya bhav men hai.
2. kark rashi evan lagn donon hain. kark ka dampatya sukh alp hota hai.
3 saptam bhav ketu-rahu ke bich men hai.
4. makar mangal ki uchch rashi hai.
5. saptam bhav par guru ya shukra ki purn drishti nahin hai.
atal bihari vajpeyi: yah kundli ek aise mahapurush ki hai jinhonne shadi nahin ki. iske karan nimnalikhit hain:
1. lagn men uchchasth shani ke karan sannyas yog bana.
2. shani ki drishti saptam bhav par hai.
3. saptamesh mangal vyay bhav men hai aur apne bhav se dvadash evan lagn se shashth bhav men hai.
4. saptam bhav par akarak grah guru ki drishti hai.
rekha: yah ek aisi abhinetri hai jinke pati ki mrityu akasmik hui. iske karan nimnalikhit hain:
1. saptam bhav men nichasth ketu hai.
2. saptam bhav par mangal evan rahu ki viprit drishti hai.
3. bhogkarak grah shukra vyay bhav men hai.
4. guru ashtam bhav men hai.
madhuri dikshit: yah aisi abhinetri ki kundli hai jinke pati amerika men rahte hain. pati ke rahte hue bhi unhen sukh prapt nahin hai. iske karan nimnalikhit hain:
1. saptam bhav men rahu hai.
2. saptamesh vyay bhav men hai.
3. mangli bhi hain.
4 jatak ki rashi kark hai.
5. akarak guru dasham men hai.
mumtaj: yah ek aisi abhinetri ki kundli hai jisne shadi ki aur talak bhi de diya. iske karan hain:
1. saptamesh guru ko kendradhipti dosh hai.
2. jatika mangli hai. saptam bhav par mangal ki drishti hai.
3. dvitiya bhav men pap grah shani evan budh hain.
4. sinh rashi valon ka dampatya sukh kam hota hai.
osama bin laden: is kundli ke jatak ki anek patniyan hanai. ismen bahu vallabha yog hai. iske karan hain:
1. shukra saptam bhav men svagrihi hai.
2. chandrama ki uchch drishti saptam bhav par par rahi hai.
3. mangal ashtam men hai.