mangal dosh jitna aur jis rup men pracharit hai, utna hai nahin. mangal dosh vali anekanek kundliyon ke jatak sukhi vaivahik jivan ji rahe hain. saval uthta hai yadi pratham, chaturth, saptam, ashtam, dva adash men keval mangal ki upasthiti hi vaivahik sukh ke vinash ka karan banti hai, to kya kundli ke anya yog koi mahatva nahin rakhte?
lagn, chaturth, saptam, ashtam adi men mangal svarashi, mul trikon rashi, uchch rashi ka, shubh drishtiyog men, shubh navansh men, shubh vargon men ho, to bhi kya anishtakarak fal dega ? grihasth jivan men pravesh karne se pahle adhikansh jatak mangal dosh se parichit ho jate hain. vivah men vilanb jivnsathi se anavashyak kalah, durghatana, talak ya kuch samay ke lie jivnsathi se algav hone par mangal ko hi doshi mana jata hai.
kundli men lagn, dvitiya, chaturth, saptam, ashtam evan dvadash bhav men mangal ki sthit ho to mangal dosh nirmit hota hai. mangal dusht drishti vala, adhik pitt vala, neta, rakt varn vala, lal ankhon vala, tamogun ai, krur, ugra buddhivala, hinsak, shur, sahsi evan alasyahin hai. kundli men mangal dosh hone par pati-patni men kalah, talak, durghatana evan vishesh paristhitiyon men akasmik mrityu bhi karva deta hai.
kai bar mangal dosh ki ar men anya grah adhik hanikarak ho sakte hain. vaivahik sukh ko chinn bhinn karne ki puri jimmedari mangal par thopna uchit nahin hai. mangal ke sath janm kundli men sthit anya grahon ke prabhav ka vishleshan bhi avashyak hai. kaha gaya hai
aje lagne vyaye chapatale vrishchike kuje.
dyune mrige karkichashtau mangal dosho n vidyate..
arthat jatk/jatka ki kundli men lagn men mesh rashi ka mangal, chaturth men vrishchik rashi ka, saptam men makar ka, ashtam men kark ka tatha dvadash sthan men dhanu rashi ka mangal ho, to mangal dosh nahin hota hai. aje lagne kuje se tatparya hai ki mangal yahan panchmhapurush ka ek ruchak yog bana raha hai. yahan mangal ashtamesh hokar bhi lagn m ne rahan e s e shabhu a arai digharya ku ari bataya gaya hai.
mangal is bhav se chaturth, saptam tatha ashtam men svarashi ko dekhta hai. jyotish ka ek siddh ant yah bhi hai ki jo grah jis bhav men apni rashi par drishti dalta hai, us bhav ko balvan banata hai. chaturth bhav men vrishchik rashi ka mangal hone se mangal dosh ka parihar ho jata hai kyonki ruchak yog banne ke sath-sath mangal yahan kendra aur trikon ka svami hokar ati shubh ho jata hai.
saptam bhav men makar rashi ka mangal uchch ka hokar ruchak yog banane ke sath-sath kanendra v trikon sanbandh ka ekmatra svami hai. jaya bhav men uchch ka mangal vaivahik sukh men vriddhi karta hai. ashtam bhav men kark rashi ka mangal, mangal dosh nashak bataya gaya hai. mangal kark rashi men nich ka hota hai. jo grah jis bhav men nich ka hota hai, us bhav ko kamjor kar deta hai.
parashar evan jatak tatva granthon men ashtam bhav ka balvan hona dampatya sukhnashak bataya gaya hai. ashtamesho'shtam sthane bharyapattata (brihatparashr) jatak tatva ke anusar ashtamesho'shtame jarini stri. isi prakar dvadash sthan men dhanu rashi ke mangal se mangal dosh ke parihar ki bat kahi gai hai. mangal tulyo manglah payova tadrishyo bhavet tatha kujdoshvti deya kuj dosh vate kil. nasti dosho n chanishtan dampatyoah sukhavardhanam..
arthat mangal dosh vali kisi kanya ki kundli men jis bhav men mangal ya koi anya papi grah ho mangal dosh vale kisi var ki kundli men bhi usi bhav men koi papi grah ho, to donon ka vivah kar dene se mangal dosh nahin lagta aur dampatya sukh men vriddhi hoti hai. nimnalikhit udaharan kundliyon par vichar karen jahan mangal dosh ya anya dosh vaivahik sukh men badhak bane.
udaharan kundli 1 ke jatak ki vivah ke ek mahine ke andar mrityu ho gai, jabki vah svayan mangli hai. ashtam ka mangal patni ke lie ghatak hona chahie tha, lekin vah var ke lie hi ghatak hua. jis bhav ka karak tatha svami balvan ho us bhav ka saukhya prapt hota hai. yahan uski patni ki kundli men karak v svami donon durbal hanai. kaha gaya hai ki gun bahulye n doshe mangli bhavet.
arthat var vadhu ke nakshatra melapak men adhik gun mil jane se mangal dosh prabhavi nahin hota hai. lekin 36 men se kitne gunon ko unka bahulya mana jae yah aspasht hai. koi 18 ko paryapt manta hai to koi 22 ko, koi 25 ko aur koi 31 ko.
lagne chettada rahu hibuke chashtamepiva.
yamitre dvadshe chev mangal dosh vinashkah..
arthat var ya kanya ki kundli men kendra sthan men rahu ho athva mangal grah ki rahu grah ke sath yuti ho, to mangal dosh ka parihar ho jata hai. yadi aisa hota hai, to udaharan kundliyon men mangal dosh ka koi sthan nahin hai kyonki donon men rahu ki sthiti anishtakarak hai. ka vishleshan karen.
udaharan 3 ki kundli siddhant ke anusar mangal doshyukt hai, lekin dampatya jivan sukhamay hai. pati-patni donon sarkari seva men hain.
udaharan 4 ki kundliyan jane mane rajnaitik parivar ke sadasyon ki hanai jo bhartiya rajniti men sarvadhik acharchit parivar hai. patni ki kundli men mangal ashtam men vakri hokar sthit hai. mangal kunbh rashi men evan brihaspati ki purn drishti men hai. inke pati sanjay gandhi ki mrityu vivah ke kuch varshon ke bhitar hi havai durghatana men ho gai. pati ke lie mangal chaturthesh hokar tatasth ho gaya hai.
fir dampatya sukh men kami nahin ani chahie thi. lekin pancham men sthit shani ki saptam par nij bhav drishti ne ag men ghi ka kam kiya. kisi pap grah ki nij bhav par drishti jiv karak ka nash karti hai. ajiv karak hetu shubh hai. isi prakar pati ki kundli men bhi mangal dvadash bhav men hai. mangal mitra rashi men chaturthesh hokar tatasth hai. labhesh hokar kuch pap prabhav jarur hai.
sanjay gandhi ki kundli men bhi shani saptam men hokar lagn par apni rashi makar par drishti dal raha hai. shani vakri bhi hai. dono kundliyon men shani sanjay gandhi ka atma nashak ban raha hai arthat durghatana dekar mrityu de raha hai. yahan keval mangal ko hi dosh dena upyukt nahin hai. vishesh prabhav shani ka hi kaha ja sakta hai.
isse spasht hai ki vaivahik sukh men badha ke lie keval mangal ko hi doshi manna uchit nahin hai. gun bahulya vaivahik sukh ka matra ek karak ho sakta hai, nirnayak nahin. janm kundli larke ki ho ya larki ki, yadi uska satvan sthan, jo dampatya ka sthan hai, doshi nahin hai arthat satven sthan ka svami koi bhi grah ho vah lagn se chathe, athven, barhven ya dusre kisi sthan men nahin baitha hai aur satven sthan ka svami kisi bhi nich rashi men nahin baitha hai.
kisi bhi anya sthan ka svami nich hokar satven sthan men nahin baitha hai. satven sthan men rahu ya ketu koi nahin baitha hai tatha satven sthan ka svami surya se ast nahin hai ya shunya ansh nahin hai ya chathe, athven, ya barhven ghar ka svami satven sthan men nahin baitha hai ya kisi bhi grah ki satven sthan par nich drishti nahin hai to aisi sthiti men larke v larki ki kundliyon men 36 men se ek bhi gun n mile, to bhi vaivahik jivan sukhamay hoga. yadi kundli men grahon ki yah sthiti n ho, to vaivahik jivan 36 gun milne par bhi dukhamay hoga.
if you are facing any type of problems in your life you can consult with astrologer in delhi