aisi hi bhayavah ghatna ghati sabhya ke sath. nirbhaya kand ke virodh pradarshanon men sabhya ne apne doston ke sath barh-charh kar hissa liya tha aur khulakar iske khilaf doshiyon ko saja dene ki mang ki thi. sabhya gurganv men fainens enalist ke rup men ek sanstha men kam karti hai. 5 disanbar ko jab use aefis men der ho gai to vah aefis ki kaib se ghar ke lie nikli. pura din kam karne ke karan vah thaki hui thi
islie kaib men hi use nind a gai aur thori der bad jab nind khuli to usne kaib draivar ko apne pas paya aur kaib ek nirjan sthan par khari thi. sabhya ekadam chikh pari, vah royi, chillai aur apni suraksha ke lie bahut girgrai par kaib draivar shiv kumar ne ek n suni aur vah use nirbhaya kand ki yad dilate hue ek lohe ke raed dikhane laga ki yadi usne jyada shor machaya to uska bhi vahi hal hoga jo nirbhaya ka hua tha.
sabhya ne bahut koshish ki ki vah use jane de par shiv kumar to bilkul vahshi ho chuka tha. usne sabhya ko bahut mara pita aur haivaniyat ki sari haden par kar di. bad men sabhya ke anurodh karne par use uske ghar chor kar farar ho gaya aur mathura jakar nepal jane ki taiyari karne laga.
vaise to usne sabhya ko kisi se bhi is ghatna ka jikra karne ke lie mana kiya tha aur is bat se lagabhag ashvast bhi tha ki sabhya itni dar gai hai ki vah kisi ko nahin bataegi par sabhya ne apni badhvasi ki halat men jo es. em. es apni dost ko bhejna chaha vah shiv kumar ke nanbar par ho gaya islie use pakka yakin ho gaya ki ab pulis use nahin choregi aur vah mathura jakar nepal bhagne ki taiyari karne laga.
idhar jaise hi sabhya ne pulis men uske khilaf ef. ai. ar. darj karai pulis uski khoj men lag gai aur 3-4 din men pulis ne use dhar dabocha. shiv kumar yadav ek videshi kanpni ubar kaib seva men kaib draivar ki haisiyat se kam kar raha hai aur uska apradhik rikard khangala gaya to sabhi sakte men a gaye ki itne sare apradhik mamlon men lipt hone ke bavjud use kaise ubar kaib mane naukri mil gai.
shiv kumar ram nagar ganv ka rahne vala hai aur ganv valon ke anusar vah 14-15 sal ki umra se hi ganv ki larkiyon par bhadde kament karta tha. dupatta khinch leta tha aur mauka pane par kuch bhi kar sakta tha. ganv men uska itna atank tha ki uske hote hue mahilaen ghar se akele bahar niklna band kar deti thin.
mainpuri men anek mahilaon se jo usse umra men bhi kafi bari thin, usne dushkarm kiye. lekin mahilaon ne lok-laj ke bhay se aur kort kachhri ke chakkar ke karan badnami ke dar se apne sath hue dushkarm ko pulis men riport nahin ki. islie kuch sal pahle uski harkton ke chalte sthaniya pulis use jilabadar kar chuki thi.
shiv kumar ke mata-pita bhi iski gandi harkton se itna tang a gaye the ki unhonne use ghar se dur rahne ki takid kar di thi aur shiv ne dilli men akar kaib chalane ka kam bhi islie shuru kiya taki vah apni is gandi adat ko jari rakh sake. pulis ke anusar usne pahle bhi gurganv men ek mael ke bahar der rat ek dansar ko lift di thi aur raste men uske sath jabaradasti ki aur mahila ko shor machane par use kaib se dhakka de diya tha. pulis ne use bad men giraftar bhi kar liya tha aur vah is mamle men sat mahine tak jel men raha.
panch disanbar se lagabhag das din pahle bhi shiv yadav kuch aisa hi karne ki soch raha tha. amerika men rahne vali nidhi shah 26 navanbar 2014 ko dilli ai thi aur jab unhonne ubar kanpni ke mobail ep se ek kaib buk karai to shiv kumar kaib lekar aya. nidhi ko dekhte hi uske dimag men so raha haivan jag utha aur usne nidhi ko kar ke agle hisse men lage riyar mirar se ghurna shuru kar diya.
uske chehre par kutil muskan bhi thi isse pahle ki vah kuch kar pata nidhi ne iske iradon ko bhanp liya aur vah kaib se utar gayi aur usne iski shikayat amerika se hi imel ke jariye dilli pulis ko di thi. shiv kumar ne pulis dvara ki gai puchtach men kabul kiya ki vah gurganv sthit sahara mael ke pas se larkiyon ko ghar chorne ke bahane apni kaib men bithata tha aur unke sath dushkarm karta tha aur jyadatar mamlon men kisi bhi larki ne uske khilaf koi mamla darj nahin karvaya. shiv kumar ke khilaf darj hue apradhik mamlon ki suchi-
- 2003 men rep ki koshish ke arop men giraftar, bel par chuta.
- 2003 men mainpuri men gunda ekt ke tahat mamla darj.
- 2006 men avaidh hathiyar ke chalte amrs ekt ke tahat mukdma.
- 2008 men gunda ekt ke tahat giraftari.
- 2008 men mainpuri ke di. em. ne ek sal ke lie jila badar kiya.
- 2009 men bhi shivkumar ko 6 mahine ke lie jila badar kiya gaya.
- 2011 men dilli ke mahrauli men balatkar ke arop men giraftar.
- 2011 ke rep kes men sat mahine ki jel kati.
- 2013 men fir se mainpuri ke ilake men rep aur lut ka mamla darj.
is tarah ki ghatnaen vastav men har samaj ke har vyakti ko sochne ko majbur karti hain ki jis tarah se kai deshon men aise apradhiyon ko bahut kathor dand diya jata hai usi tarah bharat men bhi aise hi dand ka pravdhan karna hoga taki apradhi aise dushkarm karte hue bhay mahsus kare anyatha yahan ke asan kanun ke karan ve jaghanya apradhon ko anjam dene se bhi baj nahin ate aur kuch hi mahinon men jel se bahar a jate hain aur fir se unhin kukrityon ko anjam dene lagte hain.
aiye karte hain shiv kumar ki kundli ka vishleshan aur jante hain un grahon v dashaon ko jinhonne use is had tak niche gira diya. kundli vishleshan shiv ki kundli men krur grah mangal lagn men sthit hokar kafi balvan hai. lekin lagn tatha lagnesh mangal donon kramshah vishakha aur jyeshtha nakshatra men hai aur donon hi rakshasagan ke antargat ate hain islie shiv men rakshasi pravritti adhik vidyaman hai.
mangal ka ashtamesh budh ke nakshatra men hone se vah apradhik kamon ko anjam deta hai. man ka karak grah chandrama ashtam sthan men ashubh grah rahu ke sath sthit hai tatha us par krur mangal ki drishti hone se apradhik mansikta ko adhik bal de raha hai jiske falasvarup iske andar manvta tatha achche sanskaron ka abhav hai.
jaimini jyotish ke anusar chandrama atma karak grah hai lekin ashtam bhav men rahu ki yuti ke karan vikshipt mansikta de raha hai aur navansh men bhi chandra aur shukra ki pashu rashi men yuti use vyabhichar ki or agrasit kar rahi hai tatha uski kam vasna men aur vriddhi kar rahi hai aur mansik rup se vikshipt bana rahi hai.
buddhi vivek ka svami guru vyay bhav men shani ke sath hone se ismen vivek shunyata hai aur uski havas ka rakshas bar-bar uske vivek par havi ho jata hai aur use punah apradh karne ke lie sakriya kar deta hai. ketu adhishthit rashi ke svami guru ki panchmesh hokar dvadash bhav men sthiti ke karan shiv ek achche skul men hone ke bavjud apni skuli shiksha bhi puri nahin kar saka aur bachapan se hi achche sanskaron ko grahan nahin kar paya aur buri sangat men par kar bure kam karne laga.
iske atirikt guru svati nakshatra men sthit hai jiska svami rahu ashtam men hai aur use adharm ka rasta dikha raha hai. saptamesh aur vyayesh hokar shukra apni nich rashi labh sthan men sthit hai. nich shukra ki labh sthan men sthiti uski striyon ke prati vasna ki pravritti ka sanket deti hai aur apni vasna purti ke lie vah kisi bhi had tak ja sakta hai.
labh bhav men nich ka shukra is bat ki pushti kar raha hai ki iski anek striyon se vyabhichar karne ki pravritti hai tatha mahilaon ke prati uska drishtikon asabhyata aur pashuta vala hai. iski kundli men lagnesh lagn bhav men hone se tatha dashmesh labh bhav men hone se apradh karne ke pashchat bhi kanun se pakre jane par bhi jaldi hi chut kar bahar a gaya. dashmesh ke labh bhav men hone ke karan hi use itni jani mani videshi kanpni men asani se naukri bhi mil gai aur paison ki use kabhi koi kami mahsus nahin hui.
pita ne bhi uski ichchaon ki purti hamesha ki aur ganv men sabse pahli motrbaik bhi shiv ne hi kharidi. lagn ka mangal use bahut nirbhik aur himmati banata hai aur barhven bhav ka shani bahut sapne bhi dikhata hai parantu sapnon ki uran nich shukra ke karan uski vasna purti tak simit rah jati hai tatha rahu se yukt v mangal ki drishti se pirit chandrama ke karan uski vikrit mansikta ko jurm men parivartit karne ki jurrat bhi karvata hai.
iski kundli men kutumbesh guru vyay bhav men hone se tatha shani ki ashubh drishti hone se shiv apne parivar v kutunb ke lie ashubh hai aur nich krityon se uske parivar ko apman aur badnami jhelni pari. dvadash bhav men shani aur guru ki tula rashi men yuti hai. shani chitra nakshatra men mangal ke svamitva men hai aur guru rahu ke nakshatra men hai arthat dvadash bhav men shani, mangal, guru, rahu, shukra ka prabhav yog use hinsak pravritti pradan kar raha hai.
lagnasth mangal par shani ka gochriya prabhav iske lie bara apradh karvane ka tatkalik karan bana. 14 navanbar 2014 se iski budh ki mahadsha men shukra ki antardasha praranbh hui aur shukra ki antardasha men shukra ki pratyantrdsha men hi isne is sharmanak ghatna ko anjam diya. budh chunki ashtamesh bhi hai aur apne nich navansh men sthit hai aur antardasha nath shukra prabal markesh bhi hai islie is bar kanun se bach pana asanbhav pratit hota hai.
is par lage arop nishchit rup se siddh honge aur ise kari se kari saja milegi. yah saja shayad uski buddhi ko sahi galat ka antar samjha sake aur vah ek jimmedar nagrik ban sake.