vivah sanpurn manav jati ke lie parmatma ki ek anupam bhent hai. bharat varsh men log prachin kal se hi vidya adhyayan ke bad vivah karte the, lekin vartaman samay ke yuva varg yah nahin mante ki samajik paranpra milan adi ke bad vivah kiya jae.
ajakal yah chal raha hai ki jo larki pasand a jae vahi thik hai lekin yah bari bhul ki bat hai kyonki jab tak var vadhu ka mansik tatva, sharirik tatva, buddhi bhed, dharmik bhed adi ka paraspar mel n ho tab tak vivah ka sanbandh sukhdayi nahin ho sakta.
kundli milan yani var vadhu ke man ka milan hai jab tak man nahin milenge vivah safal nahin ho sakta hai. vivah ki saflta ke lie milan avashyak hai. sabhi rashiyon ke agni tatva, jal tatva, vayu tatva, akash tatva evan prithvi tatva hote hain.
udaharan - yadi agni tatva vale ka vivah jal tatva vale se kar diya jae to parinam svarup ve ek dusre ke jivan paryant shatru bane rahenge.
atah vivah men mangal dosh, prem vivah, vichched adi ke karan dampatya jivan kashtamay n ho iske lie hamen hamare param pujya shreshth prachin rishiyon parashar, vashishth, jaimini, atri ne apni divya drishti se anubhav se tatha anek prakar se janch vichar kar niahsvarth bhav ho, manushyon ke hit ke lie bahut si ritiyan bana rakhi hai.
jan bujhakar in shiksha evan ritiyon ka ullanghan karna yani putra-putri ko katen ki saiya par sulana hai. mangal dosh mangal jab var ya kanya ki kundli men 2, 4, 7, 8, 12 sthan par hota hai tab mangal dosh hota hai arthat var ki kundli men stri hanta yog evan kanya ki kundli men vaidhavya yog hota hai. mangal ke saman hi shani dosh par bhi vichar karna chahie.
yadi kanya ki kundli men lagn se ashtam bhav men shani ya anya koi pap grah baitha ho aur vishesh kar nich ho ya shatru grihi ho ya nich varg ka ho to pati ke lie anishtakari hota hai. yadi var ki kundli men dvitiya saptam sthanon men pap grah ho to bhi strihanta yog hota hai. abhipray yah hai ki yadi kanya ki kundli men mangal dosh athva shani dosh ho to uska vivah mangal dosh ya shani dosh vale var ke sath (sabhi milan thik ho to) kiya ja sakta hai.
is vishay men dae. henimen ka kathan ‘vishasya vish aushdhm’ aise sthan par lagu hota hai. atah mangal dosh ko lagn, chandra, surya, adi se vichar karna chahie taki dampatya jivan sukhamay bana rahe. prem vivah prem vivah arthat var, kanya ka apni pasand se apna jivan sathi chunna.
yah sabhi jante hain lekin vartaman samay men log riti rivaj ko n man kar apne dil ki bat ko prathmikta dete hain lekin prem vivah purnataya safal nahin hote evan kuch log bojh samajh kar jhelte hain evan apne bhagya se samjhauta karte hain. jab ve bhagya se samjhauta karte hain tab yah bat kahte hain ki kash hamne apne baron ki bat mani hoti lekin tab tak samay hanth se nikal chuka hota hai. pashchatap ke alava kuch nahin rah jata tab sabhi taraf se hara vyakti jyotishi ke pas jata hai aur sochta hai ki kahin kuch thik ho jae to uska jivan safal ho jae.
yadi ham is bat ko pahle hi vichar kar len to apna jivan sukhamay vyatit kar sakte hain. kai vyakti prem vivah kar apne samasyaon se grast hote hain. kisi men nadi dosh, kisi men gan dosh, kisi men purn gun nahin milte, kisi men mangal dosh. in sabhi ko yuva varg najar andaj kar dete hain evan dukh ke bhagi hote hain.
prem vivah ke kuch yog:
1. panchva bhav ya iska svami grah kisi prakar bhi lagn ya satven bhav se sanbandhit ho to prem vivah hota hai.
2. yadi satvan bhava ya satven bhav ka svami kisi bhi prakar lagn pachven ya gyarhven bhav se sanbandhit ho jae to prem vivah hota hai.
3. panchmadhipti ki uchch rashi men rahu ya kendra sthit ho.
4. saptamesh agar saptam men shukra ke sath baitha ho to labhesh aur labhasth grah pancham ya saptam bhav sanbandhit ho tatha shubh lagn pancham aur saptam se sanbandh sthapit kare.
5. navmesh ki yuti panchmesh ya saptamesh ke sath ho to prem vivah hota hai.
6. yadi saptamesh ya panchmesh nich rashi men ho to antrjatiya vivah hota hai.
vivah vichched ke karan jab 2, 7, 11 bhavon men ashubh grah ho ya in bhavon par ashubh grahon ka prabhav par raha ho. shani, rahu, mangal, surya ki sthtii ashubh ho to vivah vichched nishchit hota hai. saptam bhav men pap grahon ki adhik drishti dampatya sukh ko nasht kar deti hai. chandra-rahu, mangl-rahu, shukra chandra rahu surya shani ye yuti yadi saptam bhav ya saptamesh se yuti kare to vivah vichched, ashanti, kalah bani rahti hai.
upay :
1. grahanukul shanti karna chahie.
2. shiv puja karen, abhishek adi niyam purvak karna chahie.
3. mangal prabhav adhik ho to vishnu ya kunbh vivah ark vivah adi karna chahie.
4. is prakar vivah ko sukh yukt bana sakte hain.