manav itihas gavah hai ki brahmand ka koi bhi grah manav ko itna akarshit nahin kar paya jitna ki mangal grah ne kiya hai. is lal rang ke akarshak grah ke bare men janne ke lie vaigyanik hamesha se utsuk rahe hain, yah unhen achanbhit kar romanch se bharta raha hai.
adhunik vaigyanik shodhon se bhi yah siddh ho chuka hai ki mangal grah aur prithvi ke bich koi samanta hai. yah bhi mana ja raha hai ki kabhi bahut pahle mangal grah prithvi ka hi ek hissa raha hoga aur kalantar men prithvi se alag ho gaya hoga. puranon ke anusar bhi mangal grah ko bhaum ya bhumi putra arthat bhumi ka ansh kaha gaya hai.isse yah bhi siddh hota hai ki puranon ke lekhak, hamare mahan rishi-muni adhunik vaigyanikon se durdrishti men bahut age the.
namavli: mangal grah ko hamare puran aon ne kai nam die hain jo mangal ki visheshtaon ko hi batate hain, jamsse angarak - agni se paida hua bhaum - bhumi ka putra kuj - bhumi ka putra mangla - manglkarak lohita - lal agnibhuvah - agni se utpann mahisut - prithvi ka putra bhu-sut - bhumi ka putra dharaj - dhara arthat prithvi putra krurnetra - krur ankhon vala mirrikh, lohitang , avnij, kshitinandn
svarup v visheshtaen: mangal grah ag hai, ismen garmi hai, tej hai kyonki yah agniputra hai. brihatparashar horashastra ke anusar - kruro raktekshano bhaumashchapaladarmurtikah pittaprakritikah krodhi krishamadhyatnudrvij arthat mangal krur, rakt netra, chanchal, pittaprakriti, krodhi, krish aur madhyam deh ka svami hai.
nardiya puran ke anusar - krurdriktaruno bhaumah paittikashchapalastatha arthat mangal krur dikhta hai. yah yuva hai, chapal hai aur sahsi bhi hai. garur purananusar ek vishal rath par savari karne vale bhumiputra ke rath ka rang sunhra hai aur yah ath ghoron dvara khincha jata hai jinmen ag si chaplta hai. is karan mangal sahsi, nidar v tej hai.
jatakatatvam ke anusar - dushtadrik tarunah krishamadhyo raktasitangah paittikashchaladhirudarapratapyarah arthat ankhon men kaniyanpan, javan sharir, patli kamar, halka rakt varn, pitt pradhan prakriti, chanchal buddhi, udarta v pratapi ye mangal ki visheshtaen hain.
vatavrn: mangal grah ke vatavaran ko lohita arthat lal kaha jata hai. yah nau rashmiyon yukt aur jaliya sthal vala hai. lohito navarashmistu sthanmapyan tu tasya vai
janma: matsya puran ke anusar sabhi grah surya ki rashmiyon se paida hue hain. sanvardhanastu yo rashmiah s yonirlohitasya ch. lohita arthat mangal bhi surya ki un rashmiyon ki paidavar hai jise sanvardhana kahte hain.
bhagvan shiv se sanbandh: skand puran ke anusar jab bhagvan shiv ko sati ke marne ka dukh hua to unhonne kailash parvat par tandav kiya jisse unke sharir men atirikt ushma utpann hui aur mathe se pasine ki ek bund prithvi par giri. is bund se ek balak utpann hua jiske sharir ka rang lal tha, uski char bhujaen thin, tan se ek vishesh prakar ki gandh a rahi thi aur usne rona shuru kar diya tha. dharti mata ne us balak ko god men liya aur dudh pilakar shant kiya. is bat se bhagvan shiv ne prasann hokar dharti arthat bhumi ko vardan diya ki yah balak ab uske nam se jana jaega. kyonki balak ka palan poshan bhumi ne kiya tha, atah vah bhumi putra, bhaum aur kuj (bhumi-ku) kahlaya. bhagvan shiv ke pasine se mangal ki utpatti avanti (ujjain) ke pas hui thi. aj bhi vahan shipra nadi ke tat par mangal (manglantha) ka mandir hai.
bhagvan vishnu se sanbandh: devi bhagavat men bataya gaya hai ki varah ke rup men avtar lene vale mahavishnu ki patni bhumi devi arthat prithvi ke putra ka nam mangal hai.
agni se sanbandh: ek anya puran ke anusar kumar arthat mangal agni aur svaha (agin ki patni) ki santan hai. kumar kai namon se jana jata hai, jinmen se kuch is prakar hain - bhaum, guha, mahasena, shaktidhara, shrabhu, senapti.
mangal ke karakatva: uttar kalamrit ke anusar mangal se nimn vishyon ka vichar karna chahie: shurta, bhumi, rajya, chor, virodh, shatru, pashu, raja, krodh, videshagaman, agni, pitt, ghav, chota kad, rog, shastra, karva, grishm ritu, shil, tanba, dakshin disha, senadhish, vriksh, bhrata, dandadhikari, sanp, tarkashakti, grih adi. vibhinn bhavon men mangal ke fal: mansagri ke anusar mangal ke vibhinn bhavon men sthit hone se nimn fal milte hain: pratham - sharir men rog, chanchlta, dvi tiya - teji aur chatorapan, tritiya - vidya, sahas, chaturtha-kasht, dukh, panchm-dhan v santan ki kami, shashth - shakti, shatru vijay, saptam - patni se tiraskar, ashtam - achcha svasthya v sukh, navam - chot, bhagyahinta, dasham - vidya v sahas, ekadash - dhan v samman aur dvadash - nirdhanata v bimari.
mangal ke vyavsay: uttar kalamrit ke anusar mangal grah se sanbdhit vyavsay is prakar hain: agni, bijli, rediyo, bhatthi adi ke sabhi karya, barud, banduk, top, talvar adi shastron ke karya, sena se sanbandhit karya.
mangal ki puja: manglvar ko mangal ki puja atyant shubh hoti hai. shukla paksh ki chaturthi ko yadi manglvar ho, to ise bhi puja ke lie shubh mana jata hai. ise angarak chaturthi bhi kahte hain. skand puran ke anusar shashthi tithi bhi mangal ki puja ke lie shubh hoti hai kyonki isi din mangal ko senapti banaya gaya tha.
is din mangal ki puja karne se dhan v putra labh milta hai. aputro labhte putramdhno'pi dhanan labhet mangal grah ki prarthanaen: skand puran ke anusar mangal ki ek prarthana is prakar hai:
angarak shaktidhro lohitango dharasutah.
kumaro manglo bhaumo mahakayo dhanapradah..
rinaharta drishtikarta rogkridrognashnah.
vidyutprabho vranakar kamdo dhanahat kujah..
if you are facing any type of problems in your life you can consult with astrologer in delhi