saur mandal men sabhi grah surya ke charane or chakkar lagate hain. hamari prithvi ka paribhraman path mangal aur shukra grahon ke bich hai. paribhraman ke dauran mangal grah kabhi prithvi ke bahut nikat chala ata hai aur kabhi kafi dur par chala jata hai. islie yah kabhi chota aur kabhi bara dikhai deta hai.
yah lagabhag 687 dinon men surya ki pradakshina karta hai. mangal ka vyas prithvi se lagabhag adha hai. surya se dur hone ke karan yah akash men sarlta se dekha ja sakta hai. mangal udit hone ke lagabhag 10 mah bad vakri hota hai. fir lagabhag do mah ke bad margi hota hai aur uske lagabhag das mah bad arthat uday hone ke lagabhag 22 mah bad ast ho jata hai.
mangal ag ki tarah lal, ushn, agni tatva tatha tamoguni prakriti ka grah hai. yah mesh evan vrishchik rashiyon tatha mrigsira, chitra, dhanishtha nakshatron ka svami hai. mesh rashi iski mul trikon rashi bhi hai. surya, chandra v guru iske mitra hain jabki budh se iski shatruta hai. makar rashi men yah uchch ka aur kark men nich pravritti ka hota hai.
akashiya sansad men surya ko raja evan mangal ko senapti ka pad diya gaya hai. mangal udar se pith, putthe, nak, kapal, snayu, jannendriyon ke bahya bhag ka karak mana gaya hai. yah kushtharog, rakt vikar, jvar, vran, chot, raktasrav, vishpan, netra rog adi ka bhi karak hai.
bhai, prithvi, putra sukh, nirman karya, jhagra sasural, ag adi iske prabhavadhin ate hain. mangal ghor svabhimani, anushasan priya, atyadhik kathor kshatriya (senapti ) svabhav ka karak grah hai.
aisa svabhav samanya rup men ashniya hota hai aur isilie mangal ko krur, papi svabhav aur purush prakriti ka grah mana gaya hai. janmakundli men mangal apne sthan se chaturth, saptam evan ashtam sthan ko dekhta hai. chaturth sthan sukh ka, saptam sthan jivnsathi evan bhagidar ka tatha ashtam sthan ayu v mrityu ka hai.
mangal krodh, uttejna evan avesh ka dyotak hai. krodh v uttejna ki sthiti men vivek ka sath chut jata hai, jatak sukh se vanchit ho jata hai aur jivan sathi v sahyogi se anaban ya vaicharik matbhed ke karan unka sath v sahyog chut jata hai jisse uska jivan kashtamay ban jata hai aur uski jivan shakti ayu ka hras hota hai.
mangal janmakundli ke tisre aur chathe bhav ka karak grah hai. yadi mangal apni rashi men ya uchch ka hokar kendra bhav men sthit ho, to ruchak namak yog banta hai jismen utpann jatak majbut, akarshak, balvan, dhani aur raja ya uske samakaksh hota hai. mangal ka arth shubhta, manglikta, madhurta, anukulta se hai.
yah parakram, shaurya, bal v sahas ka pratik hai. yadi mangal bali evan shubh prabhav men ho, to yah shakti, samathrya, bhu-sampatti evan vaibhav deta hai aur vyakti ko tejasvi, balvan, nipun, atmanirbhar, svabhimani, spasht vyavharvadi, parakrami nayak (aguva ) banata hai.
kintu yadi nirbal v ashubh prabhav men ho, to jatak ko krodhi, alsi, dhokhebaj, murkh, hathi, jhagralu aur kukarmi banata hai aur jatak apni in adton se apna nuksan kar jivan ko kashtamay bana leta hai.
mahan parakrami evan lokapriya samrat prithviraj chaihan ki janmakundli 1 men mangal lagnesh hokar saptam bhav men sthit hai aur lagn ko purn drishti se dekh raha hai. mangal par dashmesh (rajyesh) v ekadshesh (labhesh) shani ki tritiya uchch drishti mangal ko aur bal pradan kar rahi hai. parakram sthan (tritiya bhav) men uchch ka rahu bhi mangal ko pancham drishti se dekh raha hai. parakramesh budh, dhanesh shukra evan bhagyesh guru dasham bhav (rajya sthan) men virajman hain. un par lagnesh mangal ki chaturth uchch drishti ne unhen aur bal pradan kiya jiske falasvarup jatak mahan parakrami evan yogya shasak bane.
janmakundli 2 prasiddh dasyu mansinh ki hai. yahan labhesh mangal ashtam bhav men hai. ashtamesh budh uchch ka hokar ekadash bhav men nich ke shukra (dva adshesh) ke sath hai jis par mangal ki chaturth drishti hai. mangal ki mul trikon rashi mesh men shashth bhav men rahu hai jis par shani (parakramesh) ki tritiya nich drishti hai jiske karan rahu ka shani yukt prabhav mangal ne arjit kiya. mangal ki saptam drishti dvitiya (dhan) bhav tatha ashtam uchch drishti tritiya (parakram) bhav par par rahi hai aur dushit mangal shashthesh hokar shashth se shashth arthat ekadash bhav ko bhi chaturth drishti se dekh raha hai. falasvarup jatak ne dhan sanchay hetu dakaiti, hinsa aur atank ka sahara liya. shani ki dasham drishti lagnesh sthit guru par parne se buddhi bal ka durupyog hua aur jatak ke jivan ki disha bhatak gai.
janmakundli 3 men mangal shashthesh v ekadshesh (shashtham se shashthama) ka svami hai aur donon bhav hinsa pradhan hain. mangal lagn men hai jis par nich shani ki tritiya drishti v ketu ki navam drishti hai jo uske pap prabhav ko aur barha rahi hai. dushit mangal ki chaturth drishti chandra (man) evan guru (buddhi) ko bhi dushit kar rahi hai. mangal budh ki rashi men lagn men hai jisse lagn v lagnesh budh dushit ho rahe hain. lagnesh budh dvadash bhav men hai jo mangal se to dushit hai hi, ek or shani v dusri or mangal ke hone ke karan papakartari yog men bhi hai. budh svayan bhi surya v rahu ke sath hai. is prakar man, buddhi v vivek ke dushit hone se jatak ne (nathuram godse) mahatma gandhi jaise mahapurush ki hatya ka dushkarm kiya.
kundli 4 jarmani ke tanashah shasak hitalar ki hai. mangal svarashi ka saptam (kanedra) sthan men sthit hokar ruchak yog bana raha hai. uchch ke surya (ekadshesh labhesh), budh (navmesh bhagyesh) v shukra (lagnesh) ke sath hone se mangal bali hai. guru apni rashi dhanu men tritiya (parakram) bhav men hai jahan dashmesh (rajyesh) chandra bhi virajman hai. uchch rashi (dhanu) sthit ketu guru evan chandra ke bal men atishay vriddhi kar raha hai. falasvarup jatak ek sadharan sainik se jarmani ka shasak evan parakrami yoddha bana. mangal par shubh prabhav ke atirikt ashubh prabhav bhi hai. mangal par shani ki dasham nich drishti tatha ketu ki pancham drishti hai. mangal par ashtamesh shukra v dvadshesh budh ka bhi prabhav hai. in ashubh prabhvon ne uske parakram evan buddhi ko dushit kiya aur us par vidhvanskari prabhav dala. falasvarup jatak ki vichardhara evan pravritti tanashah shasak ki ho gai aur uski nishthurta v vinashkari pravritti use patan ki or le gai.
janmakundli 5, jo ki yogiraj arvind ghosh ki hai, men panchmesh v dashmesh mangal lagn men nich ka hai jahan guru (shashthesh v bhagyesh) uchch ke hokar virajman hai. falasvarup mangal ka nichatva bhang ho gaya aur use guru ka shubhatva bhi mila. chandra (man) aur guru (gyan) ki pratisthiti hai kyonki guru chandra ki rashi kark evan chandra v guru ki rashi dhanu men hai. yah yog shreshth faldayak hokar man se gyan prapti ki sthiti darshata hai.
if you are facing any type of problems in your life you can consult with astrologer in delhi