jis jatak ki janmakundli men mangal chaturth, saptam, ashtam, dvadash bhavon men sthit hota hai, use manglik kaha jata hai. uprokt bhavon ke alava dvitiya bhav men mangal ki sthiti ko bhi mangli dosh mante hain. arthat yadi var ki janmakundli ke upyukt bhavon men se kisi bhav men mangal ho to var ya vadhu ke jivan ko khatra ho sakta hai.
mangal agni tatva pradhan grah hai. anisht v markesh hone par mrityu karak hai kintu isi ek yog se mangal mrityu ka karan nahin ban sakta hai, kyonki mangal grah sahas, purusharth, atm bal v uchch shikhar ka karak hai. papi grah aur bhi hanai. nav grahon men mangal grah ke alava surya, shani, rahu, ketu papi grah hain. budh in grahon ke sath hone ya sanbandh banane se papi hai.
atah yadi ek vyakti ke purn bhavon men mangal ke sath-sath ukt grah hon to vah dvigun, trigun manglik ho jayega. pap grah jahan par jatak ko akasmik dhan labh prapt karate hain vahan par bhautik sukhon men kami late hain evan mrityu karak hote hain. lagn sharir hai, chandrama man hai, shukra rati hai, mangal svayan kamdev hai, guru uchch shikhar par le jane vale evan sukhon ki prapti evan samman dilane vale hain.
var ke lie shukra patni karak hai kanya ke lie guru pati karak hai atah inki shubhta v ashubhta ka sugmta se adhyayan kiya jana avashyak hai.
1. yadi var ki kundli mangli dosh mukt hai kintu uska saptamesh, saptam bhav tatha patni sukh karak grah, shukra balvan ho to manglik kanya se vivah hone par patni sukh prapt hoga. usi prakar saptamesh, saptam bhav v guru balvan ho to manglik var se vivah hone par pati sukh prapt hoga.
2. yadi ek ko manglik dosh ho evan dusre ka lagnesh ashtamesh balvan ho to manglik hona avashyak nahin hai.
3. yadi ek ke mangal ho evan dusre ke mangal ke alava shani, rahu saptam bhav men ho ya bhav par drishti dalte hon to mangal dosh ke sadrish hi karya karenge. danpatya sukh ka sanbandh saptam bhav se hi nahin hai. dvadash bhav ka sanbandh bhog tatha chaturth bhav ka shayan sukh se hai. atah jivan sathi ke lagn, chaturth, saptam, ashtam dvadash men shani rahu ki sthiti se jivan sathi ka manglik dosh nasht ho jata hai.
4. yadi var vadhu ki rashi men maitri ho, grah svami ek hon athva tis gun se adhik gun milan ho to manglik dosh nahin rahta.
5. yadi saptam bhav men mangal ki mesh, vrishchik rashi hai evan mangal saptam bhav men hai ya kahin se saptam bhav ko dekh raha hai to mangli dosh nahin hoga kyonki saptam bhav ka svami svayan mangal hai. yadi mangal kendra v trikon ka svami hokar kendra men baitha ho to hani nahin karega.
6. guru, shukra balvan hokar kendra men baithe hon to mangli dosh se khatra nahin hoga. vivah men vilanb vivah men vilanb ka karak grah shani hai. saptam bhav, shani ya saptamesh se shani ka sanbandh ho to vivah men vilanb hota hai. aise jatak ka vivah 32 varsh se 39 varsh ke madhya ho pata hai. kabhi-kabhi yah sima 42-43 varsh bhi par kar jati hai. shani v rahu ki yuti, saptamesh v shukra nirbal hone se evan shani rahu ki saptam bhav par drishti hone se vivah 50 varsh ki ayu men hota hai. saptam bhav men shani purva janm ke dosh darshata hai evan purva janmon ke karmon ka gyan bhi karata hai.
saptam bhav vivah men vilanb, vivah pratibandh, sannyas yog adi darshata hai. shani ki surya se yuti jatak ke vivah men badhayen evan vilanb paida karti hai. chandra se yuti ghatak evan rahu mangal ketu se anisht karak hoti hai. saptam bhav kendra bhav hai jismen shani bali hota hai. kintu saptam bhav ke ek or shatru bhav evan dusri or ayu bhav hota hai. atah saptam bhav ka svami shani hone se donon bhavon men chathe athven bhavon men ek bhav ka svami hoga kyonki shani do rashiyon makar kunbh ka svami hai.
siddhant ke anusar kendrasth, papagrah ashubh fal dete hain. saptamasth shani tula, makar, kunbh rashi men hone se shash yog nirmit hota hai jisse jatak uchch pad pratishth hota hai kintu charitrik dosh se bach nahin pata.
upay
- shanivar ko kali gay v kauvon ko mithi roti evan bandron ko laddu khilayen.
- shanivar ko chayadan karen, hanumanji ki puja karen, surya ki upasna karen, shani ke guru shiv hanai atah shiv aradhna karen. dasharath krit shani stotra ka path karen.
- ramayan ki chaipai- sau tum janhu antryami, purvhu mor manorath svami ka jeap karen.