bhartiya jyotishshastra n keval jatak ke bhavi jivan men hone vali ghatnaon ko suchit karta hai, apitu anisht parihar aur isht prapti se sanbandhit kriyaon ka bhi pravdhan karta hai. anisht, duahkh, kashtadi se mukti ke upay vaidik kal se hi prachlit hain, aur jyotishshastra ki pratyek paranpra yatha-parashri, jaimini, bhrigu, vashishth in sabhi men grahdosh tatha ashubh grahyog shanti ke sandarbh men paryapt charcha ki gai hai. bhartiya jyotishshastra ke pravatrtak acharyon men se ek maharshi parashar ne apni rachna parashri hora men mangldosh ki charcha ki hai aur kaha hai ki stri tatha purush jatak ki janmapatrika ke lagn, chaturth, saptam, ashtam aur dvadash bhav men yadi mangal upasthit ho to jatak kujdosh se pirit hota hai jiske falasvarup jatak ka vaivahik jivan kashtaprad ho jata hai.
jyotishshastra ki shastriya paranpra ke granthon men is dosh se mukti ke lie kai upay batae gae hain, jo shramsadhya aur kafi kharchile hain. jyotishshastriya upayon ki shramsadhyata aur vyay ki adhikta ko dhyan men rakhakar hi bisvin shatabdi ke madhya men jalandhar men rahne vale pandit rupchand joshi ji ne advitiya jyotish paddhati ka avishkar kiya jo apne saral upayon ke karan shighra hi jansamanya men lokapriya ho gaya aur ‘lal kitab’ ke nam se prasiddh hua.
is jyotishiya paddhati men kundli ke vibhinn bhavon men sthit grahon ke adhar par faladesh ki paddhati ko viksit kiya gaya aur kafi saral, alp vyay aur alp shram se yukt jyotishiya upayon ko jansamanya ke lie bataya gaya. janmakundli ke vibhinn bhavon men sthit mangal ke karan hi kujdosh hota hai aur in panch bhavon (lagn, chaturth, saptam, ashtam aur dvadsh) men sthit mangal ki shanti ke upay atyant vistar se lal kitab men varnit hain, jin upayon ko karne se kujdosh ke kuprabhavon se shighra hi mukti milti hai- lagnasth mangl- jatak sadhusanton ki seva men nirat rahe, jid aur dussahas ka parityag kare. bhojan ke bad saunf aur mishri ka prayog svayan bhi karen aur agat atithiyon ko bhi karaen.
bhaiyon, sahodron se mil-julakar rahen. surya aur chandra ki vastuon ka jyada se jyada prayog karen. chane ki dal-besn-haldi adi ka mandir men dan karen. kisi se dan ya muft men koi vastu n len. hathi dant ka saman ghar par bilkul n rakhen. jhuth bolne se bachen. shuddh chandi dharan karen. baragad ki jar men dudh ki dhar den aur usi gili mitti se tilak karen. ghar ki chat par deshi khand rakhen. mitti ke baratan men shahad bharakar khali maidan men dabaen. ghar ke darvaje par chandi ki kil thoken. chiriyon ko mitha bhojan den.
chaturth bhavasth mangl- baragad ke per ki jar men mitha dudh dalen aur aur uski gili mitti se 43 din tak lagatar tilak lagaen. yahi upay nim ke vriksh ke sath karen. chandi ka chaikor tukra apne pas rakhen. manglvar ko 400 gram chaval, dudh se dhokar bahte jal men pravahit karen. ath mithi roti tandur se lagvakar ath alg-alag kutton ko den. tridhatu (svarna-chandi-tanba) sambhag ki anguthi pahnen. jatak mrigacharm ka upyog karen. 400 gram revriyan bahte pani men choren. mama paksh ki seva karen. stri se kalah n karen, hamesha prasann rakhne ka prayas karen. saptamasth mangl- bua ya bahan ko lal kapre ka dan yathavasar karen. makan, divar adi banaen. chandi ki thos goli apni jeb men rakhen.
pati-patni snanadi se nivritt hokar lalavastra dharan karen aur tanbe ke batrtan men chaval bharakar chandan ka lep lagakar hanuman mandir men dan den. sali, mausi, naukrani, tota, maina, bakri, chaire patte vale paudhon se parhej karen. choti si divar banaen fir use gira den, yah prakriya duhrate rahen. ghar men ae mehmanon ko vidai ke samay munh jarur mitha karaen. chandi ki thos goli ghar men rakhen. nariyal, urad, tel v badam ka dan karen. ghar ai bahan ko kuch n kuch mithi vastu dekar vida karen. charitrik patan ke prati satark rahen. lal masur ki sabut dal ko jal men pravahit karen.
ashtamasth mangl- tandur ki bani mithi roti kutton ko khilaen. gale mane chandi ki thos chen pahnen. ghar men tandur lagane se bachen. rasoighar men baithakar bhojan karen. mitti ke batrtan men desi khand ya gur bharakar use shmashan bhumi men daba den. tave ko garm kar thande pani se chinte marne ke bad fir roti banaen. ath kilo ya 800 gram revriyan ya patashe ko nadi men bahaen. tridhatu ki anguthi pahnen. mrigchala ko prayog men laen. lal masur ki dal ko jal men pravah den. 400 gram ajvain ko bahte jal men pravah den. dadi se chandi ki mala dan men lene ka prayas karen aur ajivan dharan karen. makan ke akhiri kone men andheri kothri banvaen. mandir men chaval, gur aur chane ki dal yathashakti dan karen. dvadshbhavasth mangl- kutte ko mithi tanduri roti den. ghar men khule hathiyar n rakhen.
sote vakt sirhane men saunf rakhane. 12 dinon tak gur ko pravahit karen. manglvar ko hanuman mandir men laddu ya patashe banten. bare bhai ki seva karen. sir par choti rakhen. khaki rang ki topi/skarf dharan karna labhaprad hai. chaval ya chandi apne pas rakhen. atithiyon ko mitha bhojan karaen. pani men gur dalakar surya ko aghrya den. dudh se bana halva mitron ke sath baithakar khaen. guru tatha brahman ki seva karen. uprokt lal kitab ke upayon ko shraddhapurvak karne se kujdosh ki tivrata men kafi kami ati hai.
jatak ko chahie ki lal kitab ke upayon ke sath-sath shivji tatha hanuman ji ki bhi upasna karni chahie. lal kitab ke uprokt prayog chamatkarik prabhav utpann karte hain aur shighra hi vaivahik vilanb, tanav, kalah, talak adi kashton se mukti pradan karte ha