bhagvan shiv sabhi praniyon ke mitra hain. nag, bichchu, shmashan ki bhasm jaisi bhayanak chijen unke abhushan hain to bhang, dhature jaisi tyajya vastuen unke ahar. begvti ganga ko unhonne apni jataon men sameta hua hai. is tarah ve srishti men santulan banate hain. shiva unki shakti ke rup men hamesha unke sath rahti hain, isilie ve arddhanarishvar bhi kahlate hain. yahan prastut hai shiv aur shiva ka pratik mallikarjun jyotirling ke udbhav ki rochak gatha...
dakshin bharat ka kailash mane jane vale andhra pradesh men avasthit mallikarjun jyotirling ki chata dekhte hi banti hai. charon or pahariyan, kele aur bilvapatra ke ghane jangal, sath men bahti patal ganga (krishna nadi), aisa lagta hai mano bhole shankar ne apne svabhav ke anukul hi mastamaula vatavaran ka chunav kiya hai. mallika ka arth hai parvati aur arjun svayan shiv hain. is prakar shiv aur shakti donon yahan vidyaman hain.
kaha jata hai ki brahmadi devtaon ne bhi yahan kai varshon tak nivas kiya. yah mandir bahut prachin hai. draviriyan shaili men bani unchi minaren aur vistrit angan vala yah mandir vijayanagar sthapatya kala ka ek apratim namuna hai. puranon men bhi mallikarjun jyotirling ka mahatmya varnit hai. kaha jata hai ki shrishail par jakar shiv pujan karne se ashvamedh yagya ke saman fal prapt hota hai.
iske darshan matra se samast kasht dur ho jate hain aur anant sukh ki prapti hokar avagaman ke chakra se mukti milti hai. kaha jata hai ki mandir men ayojit hone vali mahaarti ke samay chatrapti shivaji yahan aya karte the. unhonne mandir ke dayin or ek minar aur muft ahar kendra bhi banaya. mahan shiv bhakt ahilyabai holakar ne patal ganga ke kinare ek bara snanghat banaya. is mandir ki prasiddhi dur-dur tak faili hui hai.
is jyotirling ke udbhav ki anek kathaen hain. ek katha shri ganesh evan svami kartikey ke vivah ke sandarbh men hai. ganesh chahte the ki unka vivah pahle ho aur kartikey chahte the unka. shiv-parvati ne is vivad ko rokne ke lie kaha ki jo sarvapratham prithvi ki parikrama kar lega usi ka vivah pahle hoga. mata-pita ke vachan sunte hi kartikey parikrama ke lie daur pare.
sthulkay shri ganesh svayan kahin nahin gae lekin unhonne apni buddhi ko avashya dauraya aur jhat se mata-pita ki sapt parikramaen kar dalin. jinka mahatva prithvi ki parikrama ke saman hi hai. isi buddhi maÿaa ke karan ve pratham pujyaniya bhi bane. jab tak kartikey prithvi ki parikrama kar vapas ate shri ganesh ka vivah vishvarup prajapti ki siddhi-buddhi nam ki do kanyaon se ho gaya aur siddhi se ‘kshem’ aur buddhi se ‘labh’ do putra bhi utpann ho gae.
devarshi narad ne jab yah samachar kartikey ko sunaya to ve mata-pita ke charan sparsh kar ruthakar kraunch parvat par chale gae. mata parvati ne unhen manane ke lie narad ji ko bheja, magar ve nahin ae. ruthe kartikey ko manane mata parvati svayan bhagvan shankar ke sath kraunch parvat par gain, lekin unke agaman ki suchna pakar kartikey vahan se kahin anyatra chale gae. is kram men shiv parvati kai din kraunch parvat par rahe aur jyotirling ke rup men vahin sth apit ho gae. dusri katha ke anusar ek bar rajkumari chandravti is van men tapasya karne ayi.
ek din usne dekha ki bel ke vriksh ke niche ek kapila gay khari hai aur uske charon thanon se dudh bah raha hai. usne dekha ki yah gay pratidin vahan khari hokar apne dudh ki dhar jamin par girati hai. chandravti ne utsuktavash us sthan ko khoda to ashcharyachkit rah gai. vahan se chamkta hua svayanbhu jyotirling prakat ho gaya. ismen se surya ke saman kirnen nikal rahi thin.
chandravti ne shiv ki puja ki aur yahan par ek bare mandir ka nirman karaya. bhagvan shankar us par bahut prasann hue aur use mukti pradan ki. ek anya katha ke anusar shail parvat ke nikat chandragupt raja ki rajdhani thi. uski kanya kisi vishesh vipÿia se bachne ke lie apne pita ke mahal se bhag nikli aur is parvat par sharan li. vahan vah gvalon ke sath rah kandmul aur dudh se apna jivan nirvah karne lagi. uske pas ek shyama gay thi.
kahte hain ki koi chupchap us gay ka dudh duh leta tha. ek din is kanya ne sanyogavash us chor ko dekh liya, magar jab vah use marne ke lie dauri to vahan shivling ke atirikt koi nahin mila. sab log shivling ki puja archana karne lage. bad men is sthan par ek bhavya mandir bana diya gaya.
is mandir ke pas hi parvati ji ka mandir hai jo ‘bhramramba’ ke nam se prasiddh hai. kahte hain parvati yahan se madhumakkhi ke rup men shiv ki puja karne ati hain. yah pavan bhumi ek prakar se purn rup se shiv sthali hai. yahan jagh- jagah par shivling sthapit hain. shivratri ke avasar par yahan bahut bara mela lagta hai aur yahan pura ganv sa bas jata hai.
mele ke dinon men yahan marg men pulis adi suraksha ka vishesh prabandh rahta hai. tirth yatri yahan mallikarjun se niche panch mil ki utrai par krishna nadi men snan karte hain. ismen snan karne ka bara mahatva hai. itni gahrai par hone ke karan hi krishna nadi yahan patalganga ke nam se jani kahan thahren yahan shrishailam devasthanam ke yatri nivasgrih bane hain jinmen yatriyon ke thahrne ki paryapt vyavastha hai.
if you are facing any type of problems in your life you can consult with astrologer in delhi