4 navanbar (kartik purnima): kartik purnima param punit pavitra tithi mani jati hai. is din agar krittika, bharni, rohini nakshatra ho to iska vishesh mahatva barh jata hai. is din purnima ke sath bharni nakshatra ka sanyog hone se is din purnima ka atyant shubh mahatva rahega. is din svarn dan, ann dan, shaiyya dan karne se anant punya fal ki prapti hoti hai.
7 navanbar (kal bhairav ashtami vrat) ah margashirsh krishn ashtami ko kal bhairav ashtami ka vrat kiya jata hai. bhairvji ka yathasanbhav vidhi se panchopchar shodshopchar pujan karke ratri jagaran karke shivji ki katha sunen. is vrat men madhyahn vyapini ashtami leni chahie. is vrat ke prabhav se vyakti shiv samrajya ko prapt karta hai. jivan men amanglon se raksha hoti hai tatha jivan men sukhanubhuti ka anubhav hota hai.
25 navanbar (mitra saptami vrat): margashirsh shukla saptami ko mitra saptami ka vrat kiya jata hai. vrat ke din surya narayan ka shodshopchar pujan karen. saptami ko falahar karen, ashtami ko brahmanon ko bhojan karake tatpashchat mitha bhojan karen. is vrat ko karne se ayu arogya, dhan, yash ki prapti hoti hai.
30 navanbar (mokshada ekadshi vrat, gita jayanti): margashirsh shukla ekadshi ko mokshada ekadshi ka vrat kiya jata hai. yah ekadshi moh ka nash karnevali hai. islie iska nam mokshada hai. is din bhagvan krishn ne arjun ko gita updesh diya tha. islie is din gita jayanti bhi manai jati hai. gita ka path athva svadhyay karne se janm janmantar ke papon ka kshay hota hai.