mahatma gandhi : satya aur ahinsa ke pujari  

mahatma gandhi satya aur ahinsa ke pujari pan. sharad tripathi ‘jivan ki kahani grahon ki jubani’ shirshak ke antargat ham bharat varsh ke vibhinn khyatnam vyaktiyon ke atirikt anya deshon ke vibhinn vyaktiyon ke bare men jyotishiya vishleshan prastut kar chuke hain. is aktubar ank men desh ke mahan saput ahinsa ke pujari mohndas karmchand gandhi (bapu) ki jayanti par unke jivan ka jyotishiya vishleshan prastut hai. prastut janmang rashtrapita mahatma gandhi ka hai. desh-videsh ke anek vidvan jyotishiyon ne jyotish ke niyamon ka tark dete hue is janmang ka vishleshan kai prakar se kiya aur apne gyan ka parichay dete hue bapu ke bare men kai achchi-buri baten bata chuke hain. ahinsa ke pujari bapu ko sanpurn vishva men kai aise gaurav prapt hain jo aj tak vishva ka koi anya neta nahin prapt kar saka hai, jaise vishva ke kai deshon men bapu ke nam se koi n koi marg hai. bapu ki kai deshon men murti lagi hai. kai deshon ki sansad ya sadan men bapu ki foto lagi hai. yah ek aisi upalabdhi hai jo anya kisi neta ko n to aj tak mili hai, n hi age milne milne vali hai. hamare desh men bapu ka vishesh mahatva hai, kyonki apna sarvasva nyochavar kar unhonne saikron varshon se gulami ki janjir men jakre desh ko ahinsa ke bal par angrejon se ajad karaya. mahatma gandhi ji ka janmang tula lagn ka hai jismen lagnesh shukra lagn men hi navmesh v vyayesh budh aur saptamesh tatha dhanesh mangal ke sath sthit hai. lagnesh ka lagn men purn bali hona tatha sath men dvadshesh budh ka hona aur dvadash bhav men labhesh surya ka sthit hona ek aisa yog hai jo jatak ko ati gyanvan, buddhiman v viveki banata hai. vyayesh ka sanbandh lagnesh se hone aur dvadash bhav men baithe surya ke karan bapu ne videshon men khyati v nam arjit kiya. isi jyotishiya yog ke karan rashtrapita mahatma gandhi ji ko hamare deshvasi pyar se ‘bapu’ nam se bhi pukarte hain. gandhi ji ne apne desh ke sath hi videshon men bhi ahinsa ko pratishthit kiya. rangbhedi niti ke khilaf andolnon mane dakshin afrika men bhi sakriya rahe aur naslavad v rangbhed ke khilaf jamakar sangharsh kiya. bapu ne dakshin afriki samuday ke sath-sath anya kale logon ki bhi is bhedbhav ke khilaf avaj uthane men madad ki arthat unki praranbhik khyati videshon men hui aur aisa lagn men baithe vyayesh budh ke karan hua. aj bhi bapu ko puri duniya men vishesh samman ke sath yad kiya jata hai. bapu ne apne satya v ahinsa ke hathiyar ko sabse pahle dakshin afrika men hi ajmaya. 20 vin sadi ki shuruat men nasliya bhedbhav ke khilaf gandhi ji ke sangharsh ki smriti men kvajulu natal ke vittamantri aur afrikan neshanal kangres ke neta daejveli makhaij ne pichle dinon ‘indiyan eksapiriyans festivl’ men ek sikka jari kiya. yad rahe ki 1908 men johansabarg men gandhi ji ke netritva men dakshin afrika men rahne vale do hajar bhartiyon ne tatkalin sarkar dvara unhen jari panjikaran praman patron ko jalaya tha. aie, bapu ki kundli men sthit ek anya yog par drishtipat karen. kuch jyotishigan bapu ki janmakundli men lagn men baithe mangal v shukra ki yuti ke karan unki mahilaon men vishesh ruchi ka ullekh karte hain jo ki sarvatha asatya hai- ‘guraukalatraisvadarasaktah’. sarvarth chintamni, a-6, shlok- 2 is shlok ka arth yah hai ki yadi janm kundli ke saptam bhav men guru sthit ho to jatak apni hi patni men asakti rakhta hai. saptam bhav mitron ko bhi ingit karta hai. bapu ki kundli men saptam bhav men sthit brihaspati purn rup se lagn v lagnesh shukra ko dekh raha hai. saptamesh mangal ki yuti bhi lagnesh ke sath hi hai. isi karan patni kasturba hamesha unke sath rahin. gandhi ji ke sabhi karyon ke sath-sath ashram men kya hona hai, kahan kya patra vyavhar karna hai adi vahi dekhti thin. in sab karyon ke atirikt vah angrejane ke viruddh chal rahe svatantrata andolnon men bhi barh-charh kar hissa liya karti thin. vah ek dharmaparayan mahila thin. vah pratidin sandhya ke samay hone vale bhajan men pure manoyog se bhag leti thin. donon ka vaivahik jivan hamare lie prernaprad hai. saptam bhav mitron ka bhi hai, islie bapu ke ek-do nahin, hajaron mitra the, jo unke ek ishare par apne jan-mal ki chinta kie bagair bare-bare andolnon men sammilit ho jate the. aie, unke jivan ke ek aur paksh ko jyotishiya drishti se dekhte hain. jahan kisi vyakti ke anek chahne vale hote hain, vahin kuch virodhi bhi hote hain. aisa hi ek vyakti tha nathuram godse jisne prarthana sabha men jate samay 30 janvri 1948 ko bapu ki goli mar kar hatya kar di. tula lagn ki kundli men mangal prabal marak hota hai. is kundli men lagnesh v markesh ka yut hona batata hai ki inki mrityu krurta se hogi. saptam arthat marak bhav men guru ka sthit hona yah bhi darshata hai ki hatyara hatya karne ke samay apne purn gyan v vivek men tha arthat soch-vichar kar hi usne hatya ko anjam diya. gandhi ji ki mrityu 30 janvri 1948 ko hui. agar ham us samay ka gochar dekhen to paenge ki bapu ki kundli ke anusar guru ki mahadsha men ketu ka antar chal raha tha. guru, jo marak bhav saptam men sthit hai, gochar men us samay dusre marak bhav arthat dvitiya bhav (vrishchik rashi) men gochar kar raha tha. guru ke isi gochar bhraman ke karan yah ghatna ghati. ant men bapu ki kundli se is bat ko janne ka prayas karen ki jyotishiya drishti se aisa kaun sa karan hai ki bapu ka chitra bhartiya mudra par ankit kiya gaya. bapu ki prasiddhi ka sabse pramukh karan raha ki unki kundli men lagnesh ka purn bali hokar lagn men sthit hona. jab lagnesh lagn se aisa sanbandh banata hai to jatak ki khyati mrityu ke bad bhi dur-dur tak failti hai. bapu ki mrityu ke samay guru ki mahadsha chal rahi thi. yadi is mahadsha se vinshottari dasha kram ko punah joren to mahadshaen is prakar aengi. 9-6-1940 se 9-6-56 tak guru ki mahadsha 9 -6-1956 se 9-6-1975 tak shani ki mahadsha 9 -6- 1975 se 9-6-1992 tak budh ki mahadsha 10-6-1992 se 10-6-1999 tak ketu ki mahadsha 10-6-1999 se 10-6-2019 tak shukra ki mahadsha yadi aj bapu jivit hote to (upar varnit dashaon ke alok men) vartaman men un par shukra ki mahadsha chal rahi hoti. ashtam bhav ayu ka bhav hai. bapu ki kundli men ashtamesh bhi shukra hai. agar vyakti ke janm ka akalan lagn se karte hain to dvitiya janm hetu ashtamesh ki sthiti par vichar karna hoga. is drishti se jab ashtamesh shukra ki vartaman dasha praranbh hui tab se bapu ka ek prakar se punarjanm hua. vyakti chahe amir ho ya garib, chota ho ya bara sab ke hi pas bhartiya mudra men ankit bapu ka chitra jeb men hota hai. din men kai-kai bar us chitra ko ham dekhte v hathon se sparsh karte hain. yah punarjanm mudra ke madhyam se kyon hua. dhan ka sabse bara karak grah brihaspati hai. bapu ki kundli men saptam bhav men sthit guru purn rup se lagn, lagnesh v ashtamesh ko dekh raha hai tatha lagnesh aur ashtamesh shukra tula rashi men 240-23’ ka hai arthat guru ke nakshatra men hai, isilie mudra par ankit chitra ke rup men bapu ka punarjanm hua. pichle kuch samay se bhartiya bajar men bharat ke 500 tatha 1000 rupyon ke jali not bhari sankhya men pae gae hain. ise ham jyotishiya drishti se dekhte hue uparyukt dasha kram par najar dalen to iska karan spasht ho jaega. agar 10 jun 1999 se shukra ki mahadsha chali to antardasha kram nimnavat hoga. 10-6-1999 se 9-10-02 tak shukra/shukra 9-10-02 se 9-10-03 tak shukra/surya 9-10-03 se 9-6-05 tak shukra/chandra 9-6-05 se 9-8-06 tak shukra/ mangal 9-8-06 se 9-8-09 tak shukra/rahu arthat vartaman samay men shukra men rahu ka antar chal raha hota. bapu ki kundli men rahu aur chandra dasham bhav men kark rashi men sthit hain. dashmesh chandra ka rahu ke sath hone se grahan yog banta hai- rahu jyotish men apradhik gatividhiyon ka dyotak hai. chandra not (mudra) ka karak hai, atah is kal khand men jali bhartiya mudra bhari sankhya men bajar ai hai. jali noton ka yah karobar agast 2009 tak yon hi falta-fulta rahega, kintu jaise hi shukra men guru ka antar aega, yah karobar prashasnik sakhti ke karan tham jaega. bapu ki kundli men ek aur yog par vichar karen. chatushrvapihi kendreshu kruraah saumyayda grahaah. kruraiah prithviptin vidyatsaumyailakshmiptirbhavet.. mansagri, a-4, shlok-1 yadi janm kundli men sabhi pap ya sabhi shubh grah kendra sthan (1, 4, 7, 10) men sthit hon, to amar yog banta hai yadi sabhi pap grah hon, to vyakti prithvipti ya raja hota hai aur yadi sabhi shubh grah kendra men hon to lakshmipti yog banta hai. bapu ke janmang men sabhi shubh grah (chandra, budh, guru, shukra) kendra men sthit hain. falasvarup ve amar ho gae aur bhartiya mudra ke abhinn hissa ban gae.