parva- ek bahuarthi ya anekarthi evan bahu-ayami shabd hai. hindi shabd kosh men is parva ke anekarth ya paryayvachi shabd is prakar diye gaye hain- parva - avasar, ansh, khand,punyakal, sandhi sthan, utsav, tyohar, din v kshanik kal, dusri or sanskrit shabdakosh men ‘parva’ shabd ‘parvan’ likha gaya hai.
iske anekarth is prakar hain. parvan = (vi.) (pri+vniya) = jod, sandhi, ganth (paudhe ki), ank, bhag, khand (mahabharat adi ka), path, prastav, ghanta, paksha-sandhi, kshan, pratipadarsh sandhi, chandra ka parivartan, avasar, utsav. hamara bharat varsh parvon ka desh hai. yahan ki pavan bhumi par koi n koi divas parva ke rup men manaya jata hai.
book laxmi puja online
har parva ko manane ke piche koi n koi katha kahani judi rahti hai. dipavli parva par pura desh dipak jala kar prakash utsav manata hai. dipavli ki amavasya ki ghor nisha ko purnima bana dena chahta hai. prachlit kathaon ke anusar bhagvan shriram isi din lanka vijay kar chaidah varshon ke bad ayodhya padhare the.
unke agaman ki khushi men puri ayodhya nagri ko ghi ke dipkon se alankrit kar diya tha. tab se hi yah parva dipavli (dipon ki pankti) ke nam se prakash-parva ke rup men manaya jata hai. isi dipavli ke parva ke din sikkhon ke chathe guru, shri hargovind sinh ji muglon ki kaid se apne adhyatmik prabhav dvara mukt hue the.
isi din guru arju n dev ji ne amritasar shahar ki sthapna ki. isi pavan parva ke din arya samaj ke sansthapak svami dayanand sarasvati ji ka nirvan hua tha. svami ramtirth ji ka janm v parinirvan divas ka bhi yahi din hai. jain dharm ke pravartak shri mahavir svami ka nirvan bhi isi dipavli parva ke din hua tha.
mahabharat kalin yudhishthir ka rajsuya yagya bhi isi din pura hua tha. pauranik paranpranusar dhan ki devi lakshmi ji isi pavn-parva par apne bhakton ko upkrit karne ke lie prithvi lok par vicharan karne niklti hain. isi karan dipavli ka parva vastavik rup men lakshmi-pujan ka parva ban gaya hai.
book shani shanti puja for diwali
magar is parva ko manane ke piche vishesh vaigyanik evan jyotishiya karan hain jo ki hamare rishiyon dvara pradatt hain. dipavli ka parva kartik mas ki amavasya ko manaya jata hai. vaidik paranpra men jyoti ki upasna ka vishesh mahattva raha hai.
tabhi kaha gaya hai- ‘tamso ma jyotirgamaya’’. tula rashi nyay v vyapar ki pratik mani jati hai. is rashi men jab atmakarak surya v man ka karak chandra ek hi anshon par hote hain tab maha andhkar hota hai, jise mahanisha ya kartik amavasya kahte hain.
yahi dipavli parva ka din hai. jab is vishisht sthiti men surya-chandra ikatthe hane to sthir lagn men shrivriddhi ke lie lakshmi pujan karne ko kaha gaya hai. dipavli ke parva ko kamla janmotsav bhi kahte hain kyonki mahalakshmi ka nam ‘kamla’ bhi hai aur samudra-manthan ke samay unka janm isi din hua tha.
rakshasi shaktiyon par daiv-shaktiyon ki vijay ke pratik ke rup men bhi is parva ko manate hain. yah mahan siddhidatri ratri kahlati hai. in dinon man sahaj rup men bahut shant ho jata hai.
upasna ya sadhna men ise sahaj rup men lagaya jata hai. yah ratri, har prakar ki sat, raj aur tamsik siddhi ki hai. siddhiyan hamen har prakar se sanpann banati hain. atah dipavli ke is mahaparva ka ham sadupyog karen...
jivan men jarurat hai jyotishiya margadarshan ki? abhi bat karen fyuchar point jyotishiyon se!