tairo riding men tairo dek ke suts auf kaps ke kard ‘for auf kapsa’ ka tairo riding men ukt kard ka pragatan hota hai uska ripresentetiv vyakti us samay kuch nirash tatha avsad grast hota hai. vah kinhin karnon se andar se ashant v asthir hai kuch chintaon ne usko ghera hua hai. atah uske man sthir nahin rah pa raha hai. sanbandhit vyakti ke liye yah paramarsh hai ki vah shantchitt se apne lakshya par dhyan kendrit karen aur sochen ki mujhe apne lakshya tak pahunchne ke liye kya aur kis tarah ke prayas karne chahiye. ukt kard ka tairo riding men pragat hone ka arth yah bhi hai ki samay unnati ke liye anukul hai mahatvakanksha puri hone ke liye uchit avasar hai. uchit avasar par sarthak prayas karne par saflta avashya milne ki purn sanbhavna hai. lekin vichar shakti tatha tark shakti v atmavishvas prabal hone ki avashyakta hai.
udaharan 1
ek vyakti jo nirash v pareshan tha kyonki usko vyapar men bahut nuksan jhelna para. vah navyuvak bahut adhik shikshit-prashikshit nahin tha. bahut achchi naukri milne ki bhi ummid nahin thi. mata-pita ke pas bhi jyada punji nahin thi. unka uttaradayitva bhi usi par tha. atah andar hi andar avsad v chinta grasit tha. vah apne liye tairo riding karvane aya aur tairo riding karvane par uske liye jis kard ka pragatan hua vah tha ‘for auf kapsa’. atah usko tairo ridar ne bataya ki ab apki unnati ke avasar apko milne ka samay a raha hai. ap apni chintagrast mansikta se bahar akar age barhne ke raste khojen aur age barhen. apko saflta avashya milne ki sanbhavnaen hain. apko apne lakshya par dhyan kindrit karna hoga tabhi saflta milegi. unnati aur apki mahatvakanksha ki purti ke liye samay anukul hai.
udaharan 2
ek navyuvti jo chintit rahti thi andar hi andar avsad grasit thi. svasthya din-pratidin girta ja raha tha. apne bhavishya ke prati anishchitta se pareshan rahti thi. bat karne par pata chala ki pati ka ghar chor kar vah mata-pita ke sath rah rahi thi. pati se matbhed ke karan hi aisa hua tha. usko bhi paramarsh diya gaya ki tum kisi yogya tairo ridar se apne liye tairo riding karva lo. atah usne paramarsh manakar apne liye tairo riding karvane ka vichar kiya aur tairo ridar ke pas tairo riding karvane gayi. riding men uske liye jo kard pragat hua vah tha ‘for auf kapsa’. atah tairo ridar dvara use kaha gaya ki ab tumhara marg prashast hane vala hai apne andar ke avsad v chinta se bahar ao. koi n koi rah aisi niklegi jinse tumhari chinta samapt ho jayegi. tumhare matbhed bhi samapt ho jayenge tatha shighra hi tum pati ke ghar vapas chali jaogi. tum shantchitt se socho. jismen tumhari bhalai ho usi rah par age barho. samjhauta karna hi tumhara lakshya hona chahie. jid choro uchit avasar apko milne ka samay ane vala hai, usko chorna nahin hai. apki jindgi asan ho jaegi aur aisa hi hua. aj vah apne pati ke ghar men khushhal jindgi ji rahi hai.
atah tairo riding karvane se use pata chala ki uske liye kya karna uchit hai. uchit margadarshan se vyakti apna lakshya prapt kar sakta hai.