prem hi jivan hai niahsvarth prem vyakti ke jivan ko sahi disha deta hai, uske vyaktitva ko nikharta hai. kahte hain, prem bina jag suna. bhakt shiromni hanuman ka prabhu shriram ke prati prem iska udaharan hai. hanuman ka yah prasang manav matra ke lie prernadayi hai. devi urmila se jane ki agya pakar hanuman jab bhavan se bahar nikle aur upar ki or ure. ek kshan men ve pavan dev ke 49 ven svarup men pahunch gaye. vahan pahle sthapit kie hue sanjivni parvat ko fir unhonne hath men dharan kiya aur age barhe. ayodhya nagri ka darshan karne ki drishti se ve bahut niche ur rahe the. prematirek ke karan unki gati bhi anchahe hi bahut mand ho gayi thi. hanuman ji itne niche ho gaye ki kaushal rajya ke vishisht vaigyanikon dvara ayodhya men sthapit nabh chayagrahi-yantra ke patal par parvat sahit unki chaya spasht jhalkne lagi. yah dekhakar karmacharigan tatha shatrughn ji bhaunchak rah gae aur iski suchna jakar bharat ji ko di. bharat ji un sabki bat sun apni kuti men gae tatha prabhu svarup padukaon ko pranam kar apna dhanush uthaya aur apne prabhu ko punah pranam kar bahar nikle. udhar bharat ji ka kuti ke bhitar jana hanuman ji ko achcha nahin laga tha. ve unhen kuch aur samay tak snehpurvak dekhna chahte the. kintu jab bharat ji kuti ke bahar aye, tab paristhiti ekadam bhinn ho gayi. hanuman ji ne dekha ki bharat ji dhanush par ban rakhakar unhin ki or lakshya sadh rahe hain. unki samajh men karan to kuch nahin aya, kintu unhonne nishchay kiya ki main shri bharat ji ke lakshya ko vyarth siddh nahin karunga aur unke prahar ko saharsh sahan karunga. unhonne vichar kiya ki chahanu to bharat ji ke ban ko tinke ki tarah torakar fenk sakta hun, kintu jab brahma ji ka man rakhne ke lie meghnad dvara chore brahmaban ko mainne nahin tora, tab ye to mere prabhu shriram ke laghu bhrata hain. main inke ban se niche girunga aur achet hone ke natak bhi karunga. jaisi prabhu ki ichcha. kintu is lila men sanjivni parvat ko uljhana thik nahin. atah unhonne tanik sa bal lagakar parvat ko upar uchal diya, jo sankalp matra se pavan dev ke 49ven svarup men jakar sthit ho gaya. idhar hanuman ji ne parvat ko upar uchala aur udhar bharat ji ka ban sansnata hua inki or chala. pas ane par hanuman ji ne ban ko donon hatheliyon ke bich men lekar mastak se laga liya. is prakar unhonne bharat ji ko bhakti-sahit sanketik pranam kiya. fir unhen smaran hua ki abhi to bahut si lila karni hai. tatkal unhonne ban ko apni dayin jangha ke bhitar thora pravesh kara diya aur nakh se khurach kar do-char bund rakt bhi nikal liya. itna karke ve kuti ke pas dharam se gir pare aur achet ho gaye. bahut prayatn karne par jab vanar ki muchrcha dur nahin hui, tab bharat ji ko bari glani hui. ve sochne lage ki log mujhe shriram ka bhakt samjhte hain aur kadachit mere man men bhi kuch aisa hi bhav hai, kintu koi ram-bhakt kisi bhi prani ko tanik bhi pira pahanuchane ki kalpana bhi nahin karega, ek ram-bhakt ko ban marna to bahut dur ki bat hai. thik hai, aj main apni ram-bhakt ko danv par laga dunga. fir ve sabko sunate hue bole, ‘‘yadi man-vachn-karm se shriram ke prati mera nishkapat prem hai aur yadi shriram mere anukul hain, to is vanar ki pira aur muchrcha dur ho jaye.’’1 gosvami tulsidas ji ne bharat ji ke is bhav ko chaipai chand men is prakar vyakt kiya hai- (ra.ch.ma. lankakanda) ab hanuman ji ne vichar kiya ki mere prabhu ki kripa tatha unke param bhakt bharat ji ki ram-bhakti ki pratishtha jab danv par lag gayi, tab mujhe yah natak samapt kar dena chahie. atah ‘jay shriram’ kahakar unhonne netra khol diye aur uthakar baith gaye. tab ve charon tatha bharat ji vishesh anandit hue. unhonne hath jorakar hanuman ji se kaha, ‘’kapivr! main apka apradhi hun. mainne ban marakar apko niche gira liya. iske lie ap jo bhi dand denge, vah mujhe svikar hoga.‘’ hanuman ji bharat ji ke jure hue hathon ko alag karte hue bole, ‘‘aisa n kahen prabho! ap mere apradhi nahin, mere svami hain. main prabhu shriram ka ek tuchch das hun aur ap unke param priya laghu bhrata hain. isilie ap bhi mere svami hain. avashyak hone par yadi svami apne sevak ko kinchit tarna den, to vah apradh nahin kahlata.’’ aisa kahakar ve bharat ji ke charnon ki or jhuke. kintu bharat ji ne bich men hi balat unka hath pakarakar unhen bahu-pash men abaddhakar liya. hanuman ji ne bhi alag hone ka prayas nahin kiya, kyonki unhen vahi anand mil raha tha, jo anand unhen ek samay shriram ke alingan men baddh hokar mila tha. kuch kshan bitne par bharat ji ne adar purvak hanuman ji se kaha ‘‘ap apna purn parichay dene ki kripa karen aur yah bhi bataen ki prabhu shriram se apki bhent kab, kaise aur kahan hui?’’ hanuman ji ne kishkindha se lekar lanka tak ke sare prasang ‘sankshep men, suna diye. bharat ji to sab kuch bhul gaye aur rone lage. mahamantri adi bhi dukh se vihal ho uthe. tabhi ayodhya ki or se ek rath ata dikhai para. shatrughn kuch achanbhit hokar us or chale. idhar bharat ji rote-rote duahkh aur glani ke karan vilap karne lage, ‘‘hay, main kitna bara papi hun ki vahan kaushal rajya ki rajrani ka apaharan ho gaya, prabhu shriram lanka par akraman karna para, mera pyara bhai lakshman ran bhumi men achet para hai aur use jivit karne ke lie sanjivni le jane vale ko mainne ban mar kar niche gira liya. kuch sahayta to kar nahin saka, ulte badhak ban gaya. bhaiya ke vanvas ka mul karan main hi hun. n ve van jate, n yah mahan sankat un par parta. main unke kisi kam nahin aya. fir main sansar men paida hi kyon hua?’’1 hanuman ji ne atyant prem se bharat ji ko dhairya bandhate hue nivedan kiya, ‘‘prabho! ap adhir n hon aur glani ka bhav sarvatha tyag den. ap nishchit rup se samajh len ki prabhu shriram ko apse adhik priya koi bhi nahin hai. prayah apka smaran karte-karte unke netra sajal ho jate hain. rahi sankat ki bat, so ap svayan jante hain ki ve sansar ka sankt? main to samjhta hun ki yah sab kuch unak lila hai.’’ gosvami tulsidas ji ke anusar- ahah daiv main kat jag jaeun. prabhu ke ekhu kaj n ayaun.. (ra.ch.ma. lankakanda) hanuman ji ki baton se bharat ji ka man kuch halka hua. ab unka dhyan apne kartavya ki or gaya. unhonne senapti ki or dekhakar adesh diya, ‘‘ap hamari chaturangini sena ko ati shighra susajjit kijie.’’ fir unhonne sumantraji se kaha, ‘‘manya mahamantri ji! ap hamare sabhi mitra rajaon ke pas drutgami duton ko bhej kar hamara sandesh kahlaen ki sabhi apni sena ke sath shighra se shighra ayodhya a jaen. unke ate hi ham lanka ki or prasthan kar denge. us abhimani-dusht ravan ko ham bata denge ki kaushlendra shriram akele nahin hain, unke piche triloki ko bhi jit sakne vali ek ajey shakti hai.’’ hanuman ji ne vinit bhav se kaha, ‘‘ap ka kahna nitant satya hai. mujhe to purn vishvas hai ki ap akele hi us adham rakshas ka vadh kar sakte hain. fir bhi sasainya apko vahan jane ki koi avashyakta nahin hai. iske anek karan hain. pahla yah ki yadi ap apni sari sena aur sabhi mitra rajaon ke sath lanka chale gaye aur bad men kisi shatru raja ne ayodhya par akraman kar diya, tab praja ki raksha kaun karega? prabhu shriram ne apne rajya ka prabandh-bharat apko saunpa hai. unka rajya nashta-bhrasht hua, to ap unhen kya uÿar denge? ap sach manie, vahan prabhu ke sevkon men kuch aise vanr-bhalu hain, jo ek thokar se puri lanka ko ukharakar dur fenk sakte hain, kintu prabhu ki agya pae bina aisa nahin kar rahe hain. ‘‘dusra karan yah ki apke vahan jane ka arth hoga ki param tejasvi shriram ki apar shakti ka apko gyan nahin hai aur yadi gyan hai, to vishvas nahin hai, tabhi to sahayta ke lie ja rahe hain. ‘‘tisra karan, nissandeh prabhu shriram ravan ko marakar param pujniya, raghukul ki rajalakshmi, jagajjanani sitaji ko prapt karenge. tinon lokon men shriram ki kirti-pataka fahregi. dev, muni aur nar-nari unke yash ka gan karenge. sena sahit apke vahan jane se kuch log kah sakte hain ki yadi bharat ji sahayta ke lie jate, to ram ki vijay n hoti. tab apki kirti failegi. ab ap bataie ki ap prabhu shriram kirti chahte hain ya apni?’’ yah sunte hi bharat ji ekadam vyakul ho gaye aur rote hue bole, ‘‘nahin-nahin, aisa n kahie hanuman ji. mujhe kirti nahin chahie, svapn men bhi nahin. bhaiya ram ki atulit shakti ka mujhe pura gyan hai aur vishvas bhi hai. apki sab baten yatharth hai. mera vichar thik nahin tha. main nahin jaunga. kintu apko meri ek bat manni hogi. ‘‘hanuman ji ne pucha, ‘‘kaunsi?’’ bharat ji ne kaha, ‘‘apne sanjivni parvat jahan sthapit kiya hai, vahan se use le aie. fir parvat-sahit mere ban par ap baith jaie. main kshan matra men apko shriram ke pas pahuncha dunga’’1 hanuman ji bole, ‘‘main achchi tarah janta hun ki ap aisa kar sakte hain, kintu iski avashyakta nahin hai. ap vishvas kijie, shriram ki kripa aur apke ashirvad se main apke ban ki gati se hi lanka pahanuch jaunga. main pavan putra hun. meri gati ko avruddh karne ki shakti kisi men nahin hai.’’ bharat ji ne kuch sankuchi hokar kaha, ‘‘ram-bhakta-shiromni! apki bat se main niruÿar ho jata hun. ap shakti aur gyan ke punj hain. apke tark akatya hote hain. gosvami tulsidas ji ke anusar- chadhu mam sayak sel sameta. pathvaun tohi han kripaniketa.. (ra.ch.ma. lankakanda) hanuman ji ne hath jorakar kaha, ‘‘aisa n kahen bhagavan! main to ek dal se dusri dal par chalang lagane vala shakha mrig hun. mujhmen jo bhi gun hain, sab dayalu hain prabhu shriram ji dvara pradÿa hain.’’ anya grahon ke sath apne gurudev surya narayan ko dekhakar hanuman ji sthir ho gaye aur unhen pranam kiya. surya dev muskarate hue bole, ‘‘aj ham apka pranam svikar nahin karenge, kyonki ham sab apka pujn-abhinandan karne ke uddeshya se yahan ae hain.’’ ‘‘aisa n karen bhagvn! main apka shishya hun. ap mere shiksha-guru hain.’’ guru to vashishth ji bhi shriram ke hain, kintu ekant men ve shriram ki charn-vandna karke unki bhakti ka vardan mangte hain aur bahar sabke dekhte hue shriram ke pranam karne par unhen ashirvad dete hain. yahan ekant hi hai. ye sab grah mere ang-tulya hain, paraye nahin hain.’’ sarvavidit mul 1 grah tatha atirikt 3 grah (harshal, nepchyun aur pluto) milakar kul 12 grah hote hain. ‘‘apka kahna yatharth hai guruvar, kintu is samay to main atyant avashyak karya se lanka ja raha hun. samay bit gaya, to vahan mahan anarth ho jaega.’’ is par indra dev bol pare, ‘‘he marut! ap apne mul svarup ko chipakar hamen bahlane ka prayatn kar rahe hain, kintu ham jante hain ki ap rudravtar hone kalatit hain, mahakal hain. bechare kal (samy) men itni samathrya kahan, jo bitakar mahakal ke karya men badha bahuncha sake.’’ mangal grah ne bhi kahne ka sahas kiya, ‘‘shiv ke sagun rup pavan nandn! lanka ki duri bhi apke lie kya? ap virat rup hain. vedon men varnit virat purush ap hi hain. ap chahen to apna ek pag yahan rakhte hue dusra pag lanka men rakh sakte hain. smaran kijie, apne do pag men tinon lok nap liye the. bechare bali daitya ko apka tisra pag apne mastak par rakhna para tha fir lanka jaldi pahanuchne ki bat ek bahana hi hai.’’1 chandra dev age bole, ‘‘he vayunandn! ap to raghunandan bhagvan shriram ke param bhakt tatha sada unke sannikat rahne vale hain, atah unki sabhi baton se parichit hai. unke janm ke samay ki adbhut ghatna ka smaran kijie. shriram janm ke samay ki adbhut ghatna ka smaran kijie. shriram-janm ka samachar nagar men failte hi ayodhya ki sari praja umang se jhum uthi. keval rajaprasad men hi nahin, varan ghar-ghar men utsav manae jane lage. jan- samuh rupi sagar men anand ki tarangen hiloren marne lagi. madhya divas ki pavan bela thi. bhagvan bhaskar ne apna adha marg hi pura kiya tha ki avdhvasiyon ka utsah tatha anand dekhakar ve thakit ho gaye, unse age barha hi nahin gaya. ghari-do-ghari nahin, pura ek mahina bit gaya aur suryadev apne rath par baithe hue mantra mugdh ki bhanti shriram-janmotsav dekhte rahe. ek mas ka samay bitne par unhen chet hua aur age barhe. ayodhya ki janta bhi is rahasya ko nahin jan saki ki ek din ek mas ke barabar ho gaya. vahi suryadev apse kuch samay rukne ki prarthana kar rahe hain aur ap samay ke abhav ki bat kar rahe hain.’’1 budh grah ki bhi kuch bolne ki ichcha hui. unhonne kaha, ‘‘mahabhag hanuman ji! apne ham sab par jo upkar kiya hai, uske lie ham sabhi apke rini rahenge.’’ hanuman ji ne sahaj bhav se pucha, ‘‘mainne kaunsa upkar kiya hai ap par? iska uÿar diya shukra grah ne, ‘‘upkar karke bhul jana mahapurush ka lakshan hai. shiv aur vishnu abhinn hain. shri shivji ka kathn- arthat mere hriday men vishnu hain aur vishnu ke hriday men main hun. jo in donon men antar nahin samjhta, vahi mujhe vishesh priya hai. (shiv puran, rudra sanhita, srishti khand, adhyay 8, shlok 56) gosvami tulsidas ji ne is ghatna ka varnan is prakar kiya hai- arthat tis dinon ka ek din ho gaya, kintu is rahasya ko koi jan nahin saka. rath samet surya narayan sthir ho gaye, tab unke rahte ratri kaise ho sakti hai. kintu jis par upkar kiya gaya ho, vah bhul jae, to use kritaghn kaha jata hai. ham kritaghn nahin, kritagya hona chahte hain. adharmi, ahankari aur krur ravan ne apne tantrik bal se ham sabko bandi bana liya tha. uski agya ke bina ham hildul bhi nahin sakte the. use tantra-shastra ke apne gyan par bara garva tha. us garva ko apne apne tantrik prayog se churn kar diya. shabri bhilni ke beron ki guthliyon se utpann vriksha ki 84$33=117 paÿiayon ko torakar apne parvat ki sanjivniyon ka sinchan kiya. bas, isi tantrik prayog se ravan ka tantra bandhan kat gaya aur ham sab us dusht ke changul se mukt ho gaye. kya apka yah upkar krur hai?’’ vrihaspati grah bole, ‘‘apka pujn-vandan karke ham apni kritagyata prakat karna chahte hain.’’ hanuman ji kis-kis ko uÿar dete. vinamrata se unhonne mastak jhuka liya. suryadev samajh gaye ki hanuman ji ne apna pujan karana svikar kar liya hai. fir kya tha, sankalp karte hi pujan ki divya samagriyon se bhara thal unke hath men a gaya. sabhi ne milakar rudravtar virat purush ki vidhivat puja ki, unke upar divya-sungdhit pushpon ki varsha ki, unhen sadar pranam kiya aur shraddha-sahit unki parikrama ki. pujan ke bad grah shani dev ne ek ghoshna ki, ‘‘he anjney! hamari kritagyata ka dusra rup yah hai ki jis vyakti ke prati kisi ek grah athva anek grahon ki pratikulta ho aur yadi vah vyakti apke madhyam se hamara pujan karega, to sari pratikulta purn anukulta men badal jaegi. ham yah vachan dete hain aur sadaiv iska palan karenge.‘‘ anya grahon ne bhi is ghoshna ko saharsh svikar kiya. ant men surya dev ne kaha, ‘‘he sarva samarth pavan putra! ab main apko vah vidya pradan karunga, jiske dvara kisi bhi vastu ko sona banaya ja sakta hai. main janta hun ki apko svarn ki koi avashyakta nahin hai. a to svayan ‘svarn shailabh dehan’ hain. kintu isse apke artharthi bhakt labhanvit honge. meri kirnon men pratyek vastu ko svarn bana dene ki kshamata hai, kintu iske lie yah gyan athva vidhi janna avashyak hai ki kis vastu men kis kon se meri kirnen parne par vah vastu svarn men parivartit ho jati hai. vah vidhi main apko arpit kar raha hun. apka jo bhi bhakt apni upasna se apko prasann kar lega, vah bhi is vidhi ko jan jaega.’’ tab sabse adar purvak vida mangakar hanuman ji lanka ki or ur chale.