vishnu puran men bhagvan vishvakarma ko shilpavtar, shilpagranthon men srishtikarta aur skandpuran men devaytnon ka srishta kaha gaya hai. jis srishti ko brahma ne racha usko vyavasthit karne ka shrey bhagvan vishvakarma ko hai. aj ke pariprekshya men kahen to vah sabhi prakar ke injiniyaron, vaigyanikon aur vastushastriyon ka ekrup hai. jis vigyan ke chamatkaron se ham achanbhit rah jate hain, uske janak vishvakarma hi hain.
dharm shastron men kaha gaya hai ki pushpak viman ko banane vale bhi vishvakarma hi hain. vishvakarma ki mahta isi bat se pata chalti hai ki tridevon ko apne kai karya karane ke liye inki madad leni pari thi. chahe bhagvan vishnu ka sudarshan chakra ho ya fir bholenath ka trishul yamraj ka kaldand ho inki rachna unke hathon hi hui.
yahan tak ki karn ke kavch-kundal, ravan ka pushpak viman ya indraprasth ka rangamahal, vishvakarma ne hi taiyar kiya. puranon men bhagvan vishvakarma ko srishtikatrta parmpita bhi kaha gaya hai. yadi vishnu ne ann diya to use utpann karne ke liye jaruri aujar vishvakarma ne hi banaye. bholenath ke pas papiyon ka sanhar karne ki shakti hai, to am logon ko atmaraksha ke liye hathiyar vishvakarma ne hi diye.
kahna galat nahin hoga ki bina vishvakarma ke is srishti ki rachna adhuri rah jati. aj bhi vishva ka sabse pahla takniki granth vishvakarmiya ganrath ko hi mana jata hai. 17 sitanbar ko bhagvan vishvakarma ki jayanti manai jati hai. is din sabhi kal-karkhanon men unki puja aujaon ke janak ke rup men ki jati hai.