avtaron men shriram evan shrikrishn ka nam pure hindu samaj men bari shraddha, bhakti evan astha ke sath liya jata hai. yadyapi ye donon bhagvan ke avtar mane jate hain, kintu in donon ke svabhav evan charitra men ek dusre se nitant bhinnata dikhlai deti hai inmen se shriram ‘maryadapurushottama’ hain, to shrikrishn ‘lila purushottama’ hain.
shriram ko kisi ne kabhi bhi hanste nahin dekha to shrikrishn ko kisi ne kabhi rote nahin dekha. inmen se ek ne ajanm ek hi dhir evan ganbhir rup dharan kiya, to dusre ne kshana-kshan men nai bhumikaen dharan kar nit nai lilaen dikhain. ek ne jivan bhar manviya rup hi banae rakha, to dusre ne kabhi yashoda ko aur kabhi arjun ko apna virat rup dikhlaya. vastutah shrikrishn ka avtar shodash kala paripurn hai.
atah unke svarup evan charitra men bhi samagrata hai. krishnastu bhagvan svayam shra i kri sh n a k e ch ir tra m e n ‘‘kartumakartumanyathakartu’’ ka samatshrya hi nahin, apitu unmen bhagavattatva dikhlai deta hai. tatparya yah ki ve gokul ki galiyon men gvalbalon ke sath hamari tarah khelte kudte hain - yah unka ‘kartum’’ samathrya hai. ve putna ka stanapan karte hue uska pranant kar dete hain ya ukhal se bandhne par use khinchakar arjun ke vrikshon ko gira dete hain, jaisa ki ham nahin kar sakte - yah unka ‘‘akartum ‘‘samathrya hai. aur ve hath ki kanishthika ungli par giri raj parvat ko dharan kar lete hain ya kaliya nag ke sahasra fanon par nachte hain athva maharas ke samay pratyek gopi ke sath apna rup banakar raslila rachte hain, jaisa ki ham soch bhi nahin sakte, vaisa karna - yah unka ‘anyatha kartum’’ samathrya hai.
vastutah bhagvan shrikrishn ki alaukik shaktiyon aur unki adbhut lilaon ka avirbhav unke janm se hi ho gaya tha. parhne-likhne ya shastrastron ki vidya ke abhyas ke lie maharshi sandipni ke ashram jane se pahle unhonne gokul men putna, shaktasur evan trinavart ka vadh kiya. braj men lilaen karte hue vatsasur vrakasur, aghasur evan dhenkasur ko dhul chatai. mathura men keshi, kuvlyapir, chanur, shal- tushal evan kans ka vadh kiya.
unka yamlarjun ka uddhar karna, kalinag ko nathna, ungli par govardhan parvat ko uthana aur maharas men pratyek gopi ke sath ras karna adi sabhi lilaen adbhut evan alaukik shakti ki dyotak hain. shrikrishn ki bal lilaon men hi bhagavattatva ke chah gun - aishvarya, dharm, yash, shobha, gyan evan vairagya - bar-bar aur lagatar dikhlai parte hain. atah shri krishn ko bhagvan mana jata hai.
samkalin logon ki drishti men shrikrishn bhagvan shri krishn ki yah sabse bari visheshta hai ki unke samkalin bare se bare gyani, tapasvi, manasvi, dharmatma, maharshi, shur-vir evan pratapi yoddha bhi unke prati shraddha evan bhakti rakhte the aur unki alaukik evan adbhut shakti ke kayal the.
vyas jaise maharshi, yudhishthir jaise dharmatma, bhishm pitamah jaise shur-vir evan pra tapi, vidur jaise nitigya, arjun evan bhim jaise yoddha, sahdev jaise gyani, sandipni jaise rishi, draupdi evan kunti jaisi kulangnaen adi ishvar buddhi se unke charnon men natamastak hokar svayan ko dhanya mante the.
yudhishthir ke rajsuya yagya ke samay jab yah prashn upasthit hua ki sabse pahle kiska pujan kiya jae tab yudhishthir ne gyavvriddh, parakramvriddh v vayovriddh manakar bhishm pitamah se iska nirnay karne ka nivedan kiya.
bhishm ne bhali bhanti soch samajhakar kaha - ‘‘ki jo sab rajaon ke tej, bal evan parakram ka abhibhav karte hue nakshatron men surya ke saman virajman hain, vahi bhagvan shri krishn sarvapratham pujniya hai. shrikrishn ke jivan ki vibhinn ghatnaon se yahi siddh hota hai ki unke samkalin chote aur bare sabhi log unki alaukik shaktiya ne s e prabhavit hake r unhen ishvar ya bhagvan manne lage the.
shrikrishn ke prati bahujan ki isi astha ke karan bad men unke bhakton ki sankhya ka vistar hua hai, jo aj tak chala a raha hai. hinduon ke devtaon aur avtaron men shrikrishn akele aise hain, jinhonne apne svabhav evan svarup ko svayan batlaya hai.
kurukshetra ke maidan men arjun ko karmayog ka updesh dete samay apne virat rup ka darshan karate hue shrikrishn apne bare men kahte hain- ‘he arjun ! samast srishti ka adi karan main hi hun. sansar men aisi koi vastu nahin, jo mujhse rahit ho. jagat men vaibhav, tej evan lakshmi ko meri vibhuti ka ansh samjho. athva bahut adhik janne se kya matalab, tum sankshep men keval itna samajh lo ki is samast brahmand ko mere ek ansh ne gher rakha hai.’’
yatha- ‘‘yachchapi sarvabhutanan bijan tadahamarjun.
n tadasti vina yatsyanmaya bhutan characharam..
yadyadvibhutimatsattvan shrimadarjitmev na.
tattadevanagachch tvan mam tejon'shasambhavam.. -gita
shri krishnah sharanam svabhav se shrikrishn dindyalu evan bhakt vatsal hain. apne isi sva. bhav ke bare men batlate hue shrikrishn gita men arjun se kahte hain- ‘‘he arjun, tum sabhi dharmon ko chorakar meri sharan men a jao. main tumhen sabhi papon se mukt kar dunga, tum dukhi mat hoo.’’ yatha
‘‘sarvadharman parityajya mamekan sharnan vraj.
ahan tvan sarvapapebhyo mokshayishyami ma shuch..
shrikrishn ke isi svabhav se prabhavit hokar shrimadvallabhacharya mahaprabhu ne yah siddhant pratipadit kiya.
‘‘sarvasadhan hinasya paradhinasya sarvatah.
papyinasya dinasya shrikrishnah sharnan mam..
janmashtami evan dvadshakshar mantra kaurvon ki sabha men draupdi ki laj bachane vale aur sudama ke chaval khakar use tinon lokon ka vaibhav dene vale karunavruna lay, anandkand bhagvan shrikrishn ka janm bhadrapad krishn ashtami ko rohin ai nakshatra men madhya ratri ki vela men chandroday ke samay mathura men kans ke karagar men hua tha.
yah din janmashtami ke nam se vikhyat hai. is din vrat rakhakar din men dva adshakshar mantra ka 12 hajar jap karne aur ratri men bhagvan ke janmotsav ke bad unka panchamrit evan prasad lekar paran karne vale bhakt ko n keval bhakti evan mukti milti hai apitu uski samast manokamnaen paru i ha e jati hain.
bhagvan shrikrishn ka mulmantra, jise dvadshakshar mantra kahte hain, is prakar hain
‘‘¬ namo bhagvte vasudevay.’’
viniyog: asya shridvadshakshar shrikrishnamantrasya narad rishi gayatrichandah shrikrishnodevta, ¬ bijan namah shakti, sarvarthasiddhaye jape viniyogah dhyan: ‘‘chintashm yukt nijdoah parirabdh kantamalingitan sajljen karen patnya. rishyadi nyas panchang nyas narday rishbhe namah shirsi.
¬ hridyay namah.
gayatrichandase namah, mukhe .
namo shirse svaha.
shri krishn devtayai namah,
hridi bhagvte shikhayai vashat.
bijay namah guhye.
vasudevay kavchay hum.
namah shaktaye namah, padyoah.
¬ namo bhagvte vasudevay astray fat..
if you are facing any type of problems in your life you can consult with astrologer in delhi