rudraksh ka shiv se sanbandh rudraksh bhagvan shiv pradatt prakriti ka anupam uphar hai. rudraksh shabd ki nishpatti sanskrit ke do shabdon se hui hai- rudra aur aksh. ‘‘aksha’’ ka tatparya ashutosh bhagvan shiv ki us kalyankari drishti se hai jo dharan karne vale ka path nirbadh evan nishkantak banati hai. rudraksh = rudra $ aksh arthat shiv ki ankh. shivpuran ke anusar rudraksh ka sanbandh bhagvan shiv ke ashruknon se hai. manyata hai ki sati viyog ke samay jab shiv ka hriday dravit hua, to unke netron se ansu nikal ae jo anek sthanon par gire aur inhin se rudraksh vriksh ki utpatti hui. padm puran men kaha gaya hai ki satyug men tripur namak daitya brahmaji ke vardan se prabal hokar sanpurn lokon ke vinash ka kuchakra kar raha tha. tab devtaonke anuny-vinay karne par bhagvan shiv ne apni divya drishti se dekhte hue use vikral ban se mar giraya. is karya men atyant shram ke karan bhagvan shiv ke sharir se pasine ki jo banuden prithvi par parin unse rudraksh vriksh prakat ho gae. shrimad devi bhagavat ke anusar tripur rakshas ko marne ke lie bhagvan ki ankhen sahasra varshon tak khuli rahin aur thakan ke karan unse ansu bah nikle, jinse rudraksh vriksh ka janm hua. rudraksh ki utpatti ke sanbandh men kathaen chahe kitni bhi hon, parantu vibhinn pauranik evan dharmik granth aur shastra nirvivad rup se is tathya ki pushti karte hain ki rudraksh ke janmadata bhagvan shiv hain. isi karan sanatan dharm men rudraksh ko bhagvan shiv ka svarup kaha gaya hai aur ise atyant pavitra evan sarvamangalamay, papmuktidayak, dukhnashak v arishtanashak ke atirikt lakshmidayak evan siddhidayak, dirghayu v akshayapunya pradata tatha mokshadata mana gaya hai.
Kya aapko lekh pasand aaya?
Subscribe