lagnasth grahon kon darshati hath ki rekhaen  

lagnasth grahon ko darshati hath ki rekhaen bharti anand suryah jis vyakti ke lagn men surya ho, uska sharir lanba, uncha, sundar v sugthit hota hai. uski haddiyan tatha jor majbut hote hain. uski ankhane divya, akarshak aur robdar hoti hain. uska matha uncha, prashast, age se ubhra aur piche ki or daba hota hai. sir ke bal mulayam aur halke bhure hote hain. bhaunhon ka rang bhi halka hota hai parantu men ve dikhne men sundar hoti hain. surya rekha lanbi ho v shukra parvat tak jati ho, surya parvat budh ki or jhuka ho athva budh parvat par surya ka koi chihn ho to vyakti ke lagn men surya hota hai. surya ke lagn men hone par jatak ko gussa bahut ata hai. usmen sardi-garmi bardasht karne ki kshamata kam hoti hai. sanyam ki kami ke karan vah uchch raktachap se grast hota hai. lagnasth surya ke doshon ko dur karne ke lie surya ko nitya jal ka aghrya dena v surya mantra ka jap karna chahie. sath hi ann v pile vastra dan karne chahie. chandrah lagn men chandra ho to jatak ka rang gora, ankhen sundar aur dant shvet tatha panktibandh hote hain. uska chehra akarshak hota hai. vah kisi ko bhi prabhavit karne men saksham hota hai. use videsh se labh hota hai. kisi rekha ka chandra kshetra se surya ki ungli ki taraf jana chandra ke lagn men hone ka suchak hai. chandra lagnesh ho to jatak bhavuk hota hai aur usmen utavlapan hota hai. vah jaldabaji men koi aisa kam kar baithta hai jisse use tanav, nimn raktachap, sanbandhi janon se sanbandh vichched v hani ka bhay bana rahta hai. chandra ke doshon ko dur karne ke lie moti, dudh adi shvet vastuon ka dan aur chandra mantra ka jap karna chahie. manglah mangal lagn men ho to jatak ka chehra gol v lalima liye hota hai. shaktishali v buland hausle vala hota hai. vah burhape men bhi sakriya evan utsah se bhara hota hai. mangal lagnasth ho to chehre par muhanse ya kabhi-kabhi pakke dag bhi nikal ate hain. jatak atyadhik krodh ai hota hai aur uske andar tanashahi ki pravritti hoti hai jisse vah kai bar vittiya v samajik labh se vanchit ho jata hai. lagnasth mangal ke doshon se mukti ke lie nitya hanuman chalisa ka path karna aur hanuman ji ko chola charhana chahie. budhah jiske lagn men budh ho vah gyan aur pratibha ka dhani hota hai. uska chehra gol hota hai aur chehre par muskan hamesha khili rahti hai. uske bal ghane, kale aur mulayam hote hain. bhaunhen kali aur akarshak tatha ankhen kali, sundar v muskan bhari hoti hain. yadi koi rekha budh parvat se surya parvat par jati ho to lagn men budh aditya yog hone ka abhas dilati hai. budh grah ubhar lie ho aur budh parvat par 1 ya 3 rekhaen sidhi v spasht hon to lagnasth budh ati uttam hota hai. kintu budh lagn men ho to vyakti batuni hota hai. vah choti-choti baton par jhuth bhi bolta hai jisse samaj men uski pratishtha aur vishvasniyata kam ho jati hai. faltah uski saflta ke marg men badha utpann hoti hai. vah mahatvapurn karyon ke prati bhi laprvahi bartta hai jisse use nuksan uthana parta hai. lagn sthit budh ke doshon se bachav ke lie budh ke mantra ka jap aur pratyek budhvar ko palak v hari sabji ka dan karna chahie. guruah jis vyakti ke lagn men guru ho usmen ek shikshak ke sabhi gun hote hain. uske dant sundar aur kan samanya se bade hote hain. uska sharir sudaul aur gathila hota hai aur uske chehre par ganbhirta hoti hai. vah prabhavshali hota hai. uski avaj robili hoti hai tatha usmen netritva gun bhara hota hai. yadi bhagya rekha manibandh se nikal kar guru parvat tak jati ho evan guru parvat par guru valay banta ho ya guru parvat se sidhi rekhaen guru ki anguli se hokar niklti hon to lagn men guru ki sthiti shubh hoti hai. kintu guru ke lagnasth hone ki sthiti men vyakti jiddi, atyadhik siddhantvadi v paranprapriya hota hai. is prakar gyanvan hote hue bhi vah mitron v sanbandhiyon ka n to puri tarah bhala kar pata hai, n hi unse labh le pata hai. shukrah jiske lagn men shukra ho vah kamdev ke saman sundar v akarshak sharir vala hota hai. uske bal sundar v ghane hote hain. vah har karya vyavasthit dhang se karta hai. kala men uski gahri abhiruchi hoti hai. shukra grah se koi rekha budh parvat tak jati ho ya shukra ke sthan par surya ka nishan ho to yah sthiti shukra ke lagnasth hone ki suchak hain. shukra parvat ubhar lie ho tatha vahan par kati-fati rekhaen n hon to yah sthiti bhi shukra ke lagn men hone ka sanket hai. dosh lagn men shukra ho to vyakti ghamandi aur jiddi hota hai. usmen atyadhik atmavishvas hota hai aur vah supiriyaeriti kaempaleks se grast rahta hai. faltah vah dusron se kisi prakar ka pura labh nahi utha pata aur jivan men ane vale labhaprad avsron ko kho baithta hai. shaniah shani yadi lagnasth ho to jatak samanya se adhik lanba hota hai. uska sharir mansal nahin hota, parantu nasen hrishta-pusht v ubhri hui hoti hain. uske bal lanbe, kale, ghane v mote tatha dant safed hote hain. uska mukh akarshak aur vani ojpurn hoti hai. vah nyayapriya aur sabhi ka hitaishi tatha jhuth v anaitikta ka ghor virodhi hota hai. shani parvat ubhra hua ho, uske niche 3 ya 4 rekhaen hon, us par surya se nikalakar valay banta ho aur bhagya rekha shani se nikalakar manibandh tak jati ho to lagnasth shani sudrirh hota hai. doshah jiske lagn men shani ho, vah spashtavadi hota hai, kintu uski spashtavadita use kabhi-kabhi bahut mahangi parti hai. vah uchch raktachap, tanav, anidra adi se grast hota hai. rahu v ketu: rahu v ketu chaya grah hain. lagnasth hone par rahu shani jaisa aur ketu mangal jaisa prabhav deta hai. is prakar hastarekhaon v jyotish ke sanyukt vishleshan se kisi ke bhavishya ka satik falakathan kiya ja sakta hai, par iske lie donon hi vidhaon ka vistrit v ganbhir gyan avashyak hai.