sansar men prayah do prakar ke jyotishi vidvan dekhne ko milte hain. ek to ve jo sirf adhyayan, chintan, manthan karte hain aur shodh karke apne niyamon ko pustakon men likhakar anya jyotishi vidvanon ke lie chod jate hain aur jyotish kshetra men apna nam sada ke liye amar kar jate hain. aise jyotishi bhautik sukh, nam v shoharat ki chahat se dur rahte hue bina kisi dhanarjan ki chah rakhte huye jyotish samaj ki anavarat seva karte rahte hain. jinko am admi shayad jan bhi nahi pata hai. dusre prakar ke ve jyotishi vidvan hote hain jo in vidvanon ke gyan aur anubhvon ka labh uthate hue unke shodhon ka jyotish ke kshetra men prayog karte hue bhautikta se jude rahakar nam v shoharat ki chah men sath hi dhanarjan karte hue jyotish men vishvas rakhne vale vyaktiyon ki seva karte hain tatha dhan labh ki prapti bhi karte hain. aisa vyakti jo apne shodh bhi kare aur jarurat mandon ki seva bhi karen, bhale hi sath men dhanarjan kare to us vyakti se adhik jyotish ka sadupyog koi nahin kar sakta. chahte sabhi hain ki ve shodh bhi karen aur samaj seva ke sath-sath dhanarjan bhi karen, parantu kabhi samay ke abhav men ya kabhi data turant n mil pane ke karan vyakti ek hi kshetra tak simit rah jata hai. in donon chijon ki upalabdhi yadi ek hi sath ho jaye to vyakti shodh bhi kar sakega aur samaj seva ke sath-sath dhanarjan bhi kar sakega. aisa nahin hai ki aisa sanbhav nahi hai. yadi ek hi samay men ap fon par bat karte hue kundli ka vivchen bhi karna chahen aur jatak ko uska nishkarsh v samadhan bhi dena chahen to ap donon kam ek sath bhi kar sakte hain. yadi apke pas jyotish shodh hetu samay ka abhav hai aur kahin yatra par nikle hain. ap us samay ko barbad n karte huye uska bhi sadupyog karna chahte hain to ab aisa bhi sanbhav hai. arthat har samay, jab ap karyalay men ho, ghar men ho ya yatra kar rahen ho ya fon par bat kar rahe ho ya apne karyalay se ghar ya ghar se karyalay bhi ja rahe ho, to in samyon ko ap yadi jyotishiya shodh men sadupyog ke sath-sath samaj seva men prayog karna chahte hain to aisa ab sanbhav hai- bas ek choti si mashin ke dvara jiska nam hai- ‘’liyo pam’’ kya hai liyo pam? multah yah ek pam tap kanpyutar hai. sabse pahle duniya men ‘supar kanpyutr’ aya jo ek bilding ki jagah lete the. fir ‘deskatap kanpyutr’ aya jo ek mej ki jagah leta hai uske bad ‘laiptaep kampyutr’ aya jo god men rakha ja sakta hai. uske bad ‘pamtaep kanpyutr’ aya jisko ap hatheli par rakh sakte hain. aur vishvas kijie ki yah pam tap kanpyutar vah sab karya kar sakta hai jo ek anya kanpyutar kar sakta hai aur n keval kanpyutar balki ye apke mobail fon, intrnet, vidiyo kaimra, teprikardar, kailkuletar, not buk adi ka bhi karya badi hi kushlta ke sath kar sakta hai. is kanpyutar ki memori men jyotish vidvanon ke liye jyotish ke vidvanon ki sanstha dvara nirmit saftaveyar dala gaya hai. is saftaveyar ke madhyam se ap vah sabhi karya badi sugmta se kar sakte hain jisko karne ke liye apko lagabhag ek almari bharakar pustaken aur dher sari anya samagri ki jarurat pad sakti hai. ap jyotish ke kisi bhi kshetra ke bare men sochie aur vah hajir hogi apke liyo-pam, pam-tap kanpyutar men. to ho gaya n jyotishiyon ke lie yah ‘‘aladin ka chirag’’. pam saftaveyar men upalabdh hai nimnalikhit jyotish kshetra- 1. kundli milan 2. varshafal 3. prashn kundli 4. lal kitab 5. krishnamurti paddhati 6. ankshastra 7. panchang evan gochar yah sabhi paikej hindi aur angreji do bhashaon men upalabdh hain. yadi ap chahen to in paikej se prapt jankari ko printar par print bhi kar sakte hain. kundli nirman men upalabdh jankari is prakar hai- janm kundli nirman - ismen ap sabhi prakar ki kundliyan bana sakte hain. jaise lagn, chalit, bhav sandhi, surya kundli, chandra kundli, hora kundli aur sabhi prakar ki vargiya kundliyan. sabhi grahon ki rashi v uske ansh, nakshatra, charan, nakshatra svami v sthiti sahit grah spasht. sabhi 10 prakar ki dashayen jaise vinshottari, shodshottari, ashtottari, panchottari, shatabdika, tribhagi, yogini, char evan kalachakra dashaen tatha ye sabhi dashaen pach star tak hi hongi. jaise mahadsha, antardasha, pratyantar dasha, sukshm dasha aur pran dasha. avkhda chakra ki sanpurn jankari. shodash varg men navagrahon ki sthiti. navagrahon ke shadabal tatha unke raink sahit janmakundli men grahon ki sthitiyan. ashtak varg ke antargat sabhi grahon ke sabhi prakar ke sarvashtak varga- jaise bhinnashtak varg ke pashchat, trikon shodhan ke uprant, ekadhipti shodhan ke uprant tatha ant men grah pind, rashi pind ke pashchat anttah navagrahon hetu shodhya pindon ki ganna. krishnamurti paddhati men sabhi grahon ke karak barah bhavon ke karak tatha navagrahon ke nakshatra, nakshatra svami, up svami, up-up svamiyon ki sarniyan. jaimini paddhati, varshik faladesh, upay, yog, gochar evan estrograf ki jankari. grahon ke gochar ko ap chitra ke rup men gatiman avastha men dekh sakenge ki kaun sa grah kis rashi men kab pravesh karega. chitratmak rup men prastuti hone ke karan ap yah bhi asani se dekh sakenge ki kis samay kaun sa grah kisse age hai, sath men hai ya piche chal raha hai aur grahon ki in sthitiyon ko ap ek batan dabakar age ki or piche ki or kisi bhi sthiti men gatiman kar sakte hain. in grahon ki sthitiyon ko ap apni ichchanusar, minton men, pratidin, saptahik, masik, varshik adhar par age ya piche ke kram men parivartit karke dekh sakte hain. iske sath-sath ismen dinank v samay bhi sath-sath pradarshit hota rahta hai. estrograf ap tin prakar ke dekh sakte hain. jaise svasthya, arthik v manah sthiti ke graf ap pratidin, saptahik, masik, varshik aur dasavarshiya adhar par graf ke rup men dekh sakte hain. apko is graf ki sahayta se turant malum pad sakega ki kab apki arthik sthiti ya svasthya achcha tha aur kab kharab rahega sath hi ap tulnatmak sthiti ka vishleshan bhi kar sakenge. kundli milan men ashtakuton ka milan tatha manglik vishleshan tatha nishkarsh. ismen var-vadhu ki kundliyon ka ek sath hi nirman hota hai tatha ant men gun v kuton ki sarni ke rup men prastut kiya jata hai tatha inke adhar par var-vadhu kundli milan ka fal kya hoga, vistrit rup se diya gaya hai. varshafal men grah spasht, janm vivaran, sabhi prakar ke bal jaise panchavargiya bal, maitri dvadash varg, harsh bal, dvadash vargiya balon ko bhi darshaya gaya hai. sath hi varsheshvar ka nirnay, 60 prakar ke saham, tin prakar ki dashayen jaise-patyansh dasha, mudda dasha, vinshottari dasha aur sabhi dashaen panch star tak jaise mahadsha, antardasha, pratyantardasha, sukshm dasha aur pran dasha. varshafal ka faladesh bhinna-bhinn drishtiyon se jaise muntha, munthesh, varshesh aur varsh lagnesh ke adhar par fal varsh bhar men banne vale sabhi shodash yog jinka nirman is varsh men ho raha hai ya nahin unke bare men jankari tatha yah varshafal ap kisi bhi varsh ka bana sakte hain aur dekh sakte hain. prashn kundli: ismen kuch prashnon ki suchi pahle se hi di gayi hai. yah kafi vistrit suchi hai. ap is suchi se apne prashn ka chunav kar sakte hain. anyatha ap apna naya prashn tatha sath men unse sanbandhit grah evan bhav dalakar yah bhi hamesha ke liye surakshit kar sakte hain. iska vistrit vishleshan sarni rup men prastut karke uske adhar par prashn ka uttar nirnay ke rup men diya gaya hai. lal kitab bharat men iska prachalan panjab kshetra se sarvapratham praranbh hua tha aur dhire-dhire iska mahatva sabhi vidvan jyotishi manne lage hain. ismen janmakundli nirman sabhi prakar ke rin jaise svayan ka rin, matri rin, sanbandhiyane ke rin, kanya/bahan ka rin, pitri rin, stri rin, ishvariya rin ya jivan rin adi ke bare men jankari ki ye rin apki kundli men hain ya nahin v iske upay v prabhavon ki jankari, lal kitab ka faladesh, lal kitab ka varsh faladesh, avkhda v upayon ki vistrit jankari bhi di gayi hai. krishnamurti paddhati: iski vistrit jankari jaise grahon ke bhavon men karak, ruling grah, lagn, chalit kundli, navmansh kundli, bhav sandhi, karak vivaran, avkhda, vinshottari dasha, sukshm dasha, gochar adi ki vistrit jankari di gayi hai. ank shastra: ismen mulank, shubh ank, shubh mantra, namank adi ka vishleshan vistrit rup se diya gaya hai. yadi apka namank apke mulank ya bhagyank se mel nahin khata hai to ap apna nam kis tarah se badal sakte hain, uski jankari bhi di gayi hai tatha inhin adharon par faladesh v upay bhi vistrit rup se bataye gaye hain. panchang: yah pam kanpyutar ka vishesh akarshan hai tatha iska vikas v jankari vibhinn vidhiyon se ap gyat kar sakte hain. sath hi ap bhinna-bhinn adhar banakar bhinn jankariyan iska vishesh akarshan hai. jaise yadi apko nakshatra v charan malum hai to kis din aur kis samay vah nakshatra aur charan hoga, vah ap ek batan dvara hi prapt kar sakte hain. iske antargat nimn jankariyan di gayi hain jaise- sarniyan, panchang, grah spasht, lagn sarni, rahu kal sarni evan gochar adi. panchang ka sarvadhik mahatvapurn v upyogi pahlu yah hai ki ismen surya aur chandrama ka rashi pravesh kal tatha uske sath-sath uske nakshatra, charan, nakshatra svami aur nakshatra ke upasvami ki jankari sath-sath di gayi hai. jisko ap ghatte ya badhte huye kram men dekh sakte hain. sath hi us sandarbh ki koi bhi varg kundli sath men dekh sakte hain. dainik panchang jisman sanvat, mas, tithi, suryoday, suryast, dinman, nakshatra, karan, yog adi ka samapti kal bhi dekh sakte hain aur ye sabhi panchang ap san 0 se 9999 tak ka dekh sakte hain. grah spasht sabhi nau grah ke pratah kal 5.30 baje ke unki rashi, ansh, nakshatra, charan aur upasvamiyon ke sath darshaye gaye hain. lagn samapti kal pratyek din ke sabhi 12 lagnon ke samapti kal diye gaye hain jo ek sath ap 3 dinon ka dekh payenge. inko ap ek batan dabane se age aur piche tithiyon ka lagn samapti kal dekh sakenge. inko ap pratidin, saptahik, masik v varshik adhar par age ya piche badalakar dekh sakte hain. rahu kal pratyek din ka praranbhik evan samapti kal diya gaya hai jiske sath-sath ap gulik kal ka praranbh v samapti kal bhi dekh sakte hain. ek skrin men ek bar men ap 10 din ka rahu kal v gulik kal dekh sakte hain aur isko bhi ap masik aur varshik adhar par age piche khiska kar dekh sakte hain. sabhi sarniyan di gayi hain jo jyotish kshetra men karya karne vale sabhi vyaktiyon ke lie avashyak hai jiska kabhi-kabhi kisi-kisi vyakti ko purn jankari nahin hoti, vah bhi isko dekhakar jankari prapt kar sakta hai. jaise grahon ki uchcha/nich evan mul trikon rashi v unke param ansh sahit diye gaye hain. pratyek bhav ke nam v unse dekhe ya vichar kiye jane vale tathya. pratyek rashi ke svami, jati, tatva adi ki jankari nakshatron ke adhar par yoni, gaj, nadi ki jankari. karnon ke nam v unke svami. kuch shubh muhurton jaise sarvarthasiddhi yog hetu var evan nakshatron ki jankari. ashtakut milan hetu avashyak sarniyan. pratyek din hone vale rahu kal ka sanbhavit samay adi ki jankari vistrit rup se di gayi hai. atah apne koi bhi vishleshan sukshm se sukshm star par jakar karna ho to sari jankari bina kisi athak prayas ke upalabdh ho sakegi, jiske adhar par apna nirnay ya shodh kar payenge. ap sabhi data ko asimit matra men vargikrit karke surakshit bhi rakh sakte hain jiske adhar par tunrat janmakundli nirman aur vishleshan upalabdh ho sakega. shodh ke udeshya se ap bhinna-bhinn aynansh, chart ki shaili adi ap apne anusar bar-bar samy-samay par badal sakte hain aur nirdharit kar surakshit bhi kar sakte hain. nishkarshatah jyotishiyon ke lie yah ‘aladin ka chirag’ kaha jaye to koi atishyokti nahin hogi. -------------------- pata- 52 si, paket e, mayur vihar, fej-2, dilli-110091 mo. 09810389429