pra0: bhavan men pujakaksh kis sthan par banana chahie ?
u0- puja ghar hamesha uttara-purva disha arthat ishan kon men hi banana chahie kyonki utr-purva men parmpita parmeshvar arthat ishvar ka vas hota hai. kaha jata hai ki devi lakshmi, bhagvan vishnu ke sath utr-purva men nivas karti hai. sath hi ishan kshetra men dev guru vrihaspati ka adhikar hai jo ki adhyatmik chetna ka pramukh karak grah hai. ishan kon men jagah nahi rahne par puja kaksh ya mandir uttar, purva ya pashchim disha men banaya sakta hai. yah sthan dainik puja ke lie upyukt hota hai. parva adi par vishesh puja, katha, havan adi ghar ke madhya sthan, angan adi men ayojit kie ja sakte hain.
pra0- puja-grih kya shayanakaksh men banana chahie ?
u0- puja grih kabhi bhi shayanakaksh men nahi banana chahie kyonki shayanakaksh par shukra grah ka adhipatya hota hai jo bhautiktavadi grah hai. puja ghar, brihaspati ke adhipatya men ata hai jo ki satvik grah hai. yah satvik gunon men vriddhi karta hai. shayanakaksh men puja ghar rahne par shayanakaksh ka svami shukra, brihaspati ke prabhav men kami laega jiske falasvarup adhyatmikta men kami aegi aur puja ka jo labh milna chahie vah nahi mil paega. atah shayanakaksh ya baithk-kaksh ke andar puja ghar nahi banana chahie. jagah ki kami ho to adhyayn-kaksh ke sath puja-ghar banaya ja sakta hai.
pra0- puja grih kya rasoighar men banana chahie ?
u0- pujaghar kabhi bhi rasoighar ke sath nahi banana chahie. prayah log rasoighar men hi pujaghar bana lete hain jo uchit nahi hai. rasoighar men prayog hone vali vastuen mircha-masala, gais, tel, kanta-chammach, namak adi mangal grah ki pratik vastuen hain.mangal ka vas bhi rasoighar men hi hota hai. ugra grah hone ke karan mangal ugra prabhav men vriddhi kar puja karne vale ki shanti evan satvikta men kami lata hai. atah rasoighar men puja karne se adhyatmik chetna ka vikas nahin ho pata.
pra0- puja-ghar men murti ya pratima kis tarah ki honi chahie ?
u0- pujaghar men hamesha saf-suthri pratima, yantra ya tasvir rakhni chahie. murtiyon ko hamesha dhatu, patthar ya mitti ka rakhna chahie. mitti ki murtiyan shubh hoti hai lekin inhen andar se khokhla nahi hona chahie. plastar aef peris ki murtiyan aksar khokhli hoti hai. in murtiyon ko puja kaksh men nahi rakhna chahie. samanyatah gharon men murtiyon ki prakriti khadi rahne ki apeksha baithi rahni shubh hai. puja kaksh men murti ka akar 9 inch se adhik nahi rakhna chahie. arthat ghar ke puja ghar men badi murtiyan ya pratima nahi rakhni chahie. devtaon ko thos dharatal par samanya bhumi se thoda upar kar sthapit karna chahie. murti ke piche thos divar rakhna avashyak hai.
pra0- puja-ghar men brahma, vishnu, kartikey, surya evan indra ko kis tarah sthapit karna chahie ?
u0- pujaghar men brahma, vishnu, shiv, kartikey, surya evan indra ko is tarah sthapit karna chahie ki puja karte samay vyakti ka munh purva ya pashchim ki or ho. arthat in sabhi devi-devtaon ki sthapna ki sahi disha purva ya pashchim hai. devi-devtaon ki murti uttari disha vali divar par nahi lagani chahie. anyatha ve dakshinabhimukh ho jaengi. sath hi utar men uttari dhruv hota hai. atah dono ka ek disha men rahna thik nahi rahega. sarasvati pashchim disha men nivas karti hain jabki lakshmi uttara-purva men rahti hain.
lakshmi puja hamesha purva disha ya pashchim disha ki or mukh karke karni chahie. purva men bhagvan ka mandir tatha pashchim men devi mandir nam aishvarya evan dhan-daulat dene vala hota hai. ghar men vishnu, lakshmi, ram, sita, krishn evan balaji jaise satvik evan shant devi-devta ke yantra, murti evan tasvir rakhna labhaprad rahta hai. pujaghar men murtiyon ko ek dusre ki or mukh karke nahi rakhni chahie. bhavan mane rakhe devi-devtaon ki pran-pratishtha nahi karni chahie. is sthan ka upyog puja-path tatha chitra adi rakhne ke lie achcha hota hai. bhavan men rakhe devi-devtaon ki pran-pratishtha karne par niyamit rup se shastra nirdeshit puja, bhog, sandhya vandan avashyak hai.
pra0- puja ghar men kya mritatma ya purvajon ka tasvir lagana chahie ?
u0- pujan kaksh men devi-devtaon ke sath mritatma evan purvajon ka chitra nahi lagana chahie. purvaj adar aur shraddha ke patra hain parantu ve hamare isht devta ka sthan nahi le sakte hai. manushya mrityu ke pashchat panch tatvon men vilin ho jata hai jabki ishvar ka astitva ajay aur amar hai. atah kabhi bhi manushya aur bhagvan ko barabar nahi mana ja sakta hai. purvajon ki chitra ya pratima lagane ka sabse sahi sthan nairritya disha hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!