pra0- rasoighar bhavan ke kis kshetra men aur kyon banani chahie?
u0- vastu ke anusar bhavan men rasoighar banane ka sabse upyukt sthan dakshin-purva arthat agney kshetra hai. rasoi ke lie prayukt kirosin, gais, churi, kante, ityadi mangal ki vastuen hain. ye sabhi vastuen rasoighar men rahti hai. sath hi agney disha ka svami shukra grah hai jo bhagvti annapurna ka pratinidhi bhi hai. atah is sthan par rasoighar banane se bhojan ki kabhi kami nahi hoti tatha bhojan svadisht banta hai tatha bhavan men nivas karne vale logon ki pachan shakti thik rahti hai. agar yah sanbhav n ho to uttara-pashchim kshetra men rasoighar banaya ja sakta hai. parantu is bhag men bane rasoighar men khana banane ka pletfarm ya gais ka chulha dakshin-purva men rakhna avashyak hoga. anyatha kharch ki adhikta evan agni se durghatana ka bhay bana rahta hai.
pra0- uttara-purva evan nairritya disha men rasoighar rakhne ka kya parinam hota hai ?
u0- rasaneighar ko utr-purva disha men hone par mansik ashanti, kalah, dhan ki barbadi, kharch ki adhikta, khadya padartho ki barbadi ya kami evan svasthya sanbandhi samasyaon ka samna karna parta hai. rasoighar kodakshin-pashchim ki or hone se ghar men kalah hota rahta hai, jiske falasvarup jivan dukhamay ho jata hai. sath hi visfot evan durghatana ki ashanka bani rahti hai. uttar ki or rasoighar atyant ashubh hota hai kyonki yah sthan kuber ka hai. iske dushit hone se avashyakta se adhik kharch ki sanbhavna rahti hai.
pra0-rasoighar men khana banane ka mukhya pletfarm kahan par rakhna chahie ?
u0- rasoighar men khana banane ka mukhya pletfarm purva aur dakshin-purva kone men hona chahie. stov ya gais barnar ko purva ki divar par rakhna chahie kyoki rasoi ka adhipti mangal hai tatha mangal ka vas rasoighar men hota hai. atah khana banane vale pletfarm upyukt sthan men rakhne se agni bhay, jakhm evan durghatana ki ashanka nahi rahti.
pra0- rasoighar men kuking pletfarm utar, utr-purva, nairritya evan vayavya men kya fal deta hai?
u0- kuking pletfarm, kamre ke thik madhya utr-purva men n rakhen, yah bahut hi ashubh hota hai. iske utar disha men hone par arthik hani tatha divaliyepan ka bhay rahta hai. dakshini nairritya men svasthya ki samasyaen bani rahti hai tatha ghar ke log pet ki bimariyon se grast rahte hain. vayavya men kuking pletfarm bhi achcha fal nahi deta hai logon ko kabhi bhi vishram ka samay nahi milta hai tatha parivar men tanav ka mahaul hamesha bana rahta hai. rasoighar yadi pashchim disha men ho aur pashchim mukhi khana banane ki vyavastha ho to khana hamesha banta rahta hai, kyonki atithiyon ka avagaman nirantar us bhavan men bana rahta hai.
pra0- khana banane vale grihniyon ka munh kis or hona chahie ?
u0- khana banate vakt grihniyon ka munh purva ki or hona chahie. isse svasthya achcha rahta hai. pashchim ya dakshin ki taraf munh karke rasoi banane vale grihini ka svasthya bar-bar bigrta rahta hai. sharir men durbalata mahsus hoti hai. sfurti evan utsah ki kami rahti hai tatha man bhi ashant rahta hai. sath hi parivar men daridrata ka agaman hota hai.
pra0- kya shayanakaksh men rasoighar banana chahie ?
u0- shayanakaksh men rasoighar kadapi nahi banana chahie aur n hi rasoighar men sona chahie. iske piche do karan hai. rasoighar par mangal grah ka aur shayan evan kamakrira par shukra ka prabhav hona. yah shukra evan mangal yuti ka suchak hai jo aise ghar men rahnevale ke lie ashubh ho sakti hai.
pra0- rasoighar ka antrik vinyas kaisa hona chahie ?
u0- rasoighar ke pletfarm ke utr-purva ke kone men besin ya sink alag hatakar banaen. rasoighar men vas-vesin ko khana banane vale pletfarm ke thik samanantar nahi rakhna chahie kyonki rasoighar men ag aur pani ka ek sidh me hona bimari aur dhan ki hani ka karak hota hai. rasoidhar men bartan dhone ke lie vas-vesin ko vayavya men lagana chahie. vayavya men iski jagah nahi rahne par ise rasoighar ke bahar bhi lagaya ja sakta hai. dakshin ki divar ke taraf ke pletfarm par maikroveb, ovan, miksar graindar adi rakhen.
jivan men jarurat hai jyotishiya margadarshan ki? abhi bat karen fyuchar point jyotishiyon se!