bharat ki hi nahin vishva ki prasiddh gayika hain lata ji. unka janm 28 sitanbar 1929 ko indaur men ratri lagabhag gyarah baje ashlesha nakshatra ke pratham charan men hua tha. unke pita mastar vinayak mangeshakar bhi ek kushal gayak evan sangitagya the.
lata ji apne pita ki panch santanon men sabse bari hain. unke char bhai bahan hain- asha (asha bhonsle), usha, mina aur hriday nath mangeshakar. chote bhai hriday nath bhi sangit men nipun hain. pichle dinon hi unhonne lata ji ke dharmik giton evan bhajnon ke sanskrit shlokon sahit simaran elabam ka sangit diya hai. yahan prastut hai lata ji ki janmakundli ka jyotishiya vishleshan.
1. vrish lagn men guru, tisre parakram bhav men kark ka chandra.
2. chaithe sukh bhav men film karak grah sinh ka shukra.
3. panchven santan evan shiksha bhav kanya rashi men svagrihi budh v surya ki yuti.
4. chathe ripu evan rog bhav men mangal evan ketu ki yuti.
5. athven mrityu bhav men krur grah shani dhanu rashi men.
6. dvadash bhav men mesh ka rahu.
is prakar sabhi grah chah bhavon men damini yog bana rahe hain. yah yog jatak ko paropkari evan svavlanbi banata hai. yon bhi lata ji ki kundli men lagabhag panch darjan se adhik shubh yog hain. inmen nau to rajyog hi hain.
pratham raj mantritva yog hai jiska adhar lagn ka guru hai jo papi grah se rahit hai. yah vyakti ko dani banata hai. kendra ke char bhavon men se kisi men shukra ka hona bhi rajyog hai. lata ji ke chaithe sukh bhav men sinh ka shukra hai. is rajyog ne unhen kirtivan evan jagaprasiddh banaya hai. yadi tisre, chathe evan gyarhen bhav men chandra aur shubh grah apne navansh aur kendra men hon tatha papi grah nirbal hon to pratapi rajyog banta hai. '
lata ji ka chandra tisre bhav men kark ka hai. budh-guru se drisht bhi rajyog hai. makar ka guru n ho to bhi rajyage h.ai inka kadane sra th trikane osh se balvan hokar kendra men hai, yah bhi rajyog hai. janm ke samay lagnesh balvan hokar kendra men hai atah yah bhi rajyog karak hai.
lagnesh kendra ke chaithe bhav men sthit hai tatha mitra grah shani se drisht hai. yah sthiti bhi raj yog bana rahi hai. sath hi lagn men shubh grah guru to prabal rajyog bana hi raha hai. yon dekha jae to sangit men saflta dilane vale budh evan shukra donon grah lata ji ki kundli men prabhavshali hain.
ye grah dvitiya, tritiya ya pancham bhav men hane to vishesh mahatvapurn hote hain. dvitiya bhav vani ka hai aur vani ka karak budh lata ji ke dvitiya bhav mithun ka svami hai. kundli men pancham bhav men kanya ke svagrihi budh ki surya ke sath sthiti ke falasvarup unka svar itna madhur hai.
chaturth kendra bhav ke shukra ne unhen sangit evan anya kalaon men nipun banaya. lata ji ko fotografi ka bhi bharpur gyan hai. unki kundli men gandharva yog bhi hai jiske karan vah kalaon ko samarpit hanai. gayan se purva matra terah varsh ki ayu men unhonne marathi film men abhinay bhi kiya tha.
pancham bhav men surya v budh ki yuti ne budhaditya evan buddhi chaturya yog bhi banaya jis karan vah bari se bari samasya ka samadhan apne buddhi bal se svayan hi kar leti hain. yahi donon grah kailash yog bhi bana rahe hain. yah bhi ek prakar ka purnanand rajyog hi hai.
kendra ke gharon men guru evan lagnesh shukra aur ashtam mrityu bhav men krur grah shani dirghayu yog bana rahe hain. chaitha bhav janta ka bhi hai jahan sinh rashi men shukra ne unhen lokapriya kalakar banaya. indira gandhi ke saman hi mahabhagya yog men janmin lata ji, ka lagn, chandra aur surya sam kramshah dusri, chaithi aur chathi rashiyon men hain.
striyon ka rat men janm bhi shubh hota hai. vah apne parivar ke lie shubh huin. ashlesha nakshatra ke pratham charan ke karan unhen sarvapratham rashish grah budh ki 17 varsh ki mahadsha mili jo 28 sitanbar 1946 tak rahi. isi mahadsha men san 1942 men pita ki mrityu ke bad 13 varsh ki choti umra men hi unhonne apne parivar ki puri jimmedari utha li.
apne chacha mastar vinayak (nanda ke pita) ki film kanpni men naukri ki. budh men shani ki antardasha men ek marathi film men pahli bar abhinay kiya. iske purva isi mahadsha men sarvapratham apne pita ki natya mandli men keval ath varsh ki ayu men ek marathi natak men narad ki bhumika men kuch bhajan gakar sabko prabhavit kiya tha.
taduprant 124 bachchon ki gayan spardha men pratham akar jata diya ki vah ek kushal gayika hain. apne pita ke bad sangit ki shiksha unhonne devas (m.pra.) men hi bare gulam ali khan ke shishya guru tulsi das sharma ji se bhi li. taduprant munbai men bhindi bajar ke ustad aman ali khan saheb se vidhivat ganda bandhva kar sangit ki uchchatar shiksha prapt ki.
apne pita ka diya tanpura aur sangit ke nots unhonne aj bhi apne pas sanjo rakhe hain. hindi evan urdu ka gyan unhonne kramshah pan. lekhraj sharma evan maulvi mahbub khan se prapt kiya. unki janmakundli men budhaditya yog par bhagyesh, karmesh aur ashtamesh shani tatha labhesh guru ki drishti hai.
isi karan unhonne sangit ko apni jivika ka adhar banaya. 28 sitanbar 1946 se 1953 tak chali sat varsh ki ketu ki mahadsha ne budh ki mahadsha ke sangharsh ko age barhaya. is sangharsh men chathe bhav men ketu ke sath mangal ki yuti ne unhen parishrami aur jujharu banaya.
in donon grahon ka tula rashi men hona bhi shubh raha kyonki iska svami grah shukra filmon ka karak grah hai. chaya grah ketu ne lata ji ko apni dasha ke sat varshon men bahut kuch diya. unhonne sarvapratham 1947 men marathi film men gaya. iske ek varsh bad 1948 men ustad gulam haidar ke sangit nirdeshan men unhonne pahli hindi film majbur ki nayika munavvar sultana ke lie gaya.
usi varsh unhonen mela film men nargis ke lie gana gaya. mela ke giton ne dhum macha di. yah sab ketu men shukra ki antardasha (1948) men hi ghatit hua. is bich unhonne panch filmon bari man, jivan yatra, subhadra, mandir aur chatrapti shivaji men abhinay bhi kiya. tin marathi filmen bhi banain. ketu men chandra ki antardasha men unhonne mahal film men apna prasiddh git ‘aega ane vala’ 1949 men gaya aur choti ki gayika ban gain.
unke dvara barsat, andaj, ah, alvela, didar, dag, gumrah, dastak, babul adi men gae git us daur men atyant lokapriya hue. 28 sitanbar 1953 se karak lagnesh shukra ki 20 varsh ki mahadsha praranbh hui. yah chaithe bhav se sidhe karm bhav par drishti thi.
atah inke gae filmi giton ki jhari lag gai. is dasha ka praranbh anarkli, nagin, madhumti, mugle ajam, ganga jamuna, anupma, anaparh adi ke lokapriya giton se hua. chin se yuddh ke bad pradip ka likha prasiddh git ‘ai mere vatan ke logo’ jab unhonne pahli bar ramlila maidan men gaya to nehru ji ki ankhen bhar ain.
us daur men unhonne pratyek varsh lagabhag do sau git gae. taduprant 1973 se 79 tak surya ki chah varsh ki mahadsha rahi jo ki navansh men uchch ka hai. is dauran vakt, aradhna, gaid, pakija adi ke git gae aur apni dhak banae rakhi.
1979 se 89 tak das varsh ki chandra ki mahadsha rahi. chandra navansh men labhesh hai to dashmansh ka dashmesh bhi hai. isne unki pratibha ko aur nikhara. is prakar 89 tak ek ke bad ek dashakram ke uttam falon ki prapti hui. lagatar char varsh jab sarvottam gayki ka film feyar evard unhen mila to 1984 se unhonne naye gaykon ko avasar dene ke lie apna nam is kshetra se hatva liya.
1974 men sabse adhik git gane ke karan unka nam ginij buk men bhi aya. iske atirikt padam bhushan, padm vibhushan, bharat ratn aur dada saheb falke samman mile. madhya pradesh aur maharasht rajyon ne unke nam par kai puraskar dena praranbh kar diya. char vishvavidyalyon ne alg-alag unhen daktaret ki manad upadhi pradan ki.
frans sarkar ne apna sarvochch nagrik samman bhi is varsh unhen diya hai. rajya sabha men vah bhajpa ki sansad rahin. chathe evan barhven mangal evan rahu men unhonne gayan ko kuch viram diya. in dinon un par rahu ki mahadsha prabhavi hai jo 2014 tak chalegi. taduprant guru ki 16 varsh ki mahadsha chalegi.
if you are facing any type of problems in your life you can consult with astrologer in delhi