lal kitab par adharit upay  

lal kitab par adharit upay ashok saksena lal kitab ko arun sanhita bhi kaha jata hai. mulrup se yah sanhita lankapti ravan ne surya ke sarthi arun se prapt ki thi jo bad men arab desh pahunch gai aur vahan arbi aur farsi ka jama orh liya. lal kitab se falakathan kafi prachin kal se kiya jata raha hai aur vartaman samay men bhi iska mahatva dinon din barhta ja raha hai. navagrah shanti ke lie yahan ham kuch aise upayon ka varnan kar rahe hain jinke prayog se labh shighra hota hai. jab koi grah apne ghar se chalta hua dusre grah ke pakke ghar men pahunch jata hai to uska prabhav badal jata hai aur iska kuprabhav jatak par parta hai. yadi shani patrika ke 9ven bhav men baitha ho tatha rahu bhi usi men a jae to jatak par iska bahut hi bura prabhav parta hai. aise men brihaspati ki puja, mantra ka jap aur chijon ka dan kar is prabhav ko kam kiya ja sakta hai. agar budh apne pakke ghar tisre bhav men ho tatha rahu chaithe bhav men a jae aur chandra bhi chaithe bhav men vidyaman ho to chandra ke upay se labh ho sakta hai. yadi nich ka budh 12ven bhav men sthit hokar kuprabhav dal raha ho to samne vale ghar arthat chathe bhav men sthit uske shatru mangal v shani ki vastuon ko kuen men girane se budh shant hota hai. jab koi grah dusre bhav men ashubh prabhav de raha ho to uske masnui bhag men jo nimn koti ka grah ho uski chijen vahan se hata den. jaise- shukra manda prabhav de raha ho tatha rahu, ketu masnui grah vidyaman ho to shukra ki chijen hata dene se rahu aur ketu ka fal labhdayak hoga. shani ke masnui grah shukra evan brihaspati ki chijen hata dene se labh hoga. mangal bad ka prabhav dur karne ke lie kale kutte ko rotiyan khilaen tatha mitha rot banakar banten. rahu ka dushprabhav dur karne ke lie jau ko dudh men dhokar lal kapre men potli bandhakar andheri kothri men kisi bhari chij ya patthar adi ke niche daba den athva nadi ke bahte jal men pravahit karen. grahon ki shanti ke lie sukhe nariyal ko thora sa upar se katen. uske andar ghi tatha khanr bharakar sunsan jagah par chitiyon ke bil ke pas is prakar garane ki uska munh thora sa khula rahe taki chitiyon ko khane men asani ho. yah sabhi grahon ki shanti ke lie sarvoÿam upay hai. budh aur brihaspati ko kayam rakhne ke lie sone ke jevar gahre rang ke kapre ya kagaj men rakhen. khana shuru karne ke pahle bhojan ka thora sa ansh nikal kar gay ko khilaen. vishesh upay- nav grah shanti hetu shubh fal pane ke lie nimn upay karne chahie. surya- bahte pani ya nadi men gur pravahit karne se surya ka shubh prapt hota hai. yah upay 43 din tak ek nishchit samay par gupt rup se karna hoga. chandra- chandra ka achcha prabhav pane ke lie nitya sote samay lote men dudh ya shuddh jal bharakar sirahne men rakhane aur subah uthakar use babul ke vriksh ki jar men dalen. mangl- mangal nek ke achche prabhav pane hetu bahte jal men batase pravahit karen aur mithi roti kutte ko khilaen. bahte jal men revriyan pravahit karne se mangal bad ki shanti atishighra ho jati hai. budh- purane samay ke ched vale tanbe ke sikke jal men pravahit karen. brihaspati- kesar ka upyog khane tatha nabhi aur mathe par lagane men karne se brihaspati ka shubh prabhav prapt hota hai. shukra- shukra ki shanti hetu gay ki seva ya chare ka dan karen. sanbhav ho to godan bhi karen. shani- shani dev ki shanti hetu kutton ko mithi roti khilaen. s rahu ke lie- rat ko apne sirhane muli rakhakar soen aur subah uska dan karen. ek bar svayan ko lakri ke koyle se taulakar (tuladan) use nadi ya nahar ke pani men bahaen. s ketu ke lie- kuÿaon ko roti khilaen. dhanvriddhi ke upay- grahon se sanbandhit rangon ka prayog tatha jap, puja archana adi kar dhan ki vriddhi ki ja sakti hai. grah, devta, rang, upay adi ka vivaran is prakar hai. vishesh- jo grah apne pakke ghar men ho tatha achche fal dene vale hon, unki vastuon ka dan n karen. kupit grih ki vastuen kabhi dan men svikar n karen, anyatha unka prakop aur barh jaega. dhyan rakhen. yadi surya saptam ya athven bhav men sthit ho to jatak ko subah aur sham ke samay dan nahin karna chahie. saptam bhavasth brihaspati vale jatak ko vastron ka dan nahin karna chahie. shukra nauven bhav men ho to anath bachche ko god nahin lena chahie. shani pratham men tatha brihaspati pancham men ho to tanbe ka dan nahin karna chahie. shashth bhavasth chandra vale vyakti ko kuan, talab n to khudvane chahie n unki marammat karvayen. use dudh ya pani ka dan bhi nahin karna chahie. athven ghar men shani ho to saray ya dharmashala nahin banvani chahie. s jin vyaktiyon ka dusra ghar khali ho v athven ghar men shani jaisa krur grah sthit ho unhen mandir ke andar nahin jana chahie. bahar se hi apne isht ko namaskar karna chahie. yadi bhav 6, 8 ya 12 men shatru grah ho tatha 2 khali ho to bhi mandir nahin jana chahie. s yadi dasham men brihaspati evan chaturth men chandra ho to mandir nahin banvana chahie. grih nirman men shani sanbandhi vichar- roti, kapra v makan maulik avashyaktaen hanai. atah jyotish shastra men jivan nirvah ke anya muddon ke sath-sath grih nirman bhi ek pramukh mudda hai. bhavan nirman ka vichar kundli ke dasven tatha gyarhven bhav se kiya jata hai. is ghar ka sthayi svami shani hai jiski kripa ke bina yah karya sanbhav nahin ho pata. uchch ka shani jahan vyakti ko har tarah se malamal karta hai vahin nich ka lagnasth shani jivan ko andhkar ke gart men duba deta hai. s shani ke pratham bhavasth hone ki sthiti men bhavan nirman karaya jae to sab kuch barbad ho jata hai. parantu yadi bhav 7 v 10 khali hon to koi hani nahin hoti. dvitiya bhavasth shani bhavan nirman ke lie samanya ho to isse koi hani nahin hoti hai. yadi kundli ke tritiya bhav men shani ho to ghar men tin kutte palne chahie anyatha arthik tangi se ghar barbad ho sakta hai. shani chaturth bhavasth ho to bhavan nirman nahin karna chahie. anyatha sasural paksh aur bhai bhatijon ko ghor kasht bhogna par sakta hai. yadi shani pancham bhavasth ho to jatak ka apna banaya makan hitakar nahin hoga. aise men yadi uske larke makan banvaen to shubh hoga 48 varsh ki ayu ke bad makan banvaen. s shashth bhavasth shani hone par makan banvana larki ke ghar valon ke lie ashubh hota hai. saptam bhavasth shani hone par bane hue purane makan ki chaikhat sanbhal kar rakhen. aisa karne par bane banae makan bahut milenge. apna makan bechna hitakar nahin hoga. ashtam bhavasth shani hone par makan banvana mrityukarak hota hai. navam bhavasth shani vale jatak ki mata ya patni ke garbh men bachcha ho to use makan nahin banvana chahie. dasham bhavasth shani vala jatak jab tak makan nahin banavata hai tab tak khub dhan pata hai parantu makan bante hi nich ya mande shani ke karan nirdhan ho jata hai. ekadash bhavasth shani vale vyakti ka makan uski 55 varsh ki ayu bad hi ban pata hai. use dakshin disha men vas nahin karna chahie. dvadash bhavasth shani vala jatak apna makan nahin banva pata. yadi makan ban raha ho to jaisa bane banne dena chahie. makan ke charon kone 90 digri ke hon to uÿam hoga. jatak ki kundli ke anusar bhav 1 se 9 tak men sthit grah apna asar makan men pravesh karte samay dayen hath ki disha men tatha 10ven aur 12ven sthanon men sthit grah apna prabhav bain disha se dalte hain. khana 7 makan men sukh-dukh ki or khana 2 makan ki sthiti batata hai. jatak ko pushya nakshatra men makan banvana shuru karna chahie aur makan ke pura hone par pratishtha karke khairat, dan ityadi karna chahie. yadi varshafal ki kundli men shani, rahu tatha ketu samanya gharon men hane to shubh faldayi hote hain anyatha nich rahu aur ketu makan ko bikva dete hain. bhavan nirman ka vichar kundli ke dasven tatha gyarhven bhav se kiya jata hai. is ghar ka sthayi svami shani hai jiski kripa ke bina yah karya sanbhav nahin ho pata. uchch ka shani jahan vyakti ko har tarah se malamal karta hai vahin nich ka lagnasth shani jivan ko andhkar ke gart men duba deta hai. kra. grah devta rang upay 1. surya vishnu gehuna gehun, lal tanba dan karen. 2. chandra shivji dudhiya moti, chaval, chandi dan karen. 3. mangal hanumanji lal saunf desi khanr mung, masur dan karen. 4. budh durga mata hara mung ki sabut dal dan karen. 5. brih. brahma ji pila chanadal, keshar haldi, sona dan karen. 6. shukra lakshmi ji dahi jvar, dahi, hira, moti dan karen. 7. shani bhairav ji kala loha, tel dan karen. 8. rahu sarasvati nila jau, sikka, sarson dan karen. 9. ketu ganeshji kala/sfed til, kanbal dan karen. agar budh apne pakke ghar tisre bhav men ho tatha rahu chaithe bhav men a jae aur chandra bhi chaithe bhav men vidyaman ho to chandra ke upay se labh ho sakta hai. yadi nich ka budh 12ven bhav men sthit hokar kuprabhav dal raha ho to samne vale ghar arthat chathe bhav men sthit uske shatru mangal v shani ki vastuon ko kuen men girane se budh shant hota hai.