grahon ke pakke gharon ko janne ke bad grahon ki apas men shatruta evan mitrata ko nimn talika dvara jane- is talika men grahon ke parasparik sanbdhon ke bare men bataya gaya hai. parantu lal-kitab paddhati men iske atirikt bhi mitrata evan shatruta ki ek vishesh sthiti ke bare men bataya gaya hai jo ki kundli ke falit men atyant mahatvapurn hai.
vishesh sthiti
1. chandra shukra barabar hain par chandra dushmani karta hai shukra se.
2. brihaspati shukra barabar hain par shukra dushmani karta hai brihaspati se.
3. mangal shani barabar hain par mangal dushmani karta hai shani se.
4. budh aur chandra dost hain par chandra dushmani karta hai budh se.
5. budh brihaspati ka dushman hai v chandra budh ka, magar bhav nan. 2 ya 4 men baitha hua brihaspati+budh ya chandra+budh dushmani ki bajay apas me puri puri madad karegen. arthik sahayta ke lie.
1. chandra shukra barabar hain par chandra dushmani karta hai shukra se. uprokt sthiti ko udaharan dvara samjhen. uprokt udaharan kundli nan.1 men chandra pahle gharon (bhav nan. 1 se 6 tak pahle ghar kahlaten hain) men tatha bad ke gharon (bhav nan. 7 se 10 tak bad ke ghar kahlaten hain) men shukra ke hone se chandra apni shatruta ke karan shukra ke fal ko kharab karega jiska sidha arth yah hai ki jatak ka vivah 28 varsh se purva hone par jatak ka vaivahik jivan sukhamay nahin rah pata. mata aur patni ke bich tanav rahta hai ya kisi ek ka svasthya kharab rahta hai. iske sath sath arthik pareshaniyon ka bhi samna karna parta hai.
parantu udaharan nan 2 men shukra ka pahle bhavon men hona aur chandra ka bad ke bhavon men hone se shukra chandra ke falon ko kharab nahin karega jiske falasvarup jatak ki patni bhagyashali hoti hai evan vivah ke uprant arthik pragti hoti hai. baki sthitiyon ka bhi isi prakar vivechan karegen. grah, rashi ka apsi sanbandh nimn talika men rashi, rashi ka svami grah, usmen hone vale uchcha-nich grah adi ko darshaya gaya hai. iske sath sath grahon ke pakke ghar, kismat ko jagane vale grah tatha kaun se bhav men grah, grah fal v rashi fal ka hoga bataya gaya hai. yah vivaran lal-kitab paddhati se falit dekhne men atyant sahayak rahega. lal kitab paddhati ke anusar jo grah, grah-fal ka ho jaye uska upay nahin karte, keval rashi fal ke grahon ka upay karte hain. atah is talika ka adhyayan atyant mahatvapurn hai.
vyakhya : 1. bhav nan. 2 (brish) rashi men koi grah nich nahin hota. lal-kitab paddhati men is bhav ko rahu v ketu ki baithak mana hai tatha is bhav men koi bhi grah rashi fal ka nahin hota arthat is bhav men aya hua grah apna apna ya apne apne karmon (apni jan se sanbandhit pap-punya) ke karne-karane ke svayan adhikari hain.
2. bhav nan. 5 (isah rashi) men koi bhi grah uench-nich nahin hota. is bhav men sthit grah svayan arjit aya/santan ki kismat ka svami hota hai.
3. bhav nan. 11 (kunbh rashi) men bhi koi uchch nahin hai. yah bhav tatha ismen sthit graha/grahon ka sanbandh am duniya se kismat ke len-den se sanbandhit hai.
4. bhav nan. 8 (vrishchik rashi) men koi grah uchch nahin hota.
5. bhav nan. 12 rahu ka pakka ghar likha hai tatha nich bhi mana hai isi tarah bhav nan. 6 ketu ka pakka ghar bhi hain evan ketu ko yahan nich bhi mana hai. rahu jab brihaspati ke ghar bhav nan. 12 men ho to nich hoga vaise to brihaspati v rahu apas men dushman n ho kar barabar ke arthat sam hain. rahu ko asman (bhav nan. 12) v nila rang mana hai brihaspati ko hava. hava ko jab asman ka sath mile ya jyu-jyun hava asman ki taraf unchi hoti jayegi halki hoti jayegi aur sans lene ke sanbandh men nikammi hoti jayegi. yahi hava niche ki taraf hoti jayegi to har ek ki maddgar hogi arthat rahu ko jab budh ka sath mile to nek asar dega.
rahu hai bhi budh ka dost islie dono ke apas men sath se dono ka fal uttam hoga. dono hi bhav nan. 6 men unch fal ke hain aur donon ek hi bhav nan. 12 men mande fal ke hogen. isi tarah ketu jab budh ke sath ho ya budh ke ghar bhav nan. 6 men ho to nich hoga lekin ketu ko jab brihaspati ka sath mil jaye to ketu unch fal ka hoga. ketu v brihaspati barabar ka fal denge. rahu-ketu chukin apne se satven dekhne ke usul ke grah hain islie rahu agar 3-6 men unch hua to ketu vahan nich hoga aur ketu agar 9-12 men unch hua to rahu vahan nich hoga. garaj yah ki rahu-ketu ko apne dayra men chalane vala budh hai.
vyakhyaah- lal-kitab ke lekhak ka yah apna hi darshan hai. lekhak ka kahna hai ki rahu tatha budh bhav nan. 6 (jo ki budh ki apni rashi hai) men unche fal ke hain evan bhav nan. 12 men nich fal ke hote hain. ketu jo ki budh ki rashi nan. 6 men nich fal ka hua to bhav nan. 12 men uench fal ka hua. lekhak kahta hai ki rahu aur ketu dono ka unch-nich ka sanbadh budh ki rashi se hai. islie ye dono grah budh ke prabhav men apna asar dete hain arthat rahu-ketu ko apne dayre men chalane vala budh hai.