lal kitab ke dvara ap apne ghar ke vastu ko bhi jan sakte hain. is lekh men lal kitab ki kundli ke har bhav se ghar ke vastu par prakash dala gaya hai.
pahla bhav : janm kundli ke pahle bhav ka sanbandh draingrum (baithk) se hota hai. jahan par baithakar ham anya vyaktiyon se batchit karte hain. yadi pahle ghar men mande grahon ka prabhav ho to aise vyakti ki baithak men avashya hi vastu dosh hota hai.
dusra bhav : janm kundli ke dusre bhav se makan ke bare men jankari prapt hoti hai. makan kaisa hoga, uska akar-prakar evan vistar chota hoga ya bara, iska vichar kundli ke dusre bhav se kiya jata hai. dusre bhav men kisi bhi prakar ke grah doshon ke karan grih vastu men akar sanbandhi dosh evan kasht utpann hote hain.
tisra bhav : janmakundli ke tisre bhav ka sanbandh makan men upalabdh sukh-suvidhaon ki vastuon evan sadhnon se hota hai. yadi tisre bhav men shubh grah bali sthiti men ho, to aise vyakti ke pas sukh-aishvarya ke sadhan bahut sulabh hote hain. tisre bhav ka sanbandh ghar men rakhe hue hathiyaron se bhi hai. yadi ghar men tute hue hathiyar rakhen, to aise vyakti ko tisre ghar men baithe shubh grahon ka nek fal nahin milta hai. uski sukh-suvidha ke sadhnon men kami a jati hai. chote bhai-bahinon ko pareshaniyon ka samna karna parta hai.
chautha bhav : janmakundli ke chauthe bhav se ghar men nal, kuan, jal ka srot, pani rakhne ki jagah ka vichar kiya jata hai. ghar men ras bhare faldar vrikshen ka vichar bhi chauthe bhav se kiya jata hai. yadi chauthe bhav men pap grah ashubh prabhav utpann kar rahe hon, to aise gharon men ras vale fal ke paudhe nahin lagane chahie. aise vyakti ko pani, dudh aur kapre ke vyavsay men hani hoti hai.
panchva bhav : janmakundli men panchve bhav ka sanbandh makan ki purvi divar se hota hai. uske sath buddhi, vidya prapt karne evan granthon ka adhyayan karne ke sthan ka vichar bhi pancham bhav se kiya jatahai. pancham bhav ki ashubh sthiti evan ashubh grahon se ghar men adhyayan karne ke sthan men avashya hi vastu dosh hota hai, sath hi ghar men bachchon ka parhai men man nahin lagta hai tatha vidya ke marg men badhaen ati hain.
chatha bhav : janmakundli men chathe bhav ka sanbandh makan men bane tahkhane se hota hai. chathe bhav men pap grahon ka prabhav hone par ghar men tahkhana nahin hona chahie, anyatha vyakti nirantar avnti ki or jata hai.
satvan bhav : janmakundli men satvan bhav us sthan ko pradarshit karta hai, jahan par vyakti ka janm hota hai. janm sthan ke shahar ya ganv ke bare men bhi kundli ka satvan bhav batata hai. ghar men gudedar fal vale vrikshon ka vichar bhi kundli ke satven bhav se kiya jata hai.
athvan bhav : janmakundli ke athven bhav se makan ki dakshini divar ki sthiti ka pata chalta hai. makan ke aspas ka vatavaran evan davaiyan rakhne ke sthan ka pata bhi isi bhav se lagaya jata hai. makan men agni ka sthan v makan ki chat ka vichar bhi isi bhav se kiya jata hai. aise paudhon evan vrikshon jinmen n fal lagte hon, n ful lagte hon unka vichar athven bhav se kiya jata hai. athven bhav men yadi mande ya ashubh grahon ka prabhav ho to aise makan ke aspas ke vatavaran, chat adi men avashya hi koi n koi vastu dosh hota hai.
nauvan bhav : janmakundli ke nauven bhav se makan men puja-path ke sthan yani makan men mandir ke bare men vichar kiya jata hai. makan men bujurg vyaktiyon ka kamra kaisa hoga, is bare men bhi nauven bhav se hi vichar kiya jata hai. nauvan bhav men kisi bhi prakar ke ashubh grahon ka dosh ya nauvan bhav ki ashubh sthiti hone par makan ken mandir men avashya hi koi n koi vastu dosh hota hai.
dasham bhav : janmakundli ke dasven bhav ka sanbandh makan ki pashchim disha se hota hai. makan banane men lage int-patthar evan lakri-lauhe ka vichar bhi isi bhav se kiya jata hai.
gyarhvan : janmakundli ke gyarhven bhav se makan ki bahri sajavat aur sundrta ka vichar kiya jata hai. yadi gyarhven bhav men shubh grah sthit hon, to aise vyakti ka makan bahar se dekhne men achcha lagta hai.
barhvan bhav : janmakundli ke barhven bhav se makan men shayanakaksh ka vichar kiya jata hai. pati-patni ke shayanakaksh (baid-rum) men sanbandh kaise rahenge, vyakti ko nind ka sukh kaisa milega, adi ka vichar barhven bhav se hi hota hai. barhven bhav se as-paros ke makanon ke sandarbh men bhi vichar kiya jata hai. barhven bhav men ashubh grahon ke sthit hone par pati-patni ke bich men anaban rahti hai tatha vyakti ko nind thik se nahin ati .