vartaman samay men hotal vyavsay men kafi teji se pragti hui hai. hotal, restaran ya risaert ka upyog shahri jivnshaili ka ek mahatvapurn ang ban chuka hai. shadi, parti, gharelu utsavon evan anya samajik evan sanskritik karyakramon ke lie hotal, risaert evan restaran ek mahatvapurn kendra ban chuka hai. atah iska nirman vastushastra ke niyamon ke anukul karna chahie.
pra.- hotal ya risaert men svagat kaksh kis sthan par banana chahie ?
u.- uttara-purva, uttar ya purva ki taraf rakhna labhaprad hota hai. hotal ke svagat kaksh ko saf-suthra, prakashamay evan havadar banana chahie. svagatakaksh ke karmachariyon ko uttar ya purva ki or munh kar karya karna chahie. is kaksh ke uttara-purva ki or adhik se adhik khali sthan chorna avashyak hai. bhavan ke pure bhukhand ke jamin ya satah ka jhukav bhi uttara-purva ki or rakhna chahie.
pra.- hotal ya risaert ke vikas ke lie uttara-purva men sviming pul ya bahta dariya hona kya fal deta hai ?
u.-hotal ya risaert ke uttara-purva en talab, jhil, gaddha, sviming pul ya bahta dariya ka hona vyavsay ko char chand lagate hain. bhumigat pani ka srot ya boring bhi uttara-purva ki or karni chahie isse yathashighra lokapriyata milti hai. dhan ki kabhi kami nahin rahti tatha lakshmi ka nirantar vas hota hai. favvara jismen sangit aur prakash sath-sath hote hain use bhi uttara-purva men lagana chahie. isse dhanatmak urja ka pravah sucharu rup se parisar ke andar bana rahta hai. isse hotal ya risaert ki taraf logon ke akarshan men vriddhi hoti hai. sviming pul ko dakshin-pashchim ya bhukhand ke madhya bhag men nahin rakhna chahie. madhya bhag men tarntal barbadi aur divaliyapan ka parichayak hai.
pra.- hotal ya risaert ke vikas men rasoighar ki kya bhumika hai ?
u.-kisi bhi restorent, hotal ya risaert men rasoighar ka uchit sthan par hona avashyak hai anyatha iska vikas badhit hota hai. rasoighar ko agney kshetra men banana chahie. iske vikalp men vayavya men rasoighar banaya ja sakta hai. parantu is bhag mane bane rasoighar men khana banane ka pletfaerm ya gais chulha dakshin-purva men rakhna avashyak hoga anyatha kharch ki adhikta evan agni se durghatana ka bhay bana rahta hai. rasoighar ko nairritya, ishanya, uttar evan bhukhand ke madhya bhag men nahin rakhna chahie.
uttara-purva disha men hone par khadya padarthon ki barbadi evan divaliyapan ka samna karna parta hai. dakshin-pashchim men hone par sanbandhon men vaimanasyata hoti hai tatha uttar ki disha men rakhne par arthik sthiti achchi nahin rahti. rasoighar men khana banane ka mukhya pletfaerm purva aur dakshin-purva kone men hona chahie aur khana banate vakt rasoiya ka chehra purva ki or rahna chahie.
pra.- hotal ya risaert men dayning tebal kis kshetra men rakhna labhaprad hota hai ?
u.-hotal men dayning hael ya restorent ko pashchim disha men sabse achcha mana jata hai. dusra achcha sthan uttar aur purva disha ko mana jata hai. yadi rasoighar dakshin-purva men ho to bhojan kaksh rasoighar ke purva ya dakshin ki or banayen. yadi rasoighar uttara-pashchim men ho to bhojan kaksh pashchim ki or banayen. lekin yadi jagah ki kami ho to uttar ki or bana sakte hain. hotal ya restorent ke dayning kaksh men tebal ka akar vargakar athva aytakar hona chahie.
bhojan kaksh men tebal ka akar uske ek bhag se dusre bhag tak dugune se adhik nahin hona chahie. jaise yadi chairai 4 fit hai to uski lanbai adhikatam 8 fit tak rakhi ja sakti hai. dayning tebal ko visham map men nahin rakhna chahie kyonki visham map (jaise chairai 3 fit, lanbai 7 fit) hone se upyog karne valane men paraspar vaimanasya utpann hoti hai. dayning tebal ke sath sam sankhya men kursiyan lagayen.
pra.- hotal ya risaert ke dayning hael ka antarik banavat kis tarah ka rakhna chahie ?
u.- bhojan kaksh ke uttara-purva men pani rakhen. vaesh-besin bhi uttar ya purva ki taraf lagaen. bhojan kaksh ka darvaja purva, pashchim ya uttar ki or labhdayak grid men rakhna chahie. bhojan kaksh ke darvaje brihaspati ke pile rang se rangvana chahie kyonki is kaksh par guru ka adhipatya hota hai. bhojan kaksh ki divaron ka rang halka pila, krim, narangi ya halke ujle rang ka karna shubhafalaprad hota hai. latkti hui bim ke niche daining tebal nahin rakhna chahie anyatha bhojan karte vakt tanav men vriddhi hogi.
pra.- hotal ya risaert men bhari vastuon ka bhandaran kis kshetra men karna chahie ?
u.- hotal ya risaert men bhari vastuon ke lie bhandar nairritya kshetra men banana chahie. nairritya kshetra ke bhandar grih men pani ya divaron par nami ya silan nahin hona chahie. khadya padarth ke lie bhandar grih vayavya ke kshetra men banana chahie. vayavya ke kshetra men rakhne se khadya padarthon ki niyamit apurti bani rahti hai. atah pratyek din istemal ki jane vali vastuon ka bhandaran uttara-pashchim ke kshetra men karna chahie.
tel, ghi, gais silendar, kirosin adi ko bhandar kaksh ke dakshin ya agney men rakhen. bhandar grih men khadya samragi ke patra ko puri tarah se khali nahin hone dena chahie. jabatak navin samagri unmen bhar nahin jati tabatak pichla ann ya samagri kuch n kuch shesh rahne dena chahie. bhandar grih ke dvar uttar evan purva ki taraf shubhfldayak grid men rakhen.
pra.- hotal ya risaert men yatriyon ko thahrne ke lie kamra kis kshetra men upyukt hota hai ?
u.- hotal men yatriyon ke thahrne ke lie kamre pashchim, dakshin aur dakshin-pashchim disha men banana chahie. atithi kaksh ko brahm sthan men n rakhen. brahm sthan bahut sari urja ko khinchta hai islie aram aur shanti ke lie yah sthan upyukt nahin rah pata. kamre ke sath bathrum, bathatab, shauchalay, chenj rum adi rakhne hon to ise uttara-pashchim ya pashchim ki taraf banaen.
pra.- hotal ya risaert men yatriyon ko thahrne ke kamron ka antarik banavat kis tarah ka rakhna chahie ?
u.- kamre ke dakshin-pashchim ya pashchim ka kona kabhi khali n rakhen. kamre men palang dakshin-pashchim ki taraf lagana chahie. palang ki sthiti kabhi bhi is tarah nahin rakhni chahie jisse sone vale ka sir athva pair sidhe dvar ki taraf ho. sote samay pashchim ki or sir kar sone se nam, yash evan bhagya, purva ki taraf mansik shanti evan dharmik pravritti tatha dakshin ki or dhan, bhagya evan svasthya men vriddhi hoti hai. palang kabhi bhi ubhri hui bim ke niche n rakhen. banim sharir ko katte hue rahne par svasthya ke lie ghatak hota hai. shayanakaksh ka bistar dabal bed rahne par bhi usapar gadda ek hi rakhen.
shayanakaksh ka darvaja ek palla ka hona chahie. kamre ka pravesh dvar uttar ya purva disha se rakhna chahie. kamre men deªsing tebal ko uttari ya purvi divar par is tarah rakhen ki sote samay sharir ka koi hissa usmen dikhai n pade anyatha vah hissa pirit rahega. kamre ka antrik banavat, divar ka rang, bistar ka gadda adi khubsurat, ruchikar aur svagat yogya hona chahie. kamre men manmohak tasvir lagi honi chahie.
kamre men ghas evan fulon ke paudhe ke tasvir lagana shubhfldayak hota hai. hotal ya risaert men pushpon ka udyan ya bagicha uttara-purva disha men lagana chahie. paryavaran ko thik rakhne ke sath-sath hamare dil aur dimag ko sfurti dene evan tarotaja rakhne ke lie bhi iski avashyakta mahsus ki jati hai. ful manushya ke karya urja men barhottari karte hanai.
jivan men jarurat hai jyotishiya margadarshan ki? abhi bat karen fyuchar point jyotishiyon se!