logon ke man men aksar yah shanka bani rahti hai ki lagn kundli mahatvapurn hai ya chalit kundli, grah ki sthiti lagn kundli ke anusar dekhen ya chalit kundli ke anusar, yadi grah ki sthiti chalit kundli se hi dekhni hai to lagn kundli kyon aur kab dekhni chahie? yadi chalit kundli ke anusar grah ko dekhen to, rashi bhi kya chalit kundli ke adhar par hi nirdharit karni chahie. fir kya grah ki drishti bhi chalit kundli se nirdharit karni chahie. isi prakar manglik dosh bhi kya chalit kundli se hi nirdharit karna chahie. in prashnon ke uttar janne se pahle yah janna avashyak hoga ki vastav men ye donon kundliyan hain kya? aur kaise banti hain, arthat inka ganitiya adhar kya hai? lagn kundli ismen grahon ko unki rashi ke adhar par sthapit kiya jata hai, aur yah to apko pata hi hai ki ek rashi ka man nirdharit hota hai vah hai 30 ansh. ismen kahin bhi aur kabhi bhi matbhed nahin raha hai ki rashi ka man 30 ansh hota hai. ab ye 30 ansh kya hote hain aur rashiyan kya hoti hain, isko samjhna bhi jaruri hai. koi bhi gole ka man 360 degree hota hai. isi prakar brahmand men ap ek gole ki kalpana karen jiska akar gol hai tatha uska saij anant hai. ab gola chahe chota ho ya bada ho ya anant ho uske kon ka man 360 degree hi hoga. ab is gole ke kon ko barabr-barabar 12 bhagon men vibhajit kar den to ek bhag ka man 30 degree hoga. ab is prakar pratyek bhag men apko kuch sitare sthir rup se chamkte huye dikhai denge. yadi in sitaron ko ek bindu ke rup men mana jaye aur in binduon ko ek rekha se mila diya jaye to ek rekhavritti ban jati hai aur yah rekhavritti kabhi kisi pashu ki ya manushya ki ya vastu ki ban jati hai jiske adhar par usko ek rashi ka nam de diya gaya, jisko ham kul milakar ek bhachakra r;vakapanbaddh ke nam se jante hain. ab prithvi ko ap ek kendra bindu man len aur is prithvi rupi bindu se grahon ko dekhen to pratyek grah brahmand men apko kisi n kisi rashi ke antargat ghumta hua dikhai dega. grah aur rashi ki isi sthiti ko kundli ke rup men bana diya jata hai jisko ham lagn kundli kahte hain. arthat lagn kundli grah ki rashi men sthiti ko batata hai. chalit kundli isko banane ke liye ham sarvapratham lagn ki ganna karte hain. lagn hamen pratham bhav ke madhya ki sthiti ko batata hai. yahan yah dhyan dena avashyak hai ki lagn vah kahlata hai jo kisi jatak ke janm ke samay ya kisi ghatna ghatit hone ke ya kisi bhi kshan us samay purvi kshitij par gujar rahi rashi v uske ansh ko batata hai. yah ek thik usi prakar hoga jaise ki vastu men ap kisi nishchit sthan (brahm sthan) se kampas ki sahayta se kisi nishchit vastu ke ansh ko not karne ka prayas karte hain. vah ansh lagn kahlayega. yah pratham bhav ka praranbh ya samapti bindu n hokar pratham bhav ka madhya bindu hota hai. arthat abhi hamen yah nahin malum hai ki pratham bhav ka praranbh v samapti kahan par hai. yahan yah spasht kar dena avashyak hai ki jis prakar rashi ka man 30 ansh nirdharit hota hai us prakar kisi bhav ka man 30 degre hi ho yah avashyak nahin hota hai. kisi bhav ka man 32 degree bhi ho sakta hai ya 28 degree bhi ho sakta hai. isko gyat karne ke lie ham dasham bhav spasht karke avashyak ganna ke sabhi padon ko karte hue gyat kar pate hain ki kaun sa bhav kahan se praranbh hoga aur kahan samapt hoga. isse yah bhi pata chal jata hai kis bhav ka man kitna rahega. yahan yah avayashyak nahin hai ki bhav ka man kitna hoga, kam hoga ya jyada hoga, yah avashyak hai ki bhav kahan praranbh hoga tatha kahan samapt hoga. arthat bhav ka praranbh v samapti bindu v rashi ke praranbh v samapti bindu alg-alag ho jate hain. ye thik usi prakar samjhen ki saikil ke do pahiye ek hi dhuri par is prakar ek dusre ke upar lagaye gaye ki
Kya aapko lekh pasand aaya?
Subscribe