desh ki rajniti ho ya ghar ki rajniti pratyek rajniti men mahilaon ka pratyaksh athva paroksh rup se vishesh yogdan rahta hai. vaise bhi har purush ki saflta ke piche bhi kisi n kisi mahila ka vishesh prabhav hota hai. apni bu(i, parishram, vyavhar, karya kushlta, vakpatuta, netritva aur chathi indriya ke bal par mahilaen rajniti men shirsh sthan par virajman hoti rahi hain. bharat ki rajniti iski pratyaksh gavah hai.
♣ mesh
mangal pradhan vyaktitva hone ke karan ap hamesha mukhya bhumika ada karti hanai. ap achchi mainejar, sochne ki kshamata v prashasnik kshamata rakhti hain aur isi vajah se ghar ho ya bahar hamesha shirsh sthan par rahna chahti hain. achchi pratiyogatmak kshamata aur shighra nirnay ki kshamata rakhti hain. mesh rashi ki mahilaen rajniti men bhi saflta ke uchch mukam hasil karti hain.
♣ vrishbh
vrishabh rashi ki mahilaen kisi bhi sthiti ko achche se mainej karne men nipun hoti hain. ap dusron se salah lekar kam karne men parhej nahin rakhtin aur kam ko jaldi samapt karne men kushal hoti hain. apki shighra nirnay ki kshamata achchi hoti hai. apko dusron men kami dhunrhne men koi abhiruchi nahin hoti aur ghar aur bahar donon ki rajniti men adhik dilachaspi nahin hoti.
♣ mithun
apki tivra buddhi hone ke karan bahut vakpatu hoti hanai aur apne die gae nirdeshon par dusron se apni ichchanusar kam karane men chatur hoti hain. kisi par asani se vishvas nahin kartin aur svayan adhik karyakushal hone ke karan apne adhin kam karne vale vyakti se santusht nahin hotin islie apko apne vishvaspatra vyaktiyon ko khona bhi parta hai. rajnitigya ke rup men kuch sima tak safal hoti hain.
♣ kark
kark rashi vali mahilaen shant rahti hanai, sunti sabki hain par karti apne man ki hain. apko agar thora sa avasar bhi mil jae to apni mehanat v kushlta ke bal par shikhar tak pahunch jati hanai. apko kam karne ka junun hota hai aur apne adhinasth karmachariyon ki sabhi jarurton ka pura dhyan rakhti hain aur unse juri rahti hanai. ghar ya bahar kisi bhi rajniti men apni shalinta ke karan apko ek khas pahchan milti hai.
♣ sinh
sinh lagn ki jatikaon ko apne kshetra men netritva ki vishesh kshamata hoti hai. ap apne nirnay svayan soch kar lena pasand karti hain. mehanat karna v apne karya ka ek lakshya sadhna apko achcha lagta hai evan sabhi ko sath lekar chalna apka gun hai. ghar aur bahar donon ki hi rajnitiyon men apko saflta milti hai. dusron ke nirdesh men kam karna apko pasand nahin ata kintu dusron ki salah sunakar apne nirnay shakti ke bal par apni netritva kshamata se shikhar par pahunchti hain. isi vajah se apke shatru bhi ban jate hain.
♣ kanya
kanya rashi ki mahilaen dusron se salah mashvira karke kam karna pasand karti hain. apne nirnayon ke prati bahut sanjida nahin hotin. bahut karya kushal hoti hain kintu apne nirnay khud lene men pahal nahin kar patin. apki dusron par nirbhar hone ki adat ke karan unhen shak ki drishti se bhi dekhti hain. rajniti men dilachaspi to bahut hoti hai par dusron ke kandhe ka sahara lene ke karan shikhar tak pahunch kar bhi vahan bane rahne men kathinai ati hai. adhik dominet nahin kar patin. nirnay shakti to hoti hai par nirnay samay par n lene ke karan bahut samay ganva deti hain.
♣ tula
tula rashi ki mahilaon ki sochne ki kshamata achchi hoti hai. vyakti ko parkhne ki v usse kam karvane ki kshamata hoti hai. apne kamon ka nirnay jaldi leti hain aur khud kam karne ki apeksha apne adhinasth vyaktiyon se kam karvane men nipun hoti hain. rajniti men ek mauka milte hi ye shikhar tak pahunchne men chuk nahin kartin.
♣ vrishchik
vrishchik rashi vali mahilaen bahut mehnti hoti hain. navin karyon ka aranbh karna aur karya kushlta, buddhi v mehanat se unnati karna achcha lagta hai. parantu ‘pramukh’ nirnay lene men thori der kar deti hain. islie rajniti men unche shikhar tak pahuunchna mushkil hota hai. ghar ki rajniti men bhi uljhe rahte hain.
♣ dhanu
dhanu rashi ki mahilaen bahut hajir javabi hoti hain. ap saral hriday rakhti hain tatha sabke sath talmel bitha kar chalti hain. kathni aur karni men fark nahin kartin. apki nirnay shakti achchi hoti hai aur apko apne nirnayon ko pahle se sabko batana achcha lagta hai.rajniti ke kshetra men ap achchi prabandhak to ban sakti hanai kintu sam, dam, dand, bhed men kami hone ke karan tike rahne men mushkil hoti hai.
♣ makar
makar rashi ki mahilaen bahut karya kushal, mehnti aur svavlanbi hoti hai. apki nirnay shakti achchi hoti hai aur apne labh ke lie dusron se kam niklvane men nipun hoti hain aur rajniti ke niyam anusar apna karya ho jane ke bad unhen chorakar age barh jana bhi khub janti hain. yahi karan hai ki rajniti men makar rashi ki mahilaen unche shikhar tak pahunchne ki kshamata men paripakva hoti hai.
♣ kunbh
kunbh rashi ki mahilaen sabko sath lekar chalne men nipun hoti hai. apna karya/kam auron se karvana ap bakhubi janti hain. rajniti khub ras ati hai aur apni sochne ki kshamata ke bal par bare-bare karyon ko anjam dene men saksham hoti hanai. kisi bhi avasar ko apne anusar badlna aur madhur vani aur lachchedar shabdon ke prayog se kisi ko bhi shishe men utar lena apka gun hai.
♣ min
min rashi vali mahilaen kisi bhi nirnay ko lene se pahle kisi sahare ko talashti hain aur bal mil jane par ap bahut pragti karti hain. ap kushal shasak hoti hain. apne karya ke prati nishthavan hoti hanai. hajir javab vyaktitva, pratishthit pad prapti karti hain parantu rajniti men madhyam fal prapt karti hanai.
uprokt lekh men apne bare men janne ke lie apni lagn anusar parhen. yadi lagn n malum ho to chandra rashi anusar. yah bhi n malum ho to janm tarikh anusar surya rashi gyat kar lekh parhen . lagn jo ki janm tarikh, samay v sthan par nirbhar karta hai apki chavi ko 100 pratishat charitarth karti hai jabki chandra rashi jo keval janm tarikh par nirbhar karti hai keval 50 pratishat aur surya rashi jo keval janm mah par nirbhar karti hai keval 25 pratishat chavi ka darshati hai.