vivah purva janmon ke karmon ke anusar hi hota hai. yah ek pavitra aur majbut bandhan hai. isse majbut bandhan koi nahin aur bandhan tute to ek minat men tut jata hai bandhan majbut jarur hai parantu yah bandhan ek kachche dhage ki tarah hai. kachche dhage ko yadi jyada khinchen to vah tut jaega aur yadi pyar aur prem se rakhen to hamesha ap ke jivan ko sukhamay rakhega. dampatya sukh ka vichar saptam bhav se kiya jata hai.
is bhav ka sthayi karak grah shukra hota hai. islie dampatya sukh ka vichar saptam bhav, saptamesh v shukra se kiya jata hai. in tinon ki sthiti yadi lagn kundli men achchi ho, to vaivahik sukh achcha milega aur in tinon men yadi ek bhi pirit ho, to dampatya sukh men kami aegi. yah kami grah ki pira ke anupat men hogi. yadi tinon hi pirit hon, to dampatya sukh prapt nahin hoga. lagn kundli hamare sanchit karmon se banti hai. sanchit ve karm hote hain, jo hamne pichle janmon men kie hain.
abhi jo ham karm kar rahe hain, unka fal agle janm men milega. jyotish shastra men ganna janm tithi, janm samay aur janm sthan ke adhar par ki jati hai. ek achcha jyotishi bachche ke paida hote hi ganna kar ke us ke pure bhavishya ke bare men bata deta hai. lagn kudli men jo bhav, bhavesh v bhav karak achchi sthiti men hon, us bhav ke jivan men achche fal milenge aur jo bhav, bhavesh v bhav karak ashubh sthiti men hon, uske fal nahin milenge. ashubh sthitiyan kai prakar ki hoti hain. hamen sabhi prakar ke pahluon ko dhyan men rakhna chahie. yahan inki vistrit vyakhya prastut hai.
1. sabse pahle upagrahon par vichar karna chahie ki saptam bhav men koi upagrah to nahin baitha hai- vishesh kar mandi (gulik) ya dhum. ye donon upagrah saptam bhav ko jyada prabhavit karte hain aur shadi hi nahi hone dete. yadi dhum spast aur saptam bhav spasht ki digriyan saman hon, to aise vyakti ka vivah nahin hota aur anukul gochar hone ki vajah se hota bhi hai to vyakti sannyas le leta hai, arthat vaivahik sanbandh samapt ho jate hain.
2. saptam bhav men baithe grah bhi dampatya sukh men badha pahunchate hain aur ek se adhik sanbandh bana dete hain ya sanbandh ko tor dete hain, ya fir sanbandh rahte apas men prem nahin rahta. yah sab grahon ki sapram bhav men sthiti par nirbhar karta hai jaise yadi saptam bhav men chathe, athven v 12ven bhavon ke svami baithe hon aur un par shubh grah ki drishti ya prabhav n ho, to vyakti ko jaya sukh nahin milta hai. in udahrnon ka vistrit vivaran is prakar hai. saptamesh shubh grah se yut v drisht n ho tatha chathe, athven v 12ven bhavon men nichasth ho, to jaya sukh nahin hota hai arthat saptamesh ya saptam bhav ka sanbandh chathe, athven v 12ven bhavon se ho, to vyakti ke saptam bhav men kami rahti hai. saptam bhav men papi grah ya papi bhav ka svami ho, to jaya sukh men kami rahti hai.
3. shukra v mangal ki yuti lagn men, saptam bhav men ya chandra ke sath ya chandra se saptam bhav men ho, to jaya sukh men kami rahti hai ya sukh nahin milta aur shadi vilanb se hoti hai.
4. panchmesh, saptamesh aur dvadshesh apas men yuti karte hon ya ek sath sam saptam baithakar drishti sanbandh banate hon, to vyakti ka prem vivah hota hai. is yuti ya drishti sanbandh men yadi shubh grah ya shubh bhavon ke sath sanbandh banate hon, to vivah safal hota hai aur yadi ashubh grah shubhta rahit sanbandh banate hain, to sanbandh jyada samay nahin chalta hai.
5. yadi lagn, chandra lagn v saptam bhav tinon men dvisvabhav rashi ho aur kisi prakar ka saptam bhav par shubhta ka abhav ho, to do patniyan hoti hain, arthat ek se sanbandh samapt ho jata hai aur fir dusri shadi hoti hai, ya fir ek ke rahte bhi dusri patni ho sakti hai. is tarah sukh men kami rahti hai kyonki dvisvabhav lagn men saptam bhav badhak hota hai. patni ka hastakshep sabhi karyon men jyada rahta hai.
6. lagnesh, saptamesh, chandra lagnesh v shukra charon dvisvabhav rashi men hon, to jatak ke do vivah ya do striyan hoti hain arthat sukh men kami rahti hai.
7. ashtak varg men saptam v dvadas bhavon men yadi 22 ya 22 se kam bindu hon, to vyakti ka talak ho jata hai aur dampatya sukh men kami rahti hai. yadi sukh hai to saptam bhav, bhavesh v bhav karak shukra tinon hi achchi sthiti men hain, parantu kami jarur rahegi. jivan sathi apne se kami vala milega aur usse pura sukh nahin milega. vakri guru: jin bahnon ka brihaspati vakri hota hai unke suhag sukh men kami rahti hai. jyadatar aisi bahnon ka talak ho jata hai kyonki shubh grah yadi ati shubh ho jate hain, to apne svabhav ke viprit fal dete hain. isi prakar ashubh grah vakri hon, to apne svabhav ke viprit shubhafal dete hain.
8. tatparya yah ki sab kuch yadi thik hai, to bhi dampatya sukh men kami rahti hai. iska sab se bara karan hai, muhurt ka dhyan n rakhna ya bina muhurt ke jab marji shadi kar lena. muhurt shadi ke bandhan ko majbut karta hai aur ashubhta men kami lata hai. kintu muhurt ka palan karne par bhi sukh men kami dekhi gai hai. iska pramukh karan vivah sthal par pavitrata ka n hona hai. barati madirapan kie hote hain, jute pahne rahte hain, biri, sigret, hukka sab chalte rahte hain tatha larke-larki apas men cherkhani v majak karte rahte hain aur pandit ji ko tang karte rahte hai
isse mantra uchcharan men badha ati hai. yadi sab kuch thik ho jae to ghar akar nav danpti apne devi devta pitron ko thik dhang se vida kie bina hi apne kamre men ya hotal men band ho jate hain. bare adar se shadi se pahle rasm ada ki jati hai aur devta pitron ko amantrit kiya jata hai, parantu unhen vida karna bhul jate hain.
faltah ve shap dete hain aur dampatya sukh ko prabhavit karte hain. ham sardaron, isaiyon v muslmanon ka udaharan dete hai ki ve to koi muhurt nahin dekhte, n karte. sardar gurudvare men granth sahib ke fere lete hain aur purn pavitrata ka dhyan rakhte hain. ganrath sahib vishnu bhagvan hain ve shubh karya dopahar 12 baje karte hain, 12 baje surya bali hota hai aur dasham bhav men hota hai. isi prakar charch men jis samay prarthana ho rahi hoti hai
us samay aisa lagta hai mano svayan bhagvan ane vale hon. kisi ka udaharan dene se pahle hamen apne ap ko jarur dekhna chahie. hamare yahan to shadi men lakhon rupye kharch karte hain. dhol baje valon par khub paise urate hain, parantu pandit jo ap ko ashirvad dega, us ki dakshina par jhagra hota hai. to muhurt ka pura fal kaise milega. islie kitne hi ashubh grah saptam men pare hon ya ashubh yog bana rahe hane vivah men muhurt v paranpra ka dhyan rakhen v vidhipurvak is karya ka sanpadan karen, bhagvan jarur sukh dega.