narendra modi ki kundli men lagn men svagrihi mangal se ruchak yog, chandra-mangal se lakshmi yog evan surya-budh se budhaditya yog bana hai. iske atirikt praja sukh ka karak grah shani apne param mitra shukra ke sath dasham bhav men sthit hai jo jatak ko parakrami, sahsi, tarka-vitark men mahir hone ke sath hi shighra nirnay lene vala aur kushal prashaskiya kshamata ka pratinidhitva karta hai. vakri uchch budh ke sath surya ki ekadash bhav men yuti hai jiski matdataon ke pancham bhav par purn drishti hai jiske karan shri modi janta ke madhya bari hi buddhimani se apni bat ko rakhne men kamyab hote hain. vahin rahu-ketu ki naisargik pravritti se apne virodhiyon aur apni parti men apna vajud kayam karne men safal hokar ant men apne paksh men mahaul bana lete hain.
shri modi ki janm patrika men surya 00ah38 ansh ka aur shani 29ah40 ansh par uttarafalguni nakshatra men hai jiska svami surya hai. donon grahon ke anshon ke man se bal evan mrit avastha men hone se grahon ka apna-apna krur prabhav nirbal ho jane se donon ke madhya shatruta ka bhav kam ho gaya hai. vahin surya ki rashi men hi shani dasham bhav men shukra ke sath hai. shani ke svabhav ke man se dasham bhav jo praja ka bhav hai usmen saflta dilata hai aur us par guru ki purn drishti prajasukh men barhottari men sahayak bani hai. shri modi ko vartaman men chandra men guru ki antaradasha 09 aktubar 2013 se 09 farvri 2015 tak hai. chandra men guru men hi bhajpa ki or se bhavi pradhanmantri ke rup men narendra modi ke nam ki ghoshna ki gai. 13 disanbar 2013 se chandra men guru men shani ki dasha hai jismen shri modi ko lane ke lie bhajpa ki or se vishesh abhiyan ki shuruat ki gai hai.
01 march 2014 se chandra men guru men budh aur uske bad 07 mai 14 se 05 jun ke madhya ketu ki dasha rahegi. aprail-mai 2014 mane hone vale gochar grahon ke man se shri modi ki patrika men surya shashtham evan saptam bhav men gochar karega tatha shani rahu dvadash bhav men hanege, guru ashtam bhav men ,aur lagn ka svami mangal ekadash bhav men tatha shukra grah chaturth evan pancham bhav men gochar karenge. isi avdhi ke dauran loksbha nirvachan hona aur iske parinam ana sanbhavit hain. svatantra bharat ki kanudli dekhen to bharat ki kundli men panchagrahi yog hai. kundli ke saptam bhav se kisi bhi vyavsay athva sanstha ko chalane vale mukhiya athva sanchalanakatrta ke bare men gyat kiya ja sakta hai. aise men bharat ki kundli ke saptam bhav ki rashi vrishchik ka svami mangal hai.
abhi tak bharat men 14 pradhanmantri bane hanai inmen se 4 mangal aur 4 shukra grah se prabhavit hain. aise men bhavi pradhanmantri ke mangal athva shukra grah se prabhavit neta hone ki prabal sanbhavna banti hai. prachlit nam rashi ke man se narendra modi ki vrishchik rashi hai. jiska svami mangal grah evan rahul gandhi ki tula rashi banti hai jiska svami shukra grah hota hai. in dinon donon ke hi nam par charcha ho rahi hai. loksbha nirvachan ke samay svatantra bharat ki kundli men surya-budh-shani ki dashantar 17 march 2014 se 5 mai 2014 tak aur uske bad surya-ketu-ketu ya shukra ki dashantar 4 jun 2014 tak rahegi. isi dauran loksbha ke nirvachan hanege aur parinam bhi a jaenge. ab jante hain kangres ke upadhyaksh rahul gandhi ki kundli men grah nakshatra kya sanket de rahe hain.
rahul gandhi ka janm 19 jun 1970 ko pratah 5.50 ko dilli men 09 ansh par mithun lagn men jyeshtha nakshatra men hua. lagn men krur v papi grah mangal evan surya ki yuti hai, lagn ka svami budh apni rashi se dvadash men, dvitiya bhav men kark rashi men shukra aur kark rashi ka svami chandrama shashtham bhav men nich rashi vrishchik ka hai, saptam bhav evan dasham bhav ka svami guru vakri hokar pancham bhav men hai, ashtam aur navam bhav ka svami shani grah nich rashi mesh men hai. rahul gandhi ki vartaman men chandra men budh ki dasha 1 farvri 2013 se 1 julai 2014 tak rahegi. chunav ke vakt rahul gandhi ko chandra men budh men shani ki dashantar 10 aprail 2014 se 1 julai 2014 tak rahegi. gochar grahon ke man se chunav ke vakt rahul gandhi ki kundli ke man se surya ekadash evan dvadash bhav men, shani tula rashi men uchch ka hokar pancham bhav men rahu ke sath hoga, lagn men guru gochar karega, mangal ki chaturth bhav se saptam evan dasham bhav par purn drishti hogi evan surya ki bhi pancham bhav par drishti hogi.
mangal evan shani tatha surya ke karan v chandra men budh jo apsi shatru grah hanai uske sath shani ki pratyantar dasha gochar men hone par rahul ka jadu janta par chal paega?, unki mehanat parti ke lie labhkari siddh ho paegi ? kya ismen grahon ki anukulta rahegi ismen bhi sandeh hai. ukt grah gochar evan dashantar ke man se donon netaon men se shri rahul ki tulna men shri modi ke grah yog adhik balvan hain. bharat aur modi ki kundliyon ke grah-nakshatra men shri modi ki kundli ke grahon evan gochar se bharat ki kundli men surya men ketu athva shukra ki dashantar rahegi, vahin modi ko bhi chandra men guru men ketu athva shukra grah ki dashantar hogi.
shukra grah shri modi ki kundli men dasham bhav men shani ke sath hai aur us par guru ki purn drishti bhi hai. aise men narendrra modi loksbha men apni parti ke lie adhik siten prapt kar sabse bari parti ke rup men sthan dilane men kamyab ho sakte hain. narendra modi ko agami pradhanmantri banne ke prabal yog ke sanket hain lekin modi ke lie badhak grah bhagya bhav ki rashi kark ka svami chandrama hota hai jo nich ka hokar lagn men agni tatva grah mangal ke sath hai. mangal aur chandrama ki saptam bhav par purn drishti hone se shri modi ko sangathan ke sath-sath apne anya sahyogi dalon ko manana hoga anyatha kursi kisi tisre ke hath n chali jae.
shri rahul gandhi ki chandrama ki mahadsha 2017 tak rahegi, chandrama dvitiya bhav ka svami hokar lagn kundli men shashtham bhav men nich ka hai, chandrama ki mahadsha ke dauran rahul gandhi ko paroksh rup se apne hi logon se satark hokar karya karna hoga. isi dasha men utar charhav bhi dekhne honge. shri rahul gandhi ke grah gochar aur dashantar sanket de rahe hain ki rahul loksbha men sabse bari parti ke rup men siten dila paenge ismen sandeh hai. pradhanmantri ke rup men rahul gandhi ke grah yog bhi sakaratmak bhumika ada karne men asamarth hi honge.
rahul gandhi ko mangal ki mahadsha 2017 ke bad pranrabh hogi. mangl-surya ki yuti lagn men hai, us par guru aur shani ki purn drishti hai. is karan ve ek imandar evan sabko sath lekar chalne men vishvas karte hain. is karan 2017 ke bad agami nirvachan ke samay janta rahul gandhi ko pradhanmantri ke rup men prasand kar sakti hai.