chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai. pariksha men saflta hetu ganesh rudraksh dharan karen: budhvar ko ganesh ji ke mandir men jakar darshan karen tatha ganesh ji ko mung ke ladduon ka bhog chadhakar pariksha men pas hone ke lie prarthana karen. aisa 7 budhvar mandir men puja archana tatha bhog chadhaen apki manokamna avashya puri hogi. padonnati hetu shukla paksh ke somvar ko siddhiyog men tin gomti chakra chandi ke tar men ek sath bandhen tatha unhen har samay apne sath jeb men rakhen. isse vyavsay v sarvis donon men vishesh labh hota hai. pret badha se mukt karne hetu pret badha se mukt hone lie lagatar 21 din tak pratidin suryast ke samay gay ka adha kilo dudh len tatha usmen nau banud shuddh shahad bhi dalen v 10 bund gangajal bhi dalen. shuddh bartan men rakhakar shuddh vastra pahanakar har-har gange bolte hue ghar men chidkav karen. chidkav karne ke bad mukhya darvaje par akar shesh bache hue dudh ko dhar bandhakar vahin par gira den aur bolen- sankat kate mite sab pira. jo sumire hanumat balvira.. yah kriya 21 din tak karte rahen. hanuman chalisa v bajrang ban ka pratidin ghar men path karne se bhut pret badha nasht ho jati hai. mukaddame men vijay prapti hetu panch gomti chakra jeb men rakhakar nyayalay men jayen avashya saflta milegi. mrityu ki ashanka se bachne hetu - 600 gram jau ka ata 100 gram kale til, sarson ke tel men gunthakar ek mota rot bana len tatha ek hi taraf uski sikai karen. ult-palat n karen. sik jane par usko utar kar tel se rot ko chupad kar us par gud ki deli rakhakar pure sharir par utara karen. hanuman ji ke ukt mantra se ‘‘un sarva ro gahray namah’’ ka 11 shanivar ya mangal ka din utara karke bhainse ko khila den. 3-5-7 mangl-shanivar tak karen rogi ko labh ho jayega. - gud ke gulgule sava kilo sarson ke tel men pakakar shanivar v itvar ko rogi ke sharir ke upar se utara karke ukt mantra ko 7 bar bolen- ‘‘un raksho vidhvanshkarkay namah’’ chil, kaue, kabutar, chidiyon ko gulgule ke tukde dalen tatha bandron ko chana, gud khilaen. aisa 3-5-7 bar karen avashya labh ho jayega.
Kya aapko lekh pasand aaya?
Subscribe