bhavishyavaniyan karne ki anek paddhatiyan hain, jaise tairo kard, ank shastra, hast rekha, parashri paddhati, krishnamurti paddhati adi. uparyukt sabhi paddhatiyon ka upyog kiya gaya hai, lekin satik bhavishyavaniyan tatha ghatna kab ghatit hoga, iska nirnay jitna satik krishnamurti paddhati men paya gaya, utna shayad hi kisi paddhati men hai. krishnamurti paddhati koi alag se jyotish ki paddhati nahin hai. yah to parashriya paddhati evan pashchatya jyotish ka milajula sukshm rup hai. is paddhati men nakshatron ka vishesh mahatva hai. vaise dekha jae, to ramayan kal evan mahabharat kal men bhi nakshatron ka hi ullekh milta hai.
jin vyaktiyon ke pas apni janmapatri, ya janm samay ka data n ho, vah krishnamurti paddhati ki hora kundli ke dvara jivan ki samast samasyaon ke bare men jan sakta hai, jaise man tatha bachche ki kundli se yah ganna ki ja sakti hai ki man ne is bachche ke lie kab garbh dharan kiya tha? manvanchit santan prapti ke lie kaun sa muhurt thik rahega? stri evan purush ke madhur milan ke turant bad yah malum kiya ja sakta hai ki amuk stri garbhavati hai, ya nahin. garbhavati stri ki santan ka janm kab hoga? jurva bachchon ka janm kam se kam 10 saikend ke antar par bhi hota hai, to un donon ka alg-alag bhavishya kyon hoga? ek hi narsing hom men do mataen sanyogabash, ek hi samay par apne-apne bachchon ko janm deti hain. kya unka alg-alag bhavishya hoga, jabki donon ki kundli ek saman hai? vyakti ko apna janm samay sahi-sahi gyat n ho, to sanshodhan kar thik kiya ja sakta hai.
ek nirvachan kshetra se kai ummidvar chunav men khare hane, to unmen se kaun jitega? in sabki ganna bhi ki ja sakti hai. maich men kaun jitega? vyakti ko kis din dhan labh hoga, ya kis din dhan ki hani hogi? larka, ya larki ko shadi ke lie dekhne jana hai. vahan bat banegi, ya nahin? kai janmapatriyon ke bich se chantna hai ki kisse shadi hogi? santan ka yog kab hai? santan hogi, ya nahin? pati-patni men se kaun santan ke ayogya hai? paraspar anubandh hoga, ya nahin? nivesh karna chahte hain, to labh hoga, ya nahin? bimari kab tak thik ho jaegi? kab tak thik ho kar aspatal se apne ghar a jaenge? samne vala vyakti, sajhedar chal-kapat to nahin karega? sajhedar kya labhkari rahega? sajhedari tutegi to nahin? naukar rakhne se pahle malum karna ki vah vafadar rahega, ya nahin? kirayedar makan khali kab karega? kirayedar rakhne se pahle malum karna kirayedar thik rahega, ya nahin.
kahin jel jane ka yog to nahin? ay kar ka chapa parne ka yog to nahin? apaharan ka yog to nahin? pariksha men pas ho jaenge, ya nahin? intaravyu men saflta milegi, ya nahin? naukri karenge, ya vyapar? sthan parivartan ka yog to nahin? naukri men parivartan to nahin? tabadla kab hoga? apne jivan men kabhi vikhyat honge, ya nahin? vivah kab hoga? prem vivah safal hoga ki nahin? kya vivah men vilanb hone ka yog hai? kya vaivahik jivan thik rahega? vaivahik jivan men koi algav, ya talak ka yog to nahin? jivan ke har pahlu ka is paddhati se vishleshan kiya ja sakta hai. ek udaharan kundli di ja rahi hai, jiske bare men 3-3-2002 ko bhavishyavani ki gayi thi ki is bachche ka vivah 28-4-2003 ko hoga, jiska vishleshan is prakar haiah krishnamurti paddhati ke anusar vivah ke lie nimn likhit niyam hain:
û yadi satven bhav (kaspa) ka upadhipti upasvami 2, 7, ya 11 bhav ka suchak hai, to vivah sanbhav hai. yahan dusra bhav kutunb ka, satvan bhav vivah ka tatha gyarhvan bhav ichchapurti ka hai.
û yadi satven bhav (kaspa) ka upadhipti 1, 6, 4, 10 bhav ka suchak hai, to vivah katai nahin hoga.
û yadi satven bhav (kaspa) ka upadhipti 2, 7, 11 tatha 1, 6, 4, 10 bhav ka suchak hai, to 2, 7, 11 suchak grahon ki dasha men vivah hoga tatha 1, 6, 4, 10 suchak grahon ki dasha men algav hoga.
û yadi satven bhav (kaspa) ka upadhipti budh ho, ya upadhipti budh ke nakshatra men ho, ya dvisvabhav rashi men sthit ho, ya aise nakshatra men ho, jiska svami dvisvabhav rashi men sthit ho tatha 2, 7, 11 bhav ka suchak ho, to ek se adhik vivah hote hain.
û yadi satven bhav (kaspa) ka upadhipti, 7 ven bhav ka suchak n ho kar, 5 veen bhav ka suchak ho, to sirf prem hi hota hai, vivah nahin.
û yadi panchve bhav (kaspa) ka upadhipti 2, 5, 7, 11 bhav ka suchak ho, to prem vivah hota hai.
û yadi satven bhav (kaspa) ka upadhipti 2, 5, 7, 11 bhav ka suchak ho, to bhi prem vivah hota hai. 8. yadi dusre bhav (kaspa) ka upadhipti 2, 5, 11, 8 bhav ka suchak ho, to vyakti jivan bhar prem karta hai. vishleshn: is kundli men satven bhav (kaspa) ka upadhipti shukra hai, jo shukra ke hi nakshatra men sthit hai. shukra, 12 bhav men, mangal ki yuti men hain. mangal 7 evan 12 bhav ka svami hai. shukra guru ke upadhipti men sthit hai. guru yahan, 8 evan 9 bhav ka svami ho kar, lagn men sthit hai. ketu men min sthit ho kar guru ka pratinidhitva kar raha hai tatha 11 ven bhav men sthit hai. shukra tatha mangal ki yuti hai tatha, nakshatra ki sthiti anusar, 6 evan 12 bhav ke suchak hain. 6 ven bhav ka upadhipti budh, 2 evan 3 bhav men sthit ho kar, lagn men guru ke sath yuti men hain. budh, nakshatra ki sthiti ke anusar, 7 evan 12 bhav ka suchak hai. sabhi suchkon ko jora jae, to 2, 7, 11, 3, 8, 12 bhav suchak ate hain, jo shukra grah se sanbandh rakhte hain. patni sundar, lavanyamyi, ramniya, shaiya sukh pradan karne vali hogi. suchak grah:
û dusre bhav men surya sthit hai. surya ke nakshatra men koi grah nahin hai. dusre bhav ka svami budh hai. budh ke nakshatra men shani evan ketu sthit hain. atah suchak grah surya, shani, ketu evan budh hain.
û satven bhav men koi grah nahin hai. satven bhav ka svami mangal hai. mangal ke nakshatra men budh, guru evan rahu sthit hain. atah suchak grah budh, guru rahu evan mangal hai.
û gyarhven bhav men ketu sthit hai tatha ketu ke nakshatra men chandra sthit hai. gyarhven bhav ka svami shani hai. shani ke nakshatra men koi grah nahin hai. atah suchak grah chandra, ketu evan shani hain. bhav suchak grah 2 surya, shani, ketu, budh 7 budh, guru, rahu, mangal 11 chandra, ketu, shani adhipti grah: dinank 3-3-2002, samay 21.20, ko sthan modi nagar men nirnay liya gaya. us samay ka adhipti grah mangal, lagn ka nakshatradhipti budh, lagnadhipti rahu chandra nakshatradhipti, shukra, chandradhipti tatha surya din ka svami hai. vrishchik rashi men ketu sthit hai. atah ketu bhi adhipti grah hua. rahu evan ketu yadi adhipti grah ke sath yuti men hon, ya bhav men hon, ya unapar drishti ho, to adhipti grah men shamil kar liya jata hai. rahu evan ketu majbut suchak ho jate hain. atah adhipti grah mangal, ketu, budh, rahu, shukra evan surya hue. vivah ka samy: adhipti grah tatha suchak grahon men se saman grah chant len.
û suchak grah: surya, shani, ketu, budh, guru, rahu, mangal, chandra
û adhipti grah : mangal, ketu, budh, rahu, shukra, surya adhipti grah evan suchak grah men saman suchak grah, jo vivah ke 2, 7, 11 ke suchak hain, chant len. surya, ketu, budh, rahu mukhya suchak hain. surya ki mahadsha 02-10-2001 se 2-10-2007 surya men rahu 26-11-2002 se 21-10-2003 surya -rahu-budh 20-04-2003 se 06-06-2003 surya-rahu-budh-ketu 27-04-2003 se 29-04-2003 atah vivah 27-4-2003 se 29-4-2003 ke madhya dinank men hoga. vivah ka din nikalne ke lie us din ke grahon ko, khas kar chandra evan surya ka suchak grahon ke nakshatron men hona chahie. 28-4-2003 vivah ke dinank ki bhavishyavani ki gayi thi. isi din vivah sanpann hua. ab 28-4-2003 ke gochar grahon ka vishleshan karte hain ki kaun grah kis-kis nakshatra men sthit the.