sabhi anguli men prayah tin por hote hain, aur yadi yah jyada kate-fate n ho to achchi gunavatta ke vyaktitva ko darshati hai tatha samanyatah dhanadhay yog batati hai. anguthe men prayah char por ho sakte hain aur yah uchch ichcha shakti ki dyotak hai. tarjani ungli se guru parvat se hote hue budh parvat tatha kanishthaka ungli ke niche se jati hui rekha ko hriday rekha kaha gaya hai. hath men b se b dikhaya gaya hai. isse jati hui rekha ko mastishk rekha kahte hain, jo hamari soch aur achche dimag ka dyotak hai. a se e ko hriday rekha se dikhaya gaya hai. hriday rekha aur mastishk rekha ke bich ka rahu ka bhag kahlata hai. hath men k se darshaya kshetra rahu hai. shukra aur chandrama ke kshetra se bicho-bich jati hui rekha k se k ko bhagya rekha kaha gaya hai. yah rekha jitni spasht hogi vyakti utna bhagyashali hoga. bhagya rekha ke bich men parne par kshetra mangal tatha niche chandra ke thik samne ketu ka kshetra hai. hath men inhen p aur j se darshaya gaya hai. ayu rekha aur budh parvat ki or jane vali rekha ko svasthya rekha kahte hain, yah prayah sabhi hathon men nahin pai jati. kuch log antajrnyan rekha tatha bhagya rekha ko hi svasthya rekha samajh lete hain jo ki galat hoti hai.
hatheli men b se b ke kshetriya rekha ko ayu rekha kaha gaya hai. jo vyakti ki ayu sima nirdharit karti hai. hatheli men kalai ke pas manibandh rekha se darshaya gaya hai. prayah yah tin bhagon men hoti hai tatha thora chennuma ho sakti hai. vaivahik jivan men yah rekha mukhya bhumika nibhati hai. jinke hath men yah rekha hoti hai unka svabhav gusse vala to hota hi hai tatha shadi ke bad achcha badlav dekhne ko milta hai. prayah mahilaen thora chirchiri hoti hai aur gahnon ki bahut shaukin hoti hai. th se th ka kshetra chandrama ko darshata hai. yah vyakti vishesh ki vaivahik kshamata ko darshata hai tatha jitni rekhaen ari-tirchi chandrama men rahti hai, utne chote-chote prem prasang ko darshati hai. prayah aisi rekha vale hath thora chanchal pae gae hain. hath p se mangal ke kshetra ko darshaya gaya hai.
surya rekha: kisi bhi vyakti ke hath men surya rekha athva parvat ka utna hi mahatva hai jitna ek majbut jigar ka. kisi ke majbut jigar ka hona matalab achcha surya hona. hath th ki ajibo-garib surya rekha hai. surya rekha k se k ki or jati hui dikhayi gai hai. k se k ki or jane vali rekha us vyakti ko bahut unchi soch dikhati hai tatha b se b rekha pralobhan men ana, jhutha dikhava karna, barai karna adi dikhati hai. chunki k se k rekha niche rahu ko chu rahi hai islie surya rahu ke sath milakar rajnitigya banati hai, chunki k se k rekha surya ko dikhati hai to vyakti jyada chaliya nahin hota hai. b se b ki rekha ekadam se josh aur avesh ko dikhati hai. k se k ki rekha jo ki niche ki or ja rahi hai. atm vishvas men kami karti hai.
achanak se man ko hatash karti hai aur lakshya se vichlit karti hai. ch se ch ki rekha achanak dhan labh dikhati hai aur kisi bhi vyavsayikta men dhan labh dikhati hai, dhan labh niji ho sakta hai. d se . valay samajik badnami dikhati hai. chunki yah valay shukra mudrika bhi darshati hai islie samman men kami kar sakti hai aur vyavharik taur par badnami bhi de sakti hai. valay ki taraf jo udhrvadhar rekhaen jati hai, jo anavashyak prem sanbandh darshati hai jo svarthavash ho sakti hai. v darshaya gaya pvaint hai jo tribhuj ke akar ka hota hai. yah bina kisi upalabdhi ke upalabdhi dilva sakta hai. niche darshaye gae chaturbhuj paitrik ghar aur sanpatti ko darshate hain, yah rekha surya parvat se jitni duri par hoti hai ghar utni hi deri se banta hai. surya rahu ki taraf barhta hai to surya aur rahu ki yuti bhi darshayi ja sakti hai. surya men til ka nishan adhik rupye ko n dikhakar grahan ka yog dikhata hai. mili-juli aur dvip vali rekha parakram ko kam karke svabhav ko chanchal tatha dhan ke prati lalchi banati hai tatha kisi n kisi madhyam se dhan ko kamane ki koshish karte hai, chunki svabhiman kahin n kahin are ata hai, islie dhan ke len-den men chinta karte hain aur prayah imandar hote hain. bimari ke taur par inhen kai rog hote hain. inka svabhav kabhi-kabhi ugra paya gaya hai. kyonki inki mata-pita se prayah kam hi patti hai. khane-pine ke shaukin hote hain tatha svad ke prayah pasandida hote hain.
8 prakar ke hathon ki vivechna karte samay anamika ko khas prakar se dhyan dete hain. yah prayah chaturbhuj akar ke hote hain. anamika ke pratham por k se k ka jal rashiyan. yah jal prayah patle sire se shuru hokar chaire k shire tak ja sakta hai. jal ki rekhaen bahut dhani n hokar thori dur-dur bhi ho sakti hai. jin hathon men yah jal paya jata hai unhen prayah pita ka sukh kam hi nasib hota hai. unke astitva men ane ke sath hi unke pita ki mrityu ho jati hai. ya yun kah sakte hain ki unke hote hi pita ki mrityu ho jati hai. pita ki mrityu ke bad dhire-dhire chinh khatm pratit hota hai. fir bhi khatm hote hote 10 se 15 sal bhi lag sakte hain. hriday rekha ka chitra jo apko dikhaya gaya hai, vah bahut hi sanvednshil logon ke lie hota hai, prayah inki tabiyat bhi naram hoti hai. jyadatar pet sanbandhi tatha sans sanbandhi pareshaniyan ho sakti hain. aisi hriday rekha vale vyakti prayah tunak mijaj tatha kabhi khushi kabhi gam vale hote hain. hriday rekha ko katti hui ek rekha b se b ko jati hai jo shani parvat ki or jati hai. ise ham guru shani yuti athva guru shani ka sanbandh kah sakte hain. is rekha ke hone se antajrnyan gyan men vriddhi hoti hai tatha inki apne mata-pita se jyada nahin banti hai. mastishk rekha jo chandrama kshetra ki or jane vali mastishk rekha har roj men thora-thora gyan dikhati hai tatha uchch shiksha ko dikhati hai. is tarah ki rekha kai bar sidhi chandrama ki taraf niklti hai, yah rekha ahankar ko dikhati hai tatha vyakti ke adhure gyan ka sanket deti hai.
mastishk rekha men ek v rekha dikhai gai hai. jhuki hui mastishk rekha ka achanak uthna, barai karne vala svabhav batata hai, aise vyakti prayah krodhi, munhafat tatha apni barai khud hi karte hain. ayu rekha men dvip ka nishan bimari deta hai, bimari bhi aisi jo pakar men n ave. ayu rekha men dvip jindgi men bevajah tanav deta hai tatha koi bhi kam asani se nahin ho pate hain. prayah jivan tanavpurn hota hai. mastishk rekha jitni choti utni kashtadayi hoti hai tatha vyakti ke tuchch vicharon ko darshati hai, aise vyakti men khud ke nirnay lene ki kshamata nahin rahti hai tatha parhai bhi prayah kam hi rahti hai. sabse mahatvapurn bat yah hai ki inmen duradarshita prayah kam pai jati hai. ye apne tuchch vicharon se kuch bhi kar sakte hain tatha kisi ko kuch bhi kah sakte hain. inmen duradarshita ki kami payi jati hai aur jin vyaktiyon men duradarshita nahin rahti unka dil bahut majbut rahta hai. kyonki ve age aur gahrai se vichar karke apni dimag nahin khapate hain. dil se kathor nirdayi hote hain.
hath men dikhayi gai bhagya rekha ek nahin kai kamon aur vicharon ko vyakt karti hai, us tarah ki bhagya rekha men n janen kitni uthl-puthal rahti hai. parhai bhi thik se nahin ho pati hai, man ekagra nahin rahta hai, kisi bhi kam ki shuruat mahaj ek ittefak hoti hai aur bhagya se chalta hua kam achanak ruk jata hai ya dusra kam shuru ho jata hai. sthirta milna thora mushkil rahta hai. fir bhi jaise taise karke apna jivan yapan karte hain aur akhirkar apni jindgi ji hi lete hain.
agar bat charitra ki karte hain to apne jivan sathi se prayah naraj hote rahte hain. mansikta itni majbut nahin rahti hai. har samay apne bhagya ko koste rahte hain, darasal mehnti thora kam hi rahte hain, yadi bhagya rekha sidhi ho thik nahin ho to bhagya rekha n ho to jyada achcha hai. bhagya rekha men bana trishul vyakti ko antajrnyan tatha tantra, mantra ko darshata hai. aisa vyakti tantra, mantra sadhna men prayah lin rahta hai ya kah sakte hain ki dharm tatha jyotish ke prati rujhan jyada rahta hai. prayah aise vyakti mudi dekhe gae hain. jaldi hi kisi bhi chiz se ub jate hain tatha kisi se dosti bhi utni hi jaldi se karte hain jitni jaldi bor ho jate hain.
shani rekha sidhi ho to jatak adhik umra tak javan dikhta hai. lekin mehnti prayah kam hota hai. sidhi shani (bhagya rekha) vala vyakti prayah bhagya par nirbhar hota dekha gaya hai. alasya pravritti ka hota hai, karm se jyada bhagya par yakin karta hai, prayah khubsurat tatha ghunghrale bal hote hain, kyonki shani (bhagya) rekha pradhan hoti hai. yadi yah shani rekha chote hathon men hoti hai to vyakti kunthit pravriti ka hota hai, sirf bari-bari baten karta hai.
k se k bhagya rekha ko darshati hai. bich se tuta hua bhag v achanak se karya men badlav lata hai. kisi ek vyavsay athva karya ka parivartan darshata hai. achanak karya karte-karte ap koi dusra vyavsay bhi kar sakte hain. tuti hui bhagya rekha santushti ko nahin darshata hai, v se ch rekha achanak karya karte-karte boriyat mahsus karna karya parivartan karna dikhata hai. yadi k se k rekha ki bat karen to shadishuda jindgi inki itni safal nahin hoti hai. lanbi shani rekha men sapne kafi bare hote hain, rajnitigya yogyataen tatha vilakshan buddhi payi jati hai. gariyon ka shauk rahta hai tatha kabhi-kabhi barai karne vale bhi hote hain. apne munh se apni tarif karne vale hote hain. chandrama parvat a se a men khinchi gai rekhaen asamay tatha bina karan ke yatra darshati hai. sidhi rekha shra par adhi rekha ch prem sanbandh (gupta) darshati hai. yah prem sanbandh gupt bhi ho sakta hai. jo kabhi ujagar nahin hota hai. b se b prem rekha tatha yatra priya rekha kahlati hai. ye vyakti prayah yatra ke shaukin hote hain tatha b se b rekha gupt prem sanbandh tatha romantik svabhav ka bhi dyotak hai. yadi vah sari rekhaen vargakar hath men hoti hai to vyakti apna niji vyavsay chalata hai tatha nam kamata hai. yadi yah rekhaen darshanik hath men hoti hai to vyakti umangshil pravritti ka tatha kala premi hota hai. use paison ka abhav prayah kam hi hota hai.