pahle vyapar ka mul sadhan vastu vinimay tha. ek vastu ke badle dusri vastu kharidi jati thi. isse pahle gayon ke madhyam se hi vyakti ki arthik sthati ka mulyankan hota tha. vastu vinimay ke bad dhatu, chamra,sona, chandi, tanba, kansa, inke sikkon ke dvara len-den hone laga fir kagaj ki khoj hui, fir kagaj ke rupye aye. aj ke is vaigyanik yug men plastik mani, kredit kard, chek adi ka prachalan hai. parantu sheyar bajar men to kampyutar ilektraenik mani ka prachalan aya kyonki vastu ke len-den men kampyutar dvara ek khate se dusre khate men len den ka mukhya hissa ban gaya. sahi mayne men sheyar ko agar dekhen to ek prakar ki bhagedari hai.
us kanpni men jiske sheyar liye gaye hain. pahle jab vastu vinimay hota tha to us vastu ke karak grah se hota tha. jaise anaj ke lie shukra, rajniti ke lie shani, sone ke lie surya, chaval ke lie chandi, dudh se bani vastu ke lie chandra, davai v medikal se sanbandhit vastu ke lie mangal adi ka vichar kiya jata tha. parantu ab to sara vyapar sheyar bajar se hota hai. kampayutar aur dimag ka malik rahu aur surya hai aur sheyar ka malik brihaspati. arthat jiske surya, rahu v brihaspati achche hue, vah uttam vyapari hoga.
brihaspati vyapar, surya uttam dimag, rahu astitva men ane vale vichar. surya, rahu v brihaspati kundli men achcha hoga to vyakti achcha vyapari hoga parantu surya ki mahadsha men rahu ka antar hoga to achcha nahin hoga. surya, brihaspati ki mahadsha men rahu ke antar ane par kya achcha hoga. parantu ham is par aise nahin soch sakte, parantu hamen kisi nirnay par jane se pahle yah sochna parega ki rahu kundli men kin-kin bhavon men ho to vyapar achcha hoga. isse bhi pahle hamen yah dekhna chahie ki rahu, surya aur brihaspati kis nakshatra men hain
kyonki ismen nakshatron ka sel jyada hoga, is par bhi vichar karna chahie. jaise purvasharha nakshatra ho, shukravar ho aur rashi makar ho to bhari mashinri, siment, stil adi chijon men barhottari karega. pichle kuch varshon men bharat ke sheyar bajar teji ki or ja rahe hain. dekha jay to vishva stariya arthik mapdand ke nivesh ke chalte pure vishva ke bajaron men teji ka rukh hai. ane vale samay men aprail mahine men saeftaveyar, ilektraenik midiya, suchna udyog se sanbandhit vastuon men utsah dekha ja sakta hai.
isi prakar mai mahine men dhanishtha nakshatra, kunbh rashi men, ravivar se mahina shuru hoga. is mahine ke panchak se aranbh hone ke karan achanak teji- mandi donon ho sakti hai arthat sthirta rahegi, mas ke ant tak kampyutar saeftaveyar, ilektraenik aur vahnon se sanbandhit saman men teji ayegi jo jyada din nahin tikegi. jun mahine men revti nakshatra, mesh rashi budhvar ke din se mahine ke shuruat hogi, yah bhi sthirta ka karak hai.
parantu mas ke madhya men kuch sudhar ayega jismen dur sanchar, gais, petroliyam v dhatuon ke sheyar men sudhar ane ki sanbhavna rahegi.