nau grahon men kisi grah ke kamjor hone par jyotishi aksar ratn dharan karne ki salah dete hain. par ratn apna sakaratmak prabhav tabhi dikha paega, jab use sahi niyamanusar dharan kiya jae. ratn vigyan men pratyek ratn ke dharan karne ke lie ek nishchit map tay kiya gaya hai. atah nishchit map ka ratn dharan karna hi labhaprad hota hai usse kam ya adhik ka nahin. ratnon ka nakaratmak prabhav bhi hota hai. islie ratn dharan karte samay kisi ratn visheshagya se salah avashya len. kai bar log bina jyotishi salah ke hi ratn dharan kar lete hain. jo kai bar ulta asar kar deta hai. ratn agar samay vishesh aur vidhi vidhan ke dharan nahin kiye jaen to ulta asar bhi kar sakte hai. islie in sab baton ki savdhani bartna avashyak hain. kab dharan karne chahie ratn aur kab dharan karna ho sakta hai. nuksandeh aiye jante hain.
grah aur ratna-
surya ko balshali banane ke liye sone ki anguthi men manikya dharan kar sakte hain .
chandrama ka ratn moti aur dhatu chandi hai.
mangal ka ratn munga aur dhatu tanba.
budh ka ratn hai panna aur dhatu hai sona.
guru ka ratn pukhraj hai aur dhatu hai sona.
shukra ka ratn hai hira aur dhatu chandi hai.
shani ka ratn nilam aur dhatu loha hai.
rahu ka priya ratn hai gomed aur dhatu hai ashtadhatu.
lahsuniyan ketu ka ratn hai jise sona athva tanba ki anguthi men dharan kiya ja sakta hai.
ratn sanbandhi savdhani -
ratnon ka usse sambandhit grahon ke sath urja ka gahra sambandh hota hai. ratn dharan karne par us grah ki urja ka prabhav vyakti par parne lagta hai. ham ye kah sakte hain ki ratn grahon ka chota pratirup hi hote hain. islie ratn dharan karne par uski urja ka prabhav ap par avashya hi parta hai. kai bar ye fal shubh aur ashubh bhi ho sakte hain. islie ratn dharan karne men vishesh savdhani rakhni chahie.
kisi bhi ratn ko dharan karne se purva kisi achche jyotish visheshagya se salah avashya len.
ratn ki pran pratishtha aur vidhi vidhan ke sath grah ki hora v shubh muhurt men hi use dharan karen.
kisi grah ki dasha antardasha se ashubh prabhav ban raha ho to us grah se sambandhit ratn pahnna ashubh hota hai. agar aisi paristhiti ban rahi ho to grah mitra ka ratn ya lagnesh ka ratn dharan karen to shubhfldai hoga.
ratn dharan karte samay ye dhyan rakhen ki usmen koi tut-fut jaise dag-dhabbe, darar nahin honi chahie.
vishesh-
aksar aisa hota hai jab log apni rashi, lagn aur jo mahadsha chal rahi hai uske anusar ratn dharan kar lete hain. aisa log aksar bina visheshagya ki salah ke kar lete hain. man lijiye agar apki kisi galat grah ki mahadsha chal rahi hai aur apne usi grah ka ratn bhi dharan kar liya to ap par ye viprit prabhav hi dalega. isse apki pareshaniyan kam hone ke bajaye barh sakti hain.
kab n karen ratn dharan :-
amavasya, grahan ya sankranti kal ko kabhi bhi ratn dharan nahin karna chahie.
kisi bhi mah ke krishn paksh men ratn dharan nahin karne chahie. ratn hamesh shukla paksh men hi dharan karen.
chaturthi, navmi aur chaturdashi tithi ko bhi ratn dharan nahin karne chahie.
gochar men chandrama rashi ka chautha, athvan aur bahrva sthan nahin hona chahie.
nich ya ashubh grahon ka ratn kabhi dharan nahin karen.
ap jis grah ka ratn dharan karne ja rahe hain uski mahadsha men yadi pap grah ya shatru grah ki antardasha chal rahi ho to is sthiti men bhi sambandhit ratn dharan nahin kiya jana chahie.
apni kundli men rajyogon ki jankari paen brihat kundli riporta men
kundli men hai koi dosh to in baton ka rakhen dhyan :-
ratn dharan karte samay ke sath sath uske vajan ka bhi dhyan rakha jana chahie . dhyan rahe ki anupyukt vajan ka ratn dharan nahin karen. iske sath hi agar apki kundli men koi dosh jaise pitri dosh ya kal sarp dosh jaise dosh hon to bhi kuch vishesh baton ka dhyan rakhna chahie.
agar apke sath shatru ya pap grah upasthit n ho to hi ap 15 digri se kam ke grah ke ratn ko dharan karen.
ek se adhik ratn dharan karte samay is bat ka pura dhyan rakhen ki pratikul prabhav vale, paraspar shatru rashiyon vale ratn bhulakar bhi n dharan karen.
suryagrahan, chandragrahan jaisa koi dosh ho to manik aur moti dharan na karen lakin surya aur chandrama ki dhatuen sona aur chandi dharan kar sakte hain.
jo bhi ratn pahnne vale hon uska vajan 8 kairet se adhik nahin hona chahie. ye koi prabhav nahi dikhta hai.
agar ap is tarah ki kisi pareshani se jujh rahen hai to apni kundli ka visheshagya jyotishi kisi bhi ratn ki anukulta ko janchne ke lie us grah ke anusar reshmi vastra men lapet kar pujit karne ke pashchat banh men dharan karen.
kalasarp dosh hone ki stithi men rahu-ketu se jure ratn gomed aur lahsuniya dharan karne ki manahi hai lekin ratn visheshagyaon ki salah par uparatn pahne ja sakte hain.
pitridosh men manik, moti, gomed, lahsuniya, nilam dharan karna varjit hai.
ratn kabhi bhi paun ratti ka n khariden. hamesha sava ya vajan vala hi ratn khariden. jaise ap jyotishi ki salah par sava char ratti, sava panch ratti, sava nau ratti adi ka ratn dharan kar sakte hain.
ratn ko hamesha uske shubh din ya tithi men dharan karen, jaise manikya ravivar ke din, moti ko somvar ke din, pukhraj ko guruvar ke din, munga ko manglvar ke din, panna ko budhvar ke din, nilam, gomed aur lahsuniya ko shanivar ke din dharan karen.
ratn ko hamesha usse sanbandhit dhatu men hi banvakar dharan karna chahie, jaise moti ko chandi men, pukhraj ko sone men adi.
ratn ko hamesha usse sanbandhit ungli men hi dharan karna chahie. mangal ke devguru brihaspati ke ratn pukhraj ko tarjani men, shani se sanbandhit ratn ko madhyama men pahnna chahie.
kisi bhi ratn ko mas ki chaturthi, navmi aur chaturdashi tithi ko nahin dharan karna chahie.se paramarsh len.
ratn dharan karte samay anya baton aur jyotish salah ke lie hamare jyotishacharya se ap paramarsh le sakte hain.