ank se janie rog aur uska bachav pan. em. si bhatt janm kundli men chathe bhav se rogon ki pahchan ki jati hai aur uske jyotishiya upay bhi bataye jate hain jo jyada kharchile hote hain lekin ank jyotish se rog ki pahchan aur usse bachav ka jo anokha tarika is lekh men bataya gaya hai vah am admi ke karne aur parhne layak hai. jivan men saflta ke liye vyakti ka svasth hona bahut avashyak hai. lekin pratyek janmank ke sath antarnihit sahaj rog sanbhavnaen hoti hain aur janmank unke bachav ka upay bhi batata hai jiska samuchit labh uthakar vyakti svasthya-labh prapt kar sakta hai.
ank 1 arthat pahli, 10, 19 ya 28 tarikh ko paida hue vyaktiyon ke liye jo fal aur jari-butiyan upyogi hain, ve hain - kishmish, bebune ke ful, kesar, laung, jayafal, pattharachur, santra, ninbu, khajur, adarak, saunth, jau ki roti aur jau ka pani adi. ank 1 vale vyaktiyon ko shahad ka bhi khub prayog karna chahiye. unke 19ven, 28ven, 37ven varsh men unke svasthya men kisi n kisi rup men mahatvapurn parivartan honge. aise vyaktiyon ko aktubar, disanbar aur janvri mah men svasthya raksha par vishesh dhyan dena chahie.
buy detail numerology report
ank 2 arthat 2, 11, 20 athva 29 tarikh ko utpann hue vyaktiyon ko pet athva pachan tantra ke rog ho sakat e h.ain unh en tame ne , jahrvad, gais, ankhon men sujan, rasauli ya fora adi ho sakta hai. in vyaktiyon ke liye salad, gobhi, kumhara, khira, kakri, tarbuj, chikori ya kasni, karam ka sag, kela aur bhinsa ki bhasm adi sag-sabjiyan aur butiyan upyogi hoti hain. 20ven, 25ven , 29ven, 43 ven, 47 ven, 52 ven aur 65ven varsh men unke svasthya men mahatvapurn parivartan ate hain. unhen janvri, farvri aur julai adi mahinon men apne svasthya ka vishesh dhyan rakhna chahie.
ank 3 arthat 3, 12, 21 ya 30 tarikh ko paida hue vyaktiyon men yah ichcha hoti hai ki ve jo kam kar rahe hain, usmen kuch baki n rah jaye. islie adhik karya karne ke karan unke snayu-tantra par adhik jor parta hai, islie unhen tantrikaon men sujan, shiyatika dard aur anek tvacha rog ho sakte hain. in logon ke liye chukandar, pattharachur, vilbairi, shatavar, cheri, straberi, sev, shahtut, nashpati, jaitun, khendchini, anar, annas, angur, podina, kesar, jayafal, laung, badam, anjir aur pahari badam adi fal aur butiyan upyogi hain. unhen disanbar, farvri, jun aur sitanbar men apne svasthya ka vishesh dhyan rakhna chahiye. unke jivan ke 12ven, 21ven, 39ven, 48ven aur 57ven varsh men svasthya men mahatvapurn parivartan ka yog hai.
ank 4 arthat 4, 13, 22 ya 31 tarikh ko paida hue logon ko kuch mahatvapurn rog hone ka bhay rahta hai jiska nirakaran hona kathin hota hai. unko pagalapan, mansik asvasthata, rakt ki kami, sir, kamar, mutrasthan aur gurdo men pira ho sakti hai. is ank vale vyaktiyon ke lie palak sardiyon ki hari sabjiyan, lokat, ailaindmas aur soloman sil adi chijen upyogi hain. ank 4 valon ko bijli ke ilaj se atyadhik labh pahunchta hai. unhen mansik sujhav aur sammohan se bhi labh hota hai. lekin unhen nashili davaon, masaledar bhojan aur lal rang ke mans se parhej karna chahiye. unhen janvri, farvri, julai, agast aur sitanbar mah men svasthya ka vishesh dhyan rakhna chahie. svasthya ki drishti se unke liye 12van, 13 van, 31 van, 40 van, 49van aur 58van varsh mahatvapurn hote hain.
ank 5 arthat 5, 14 ya 23 tarikh men paida hue vyakti bahut adhik tanav men rahte hain. ve mansik aur snayvik tanav men jine ke abhyast ho jate hain. unhen ankhon, chehre aur hathon ke tedhe-medhe hone ka bhay bana rahta hai. unke snayuon par dabav rahta hai. ve anidra athva adhrang adi ke shikar ho sakte hain. unke liye sona, aram karna aur shant rahna hi sabse achchi aushdhiyan hain. ank 5 valon ke lie chukandar, otsamil athva ots ki roti ke rup men ots, karajmod, sabhi prakar ki giriyan, vishesh rup se akhrot aur pahari badam adi upyogi rahte hain. ank 5 vale vyaktiyon ko jun, sitanbar aur disanbar ke mahinon men apne svasthya ke sanbandh men satark rahna chahiye. svasthya ki drishti se unke liye 10van, 41van aur 50van varsh mahatvapurn hota hai.
ank 6 arthat 6, 15 ya 24 tarikh ko paida hue vyaktiyon ke lie sabhi prakar ki faliyan, chukandar, palak, majja, tarbuj, anar, sev, nashpati, khubani, anjir, akhrot, badam, medans, farn ka ras, daifonil, kasturi, vanfsha, gandhven aur gulab ke patte adi, fal aur jari-butiyan upyogi rahti hai. in vyaktiyon ko mai, aktubar aur navanbar ke mahine men apne svasthya ka vishesh dhyan rakhna chahiye. inka 15van, 24van, 42van, 51van aur 60van varsh svasthya ki drishti se mahatvapurn hota hai.
ank 7 arthat kisi bhi mahine ki 7, 16 ya 25 tarikh ko paida hue vyakti anya shreni ke vyaktiyon ki apeksha adhik chintit rahte hain. jab tak ve thik rahte hain, jitna chahe kam karte rahte hain. parantu jab paristhitiyon ke karan chintit ho jate hain to sochne lagte hain ki sab chijen galat hain aur ve nirash ho jate hain. unke aspas ke vatavaran ka un par bahut prabhav parta hai. sahi mulyankan kiye jane par ve koi bhi uttaradayitva lene ko taiyar rahte hain. unhen jo bhi kam diya jata hai, ve uske prati bahut sajag rahte hain, parantu ve sharir ki apeksha mansik rup se sashakt hote hain. islie unki dehayashti dubli-patli hoti hai aur ve apni shakti se adhik karya karne ka yatn karte hain. unki tvacha bahut mulayam tatha chot adi ke prati sanvednshil hoti hai. kisi aisi chij ke khane se jo hajam n ho ya anukul n ho to sharir par funsiyan nikal ati hai. in vyaktiyon ke liye salad, gobhi, chinkori, khira, kakri, alsi, khunbi, sev, angur aur sabhi falon ke ras upyogi vastuen hain. janvri, farvri, julai aur agast ke mahine men in logon ko svasthya ke prati vishesh satark rahna chahiye. svasthya parivartan ki drishti se 7van, 16van, 25van, 34van, 43van, 52van aur 61van varsh inke liye mahatvapurn varsh hai.
ank 8 arthat kisi bhi mahine ki 8, 17 ya 26 tarikh ko paida hue vyaktiyon ko anya logon ki apeksha jigar, pittashay, anton tatha malotsarjan se sanbandhit kasht hone ki sanbhavna rahti hai. unhen siradard, raktarog, vahnon se jahrbad tatha gathiya adi bimariyon ke hone ka bhay rahta hai. unhen jahan tak sanbhav ho, falon, jari-butiyon aur sabjiyon ka prayog karna chahiye. aise vyaktiyon ko palak, gajar, kela, ajmod tatha jangli gandhven adi ka prayog karna chahiye tatha disanbar, janvri, farvri aur julai mahinon men svasthya ka vishesh dhyan rakhna chahiye. shakti se adhik karya karne se kasht ho sakta hai. unke svasthya ke liye 17van, 26van, 35van aur 62van varsh mahatvapurn ho sakta hai.
ank 9 arthat kisi bhi mahine ki 9, 18 ya 27 tarikh ko utpann hue vyaktiyon ko sabhi tarah ke bukhar, khasra, mata, chiknpoks, chakatte adi rog hone ka bhay rahta hai. unhen adhik paushtik bhojan aur madya sevan se bachna chahiye. unhen pyaj, lahsun, muli, adarak, mirch, revandachini, tori, majith aur bichchu buti ke ras ka sevan karna chahiye. aise vyaktiyon ko aprail, mai, aktubar aur navanbar ke mahinon men apne svasthya ka vishesh rup se dhyan rakhna chahiye. svasthya ki drishti se unke jivan ka 9van, 18van, 27van, 36van, 45van aur 63van varsh mahatvapurn hote hain. jin jari-butiyon ka yahan varnan kiya gaya hai, ve prayah sabhi deshon men prapt hoti hain aur prakritik rup se rognashak hain.