jyotish dvara jatak ke sharir men hone vale kisi bhi rog ki bhavishyavani samay rahte ki ja sakti hai. jahan kundli ke pratham, tritiya tatha ashtam bhav vyakti ke jivan tatva ko pradarshit karte hanai vahin chatha bhav rog ko, barhvan aspatal ko tatha satvan evan dvitiya bhav maran ko pradarshit karte hanai. kundli men surya ki avastha hriday ki sthiti ki suchak hoti hai. surya samast srishti men urja evan tap ka srot hai aur yahi karan hai ki vah jaivik deh men hriday ka suchak hai. hriday rog ki sanbhavna us samay barh jati hai jab surya dushprabhavit ho raha ho. iske atirikt surya ki rashi sinh bhi mahatvapurn hai .
hriday rog mukhyatah do svarupon men drishtigochar hota hai pahla hridyghat jo ki akasmat hota hai tatha uska kisi prakar ka purvabhas rogi ko nahin hota aur dusri samasya valva sanbandhi . hriday men anek chote chote surakh sadrish valva hote hain jo rudhir ke ektrfa bahav ko niyantrit karte hain . ye valva pratyek hart dharakan ke sath hi band hote hain tatha rudhir ke punragaman ko badhit karte hue raktachap ko bhi niyantrit karte hain . in valva men utpann sikuran ya inka band hona janleva ho jata hai.
hriday ki taraf jane vali sabhi dhamniyon ki sthiti budh dvara pradarshit hoti hai tatha sharir ke kisi bhi ang men koi sikuran ya kharabi ka karan shani hota hai . vyakti ke mastishk ki avastha mangal dvara pradarshit hoti hai tatha rakt evan rakt chap chandrama evan kark rashi dvara dekhe jate hanai. hridyaghat ke adhikatar prakrnon men dekha ja sakta hai ki iska mul karan koi akasmik mansik aghat hota hai. is prakar ke prakrnon men surya evan chandrama par mangal ka dushprabhav dekha gaya hai . mangal evan chandrama sanyukt rup se vyakti ki mansik avastha ke dyotak hote hain.
yadi mangal yuti athva drishti se chandrama ko dushprabhavit kar raha ho to vyakti men asamanya raktachap ki shikayat dekhne men ati hai tatha jab yah surya ko bhi prabhavit karen aur dasha, antardasha evan gocharavash in tinon ka samuhik prabhav ho tab vyakti kisi mansik aghat se pirit hokar hridyaghat ki avastha men chala jata hai . is prakar ka aghat shani, rahu evan ketu bhi utpann kar sakte hain basharte ve surya evan chandrama ko dushprabhavit kar rahe hon . sarvapratham yah dekhna avashyak hai ki kya vyakti ke hriday rogi hone ke kisi prakar ke lakshan kudli men hain kya ? yah yog dekhne ke lie kanudli men chaturth bhav, chaturthesh, surya, chandrama evan donon ki rashiyon kramshah sinh evan kark ka parikshan kiya jana chahie.
kisi bhi grah ya rashi par dushprabhav uski sthiti, drishti evan yuti ke karan ho sakta hai. iske atirikt inke marak bhav men sthit grahon evan rashiyon ka bhi adhyayan kiya jana chahie. yadi yah spasht ho jata hai ki vyakti ke hriday ke rugn hone ki sanbhavna hai to yah dekhna chahie ki chathe bhav men sthit grah ya uske svami tatha badhak sthanadhipti ya badhak bhav men upasthit grah ki dasha, antar ya pratyantar men yuti kab hoti hai.
yadi iske sath hi prabal markesh bhi kisi rup men karyarat ho raha hai, to mrityu ya mrityutulya kasht hoga, kintu ekadshesh ya ekadash bhav men upasthit grah ki bhi kisi rup men dasha, antar ya pratyantar ho to vyakti niahsandeh upchar se nirog ho jaega. yadi dashanath, antrnath ya pratyantrnath ketu ya shani ho athva ketu se yut koi grah ho to aisi avastha men shalya chiktsia ke yog bante hain, kintu shalya chikitsa dvara rog thik hone ke lie avashyak hai ki shani athva ketu kanudli men sakaratmak avastha men upasthit ho, anyatha shalya chikitsa safal nahin ho pati hai tatha anya piraen bhi utpann ho jati hain.
budh par yadi shani evan ketu ka prabhav ho to enjiyografi evan enjiyoplasti ho sakti hai. udaharanasvarup nimn kundli ka adhyayan karen. is kundli men chaturthesh brihaspati shashth bhav men rahu ke shatbhisha nakshatra men upasthit hai tatha dvadash bhav men upasthit shani se purn drisht hai. chandrama shani ki rashi makar men tatha ashtamesh evan tritiyesh mangal ke nakshatra men upasthit hai. surya ki rashi sinh men shani virajman hai tatha apni dasham drishti se surya ko dekh raha hai. lagnesh ashtam bhav men sthit hai tatha mangal, jo ashtamesh hai, lagn men upasthit hokar ashtam bhav men lagnesh ko purn drishti se dekh raha hai.
is vivechan se spasht hai ki jatak ke hriday ki avastha niahsandeh kamjor hai tatha lagnesh ki sthiti rugnata ke yog bhi utpann kar rahi hai. jatak ko agast 1989 men kanudli dikhane par bataya gaya ki disanbar 1989 ke bad svasthya ka vishesh dhyan rakhe kyonki shani ki mahadsha praranbh ho rahi thi. use hriday rog hone ki ashanka se avagat karaya gaya tatha yah bhi bataya gaya ki agast 1995 tak shani men budh ka antar chalega aur yah dhamniyon ka rog utpann karega jiska ilaj bina shalya chikitsa ke chalega tatha safal hone ki sanbhavna kam hai kyonki jatak ka budh ashtam bhav men mangal ki rashi men evan surya ke nakshatra krittika men upasthit hai jo dvadshesh hai aur navmansh kudli men bhi saptam marak evan badhak bhav men upasthit hai.
tatpashchat aktubar 1996 tak chalne vale shani men ketu ke antar men shalya chikitsa karvani par sakti hai. ketu ke kendra men avasthit hone tatha ekadshesh chandrama ke nakshatra men upasthit hone ke falasvarup shalya chikitsa ke shat pratishat safal rahne ki ghoshna ki gai. gyatavya hai ki us samay jatak ko hriday ka kisi prakar ka rog nahin tha tatha usne is ghoshna par atyant ashcharya vyakt kiya tatha bataya ki uska raktachap niyamit rup se jancha jata hai aur vah ahar evan vihar men atyant santulit hai, atah hriday rog ki sanbhavna nahin hai .
jatak ko 1992 men hriday men pira ka abhas hua tatha chikitsakon ne use rog ka marij ghoshit kiya. farvri 1996 men shalya chikitsa dvara uska ilaj kiya gaya. tab uski kundli men shani ki mahadsha men ketu ka antar tatha ekadshesh chandrama ka pratyantar donon chal rahe the. ketu ki kendra men shubh avastha hone tatha ekadshesh ke pratyantar men hone ke karan shalya chikitsa safal rahi . ek jatak ki san 2000 se hriday ki chikitsa chal rahi thi tatha do aghat medikal kard men darj the.
yah jatak apni kanudli dikhane aya tatha uski grahon ki sthiti evan chal rahi vinshottari dasha se gyat hua ki hriday rog hone ki vartaman men sanbhavna nahin hai. is babat uske atit ki ghatnaon ka milan kiya gaya tatha janm patrika ke samay shuddhikaran pashchat use purn janch hetu hridyrog visheshagya se milne ko kaha gaya. janch se gyat hua ki uska hriday purn rup se samanya hai tatha kabhi koi aghat nahin hua hai.