bhojan jivan ka sarvadhik mahatvapurn avayav hai tatha jivan ka adhar hai. atah bhojan ka nirman kichan ke anukul evan urja samanvit vatavaran men hona avashyak hai. kichan men jab tak sakaratmak ‘chi’ evan urja ka nirbadh sancharan nahin hoga tab tak bhojan svadisht, paushtik evan supachya nahin ban sakta. grihiniyon ka chunki kafi samay kichan men bitta hai, atah vastu sammat kichan nahin hone se unka svasthya bhi nakaratmak rup se prabhavit hota hai. kichan jitna adhik vastu sammat hoga bhojan se logon ko utni hi adhik urja prapt hogi tatha log is urja ka upyog apne jivan ke har kshetra men sakaratmak rup se kar paenge.
vastu sammat kichan ka tatparya hai ki sarvapratham iski avasthiti uchit disha men ho tatha yahan rakhe jane vale sabhi saman uchit sthan evan disha men rakhe jayen. ek achche kichan ke karan hi ghar ke logon ka svasthya uttam rahta hai. kichan ke lie upyukt dishaen agni tatva ka shasak dakshin-purva disha hai, atah isi disha men kichan ki avasthiti sarvashreshth hai. yadi sthanabhav ke karan vikalp chunna hai to uttara-pashchim disha men bhi kichan banaya ja sakta hai. kintu in donon dishaon ke alava kisi anya disha v sthan par kichan banana vastu sammat nahin hai.
pravesh dvar kichan ka pravesh dvar purva athva uttar disha men hona sarvashreshth hai. vikalp ke taur par pashchim disha men bhi pravesh dvar rakha ja sakta hai. pravesh dvar kisi bhi kone par nahin hona chahie. ais stov gais stov rakhne ki vyavastha kichan men dakshin-purva disha (agney kon) men karni chahie. ise divar se kam se kam 3’’ hatakar rakhna chahie. gais stov mukhya dvar ke samne nahin hona chahie tatha vahan se dikhai nahin parna chahie. gais stov tatha anya khadya samagriyan is prakar vyavasthit ki jani chahie ki khana banate vakt grihini ka munh sadaiv purva disha ki or rahe.
khana banate samay grihini ka munh pashchim disha ki or hone se use svasthya sanbandhi pareshani ka samna karna par sakta hai. dakshin disha ki or munh hone se parivar men arthik sankton ka samna karna parta hai. gais stov ke upar koi bhi shelf nahin rakhna chahie. kichan men dayning tebal kichan men bhojan karne ki vyavastha yadi ki jay to yah bura nahin hai. kichan men bhojan karne se shani evan rahu grah ke pratikul prabhavon ka shaman hota hai.
kintu dayning tebal kichan ke madhya men rakhakar khana nahin parosa jana chahie. dayning tebal kichan ke uttara-pashchim disha men vyavasthit kiya ja sakta hai. khana khate vakt munh hamesha purva athva uttar disha men hi rakhna chahie, isse bhojan achchi tarah se pachta hai. gais silindar gais silindar gais stov ke niche ya samip dakshin-purva (agney) disha men rakhna chahie.
khali silindar d iksh na-p ishcham (nairritya) disha men rakhen. refrijretar refrijretar ko dakshin-purva, dakshin, pashchim athva uttar disha men rakha ja sakta hai. refrijretar ko uttara-purva (ishan) disha men kadapi nahin rakhna chahie. yadi refrijretar ko dakshin-purva (nairritya) disha men rakhte hain to ise kone se ek fit dur rakhen anyatha ismen bar-bar kharabi aegi. ilektrik eplayans hitar, paranpragat ovan, mayakrovev ovan kichan ke dakshin-purva athva dakshin disha men rakhna chahie. inhen kadapi uttara-purva (ishan) disha men nahin rakhen.
sink sink yathasanbhav uttara-purva (ishan) disha men lagaya jana chahie. sink evan gais stov ek sidh men nahin hona chahie tatha ek dusre se dur hona chahie kyonki agni evan jal ek dusre ke shatru hain. yadi kisi karanavash donon ek sidh men tatha najdik hon to unhen alag karne ke lie bich men kuch uncha saman jaise dabba adi rakh den. isse bahut had tak dosh men kami a jaegi. storej storej raik dakshini athva pashchimi divar par banaya jana chahie. avashyak khadya samagriyan jaise anaj ke dabbe, dal, masale adi dakshin athva pashchim disha men rakha jana chahie.
jal srot jaise ghara, vatar filtar adi dakshin-purva disha men rakhen. floring kichan men floring ke lie seramik tails, mojaik, marbal achche vikalp hain. bhartiya paristhitiyon men seramik tails anushansit hain kyonki isapar dag dhabbe evan dhul nahin jamte tatha skraich bhi nahin lagta. khirkiyan kichan men purva disha men do khirkiyon ya vayusrot ka hona avashyak hai.
purva disha men ekjhaust fain lagana bhi atyuttam hai. rang kichan ke flor evan divar ke rang yelo, aerenj, roj, chaekleti athva red rakhna upyukt hai. kuch dhyan rakhne yogya tathya - kichan taeylet ke upar ya niche nahin banana chahie.
- taeylet evan kichan ki divar ek nahin honi chahie.
- kichan ka dvar evan mukhya dvar amne-samne nahin hona chahie arthat mukhya dvar se kichan ke andar nahin dikhna chahie. isse ghar ke logon ka pet kharab rahta hai, khana thik se nahin pachta.
- kichan uttar athva uttara-purva disha men nahin honi chahie. isse ghar ke logon ka kariyar buri tarah prabhavit hota hai.
- vastu siddhanton ke anusar kichan ka nirman madhya-uttar, uttara-purva, madhya-pashchim, uttara-pashchim evan ghar ke madhya men karana purnarupen varjit hai.
- puja ghar athva mandir kadapi gais stov athva sink ke upar kichan men nahin banana chahie. yah durbhagya ka pratik hai. kichan men puja ghar athva mandir kahin bhi, kisi bhi disha men n rakhen to behatar hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!